Аԥснытәи абоксиорцәа Аолимпиатә резерв ашкол ахь ирыдыркылеит

28
Аолимпиатә резерв ашкол "Лидер" еиднакылоит Урыстәылеи Мрагылара ааигәа атәылақәеи рҟынтәи 1000-ҩык аспортсменцәа.

АҞӘА, ԥхынгәы 10– Sputnik, Асмаҭ Ҵәыџьԥҳа. Аԥсны абокси, ақәԥареи, атлетика хьанҭеи рзы ареспубликатә хәыҷы-қәыԥштә школ ааӡамҭацәа Анри Аршбеи Леон Абӷаџьааи Аолимпиатә резерв ашкол "Лидер" ахь ааԥхьара роуит ҳәа Sputnik иазааицҳаит ашкол адиректор, аспортсменцәа разыҟаҵаҩ Альберт Карди-оӷлы.

Аспортсменцәа изныкымкәа ареспубликатәии жәларбжьаратәии ачемпионатқәа рҿы аԥхьахәқәа ргахьеит. Аԥсны имҩаԥысуаз аиндаҭларақәа руак аҿы дара аликааит Москватәи аобласт аҟынтәи азыҟаҵаҩ Алексеи Подольски.

"Усҟан дара ибзиаӡаны рхы аадырԥшит. Анри Аршба хә-қәгыларак мҩаԥигеит, зегьы заанаҵы ихиркәшеит. Леон Абӷаџьаа иакәзар аҩбатәи аҭыԥ игеит. Ақәгыларақәа рышьҭахь Москватәи азыҟаҵаҩ арҭ аҷкәынцәа Аолимпиатә резерв ашкол аҟны рыҟазаара аԥсоуп ҳәа иҳәеит. Рҭаацәа срацәажәеит, иақәшаҳаҭхеит. Нанҳәамзазы Подольскҟа ицараны иҟоуп", – иҳәоит Карди-оӷлы.

Аолимпиатә резерв ашкол аҟны рыҟазаараан ачемпионатқәа разыҟаҵара адагьы ашколтә программагьы иахысуеит.

"Аспортсменцәа рзы ари ԥеиԥш бзиоуп. Ари ашкол аҿы еицырдыруа аспортсменцәа аҵара рҵон. Ҳаҷкәынцәа рзы амҩақәа аатуеит абокс адунеи ду ахь" ҳәа иҳәеит иара.

Аолимпиатә резерв ашкол "Лидер" еиднакылоит Урыстәылеи Мрагылара ааигәа атәылақәеи рҟынтәи 1000-ҩык аспортсменцәа.

 

28
Флаги

Аԥсны аҿиаразы аинвестициатә программа 2020 шықәсазы еиҵахаӡом

0
(ирҿыцуп 11:33 03.06.2020)
Аԥсны ахада Аслан Бжьаниа иажәақәа рыла, Урыстәылатәи Афедерациа Аԥсны афинанстә цхыраара еиҵанатәуам ахатә биуџьет аркьаҿрақәа шаланагалазгьы.

АҞӘА, рашәара 3 - Sputnik. Аԥсны асоциал-економикатә ҿиаразы аинвестициатә программа 2020 шықәсазы еиҵахаӡом ҳәа аҳәамҭа ҟаиҵеит Аԥсны ахада Аслан Бжьаниа Апарламент адепутатцәа данырԥылоз.

"Аҵыхәтәантәи мызки бжаки рыҩныҵҟа сара ҩынтә Москваҟа сцеит. Актәи аныҟәара аԥыза-министри сареи еицымҩаԥаагеит, аҩбатәи аныҟәара иалахәын афинансқәеи аекономикеи рминистрцәа. Урыстәылатәи агани ҳареи ҳаилацәажәеит аинвестпрограмма ахышәа-ҵышәа ишагымхо азы. Уи анаҩсгьы зыргылара хыркәшам аобиектқәагьы рыргылара ари ашықәс ахь ииаганы ихыркәшахоит. Ԥарала ари 400 миллион мааҭ артәоит", - иҳәеит Бжьаниа.

Иара убасгьы иазгәеиҭеит аҵыхәтәантәи ашықәсқәа рзы Аԥсны зныкгьы инхарҭәааны Аинвестициатә программа шазынамыгӡаз. Уажәы уи анализ азыҟаҳҵоит иҳәеит иара. Иҟалоит сынтәагьы аобиективтә мзызқәа ирхырҟьаны иалмыршахар. Бжьаниа игәаанагарала, амзызқәа иреиуоуп апроектқәа рысмета ииашоу аекспертиза азура ахьыҟам. Уи Урыстәылоуп иахьыҟарҵо, аамҭеи аԥареи рацәаны иаҭахуп.

Абри инадҳәаланы Урыстәыла ахадара ақәшаҳаҭхеит аекспертиза атехникатә план ала иуадаҩу аобиектқәа мацара рзыҟаҵара.

2021 шықәса рынахыс абри аҩыза аусура Аԥсны имҩаԥгахалоит.

Бжьаниа иҳәеит ареспублика 2020 шықәсазтәи аобиектқәа реиқәыԥхьаӡа рашәара 30 рҟынӡа иазнархиар шакәу.

"Ҳара иҟаҳҵарц иаҳҭаху ҳәаны уи азы аԥара заҟа ҳҭаххо шьақәҳаргылароуп. Агха ҟалар ҳара ҳрепутациоуп аԥырхага зауа. Аекономикеи афинансқәеи рминистррақәа абри аус рнапы алакуп уажәазы. Сгәыӷуеит еилагара дук ҟаларым ҳәа", - иҳәеит ахада.

Урыстәыла Аԥсны ацхраара еиҵанамтәит, уи акәым Аинвестпрограммала иаарышьҭуа ацхыраара ацҵара азҵаара алацәажәарагьы ҟалоит ҳәа иҳәеит Бжьаниа. Асеиԥш азыҟазаашьа аҭакгьы иашаны иаҭахуп ҳәа ишьоит иара.

Бжьаниа иара убасгьы далацәажәеит Ԥсоу иаԥну аҳәаа аркра азҵаара. Акоронавирус иахҟьаз аԥкрақәа ареспублика ауааԥсыра ирнырит, аиҳаракгьы аҳәаанырцә ахәышәтәра зҭаху ауаа.

Аслан Бжьаниа иажәақәа рыла, иара Урыстәыла аԥыза-министр Михаил Мишустин ихьӡала аҳәаратә шәҟәы азирхиеит арҭ рҩызцәа атәылауаа ԥынгылада урыстәылатәи ахәышәтәырҭақәа рҿы ацхыраара роуларц.

Бжьаниа амчыбжь анҵәамҭаз Мишустин аҭел дизасраны дыҟоуп азҵаара аӡбшьазы.

Ахада иҳәеит Москваҟа Аиааира 75-шықәса ахыҵра амшныҳәа азгәаҭарахь дышнаԥхьоу. Убасҟантәи аныҟәарақәа рҳәаа иҭагӡаны ишышьақәыргылахо Аинвестициатә программа иадҳәалоу азҵаарақәа зегьы рыӡбра.

Иара убас шәаԥхьар ҟалоит:

0
Пограничный пункт Ингур в Гальском районе Абхазии

Аслан Бжьаниа: Аԥснынтәи Қырҭтәылаҟа миллиард мааҭ рыхә аалыҵ цоит

0
(ирҿыцуп 11:04 03.06.2020)
Аслан Бжьаниа хаҭала далацәажәеит аԥсуа-аурыси аԥсуа-ақырҭуеи ҳәынҭқарратә ҳәаақәа рҟны аушьҭырҭатә ҭыԥқәа русура апроблема хадақәа.

АҞӘА, рашәара 3 - Sputnik. Аԥснынтәи Қырҭтәылаҟа миллиард мааҭ рыхә аалыҵ цоит ҳәа иҳәеит адепутатцәа рԥылараан Аԥсны ахада Аслан Бжьаниа.

"Миллиард мааҭ рыхә аалыҵ аҳәаа иахыргоит. Аҳазалхратә еилаки ақыҭанхамҩа аминистрреи рдыррақәа рыла, ашықәс аҩныҵҟа иаадрыхуа араса 11-12 нызқь тонна ыҟоуп. Ианеиҳаха 10% ауп абри аҟынтәи Урыстәылаҟа ирго. Егьи зегьы Қырҭтәылаҟа ицоит, аԥарақәагьы ззаанхо аконтрабанда знапы алаку ауаа роуп", - ҳәа азгәеиҭеит Бжьаниа.

Ахада агәыӷра ааирԥшит аҳәынҭқарратә ҳәаа иахәҭоу ахылаԥшра аиуп ҳәеи абарҭ азҵаарақәа рызнеишьа еиҭакхап ҳәеи.

Аслан Бжьаниа игәаанагарала, иара убасгьы еиҭактәуп аушьҭырҭатә ҭыԥ "Ԥсоу" иҟоу арежим. Уи хы аманы иҟам. Иара игәаанагарала, уантәи иқәгатәуп иахәҭам ахылаԥшратә усбарҭақәа.

"Урыстәылатәи аган абриаҟара хылаԥшратә усбарҭа ргыларазы рхатә гәаанагара рымоуп. Дара ацәшәоит Аԥснынтәи абџьар ахыгара. Ус анакәха ҳара уи абџьар ахылаԥшра аҳҭароуп", - ҳәа иҳәеит Бжьаниа.

Убри аан иара иазгәеиҭеит излацәажәо ауааԥсыра абџьар рымхра шакәым, иара ашәҟәҭагалареи, аҵәахразы аҭагылазаашьақәа раԥҵареи, арҭ аԥҟаррақәа реилагаразы аҭакԥхықәреи шракәу. Абри азҵаара аӡбра ашьҭахь акәхоит аԥсуа ган Урыстәылахь аҳәааҿы арежим арԥсыҽразы ажәадгала ҟанаҵар аналшо.

Иара убас шәаԥхьар ҟалоит:

0