Ажурналист

Аԥсны ажурналистцәа Реидгыла Ажурналисттә етика ахартиа иалалеит

26
Адокумент адгылара арҭеит адунеи зегь аҿы миллионбжак инеиҳаны апресса ахаҭарнакцәа.

АҞӘА, ԥхынгәы 11 – Sputnik. Аԥсны ажурналистцәа Реидгыла иаӡбеит ажурналистцәа жәларбжьаратәи Рфедерациа ажурналисттә етика Ахартиа алаларазы ҳәа адырра ҟарҵеит аиҿкаараҟынтәи.

Ажурналистцәа Жәларбжьаратәи рфедерациа Ахартиа аднакылеит Тунис 2019 шықәса рашәарамзазы.

"Ахартиа алацәажәареи адкылареи ирылахәын адунеи зегь аҟынтәи ажурналистцәа, 160 журналисттә еидгыла рҟынтәи", - аҳәоит адырраҭараҿы.

Ахартиа аҵакы ҵаҵӷәыс иамоуп 1954 шықәсазтәи ажурналистцәа рхымҩаԥгашьа апринципқәа Рдекларациа. Иара аҵыхәтәаны ирҿыцын 1986 шықәса рзы. Адокумент апреамбулеи 16 хәҭаҷи рыла ишьақәыргылоуп. Шьаҭас иамоуп Ауаҩытәыҩса изинқәа рдекларациа.

Ҳашыг: 2019-тәи ашықәс зегьы аԥсуа журналистика иашықәсуп>>

Уи адагьы, Ажурналистцәа реидгыла аилатәара алахәылацәа иҟалараны иҟоу алхрақәа инарыдҳәаланы ажурналистцәа зегь рахь ааԥхьара ҟарҵеит АИХ русзуҩцәа зегьы алхрақәа раан алхратә закәанԥҵареи АИХ рзы азакәани ирықәныҟәаларц.

 

26

Барганџьиа еиҭеиҳәеит Аԥсны шаҟа араса аҽаҩра иазыԥшу

7
(ирҿыцуп 19:03 07.08.2020)
Ақыҭанхамҩа аминистрра агрономиа аҟәша аиҳабы Едуард Барганџьиа арадио Sputnik аефир аҟны еиҭеиҳәеит сынтәа аҳәынҭқарраҟны шаҟа араса аҽаҩра иазыԥшу, ахаҭабзиара зеиԥшроу атәы.
Барганџьиа еиҭеиҳәеит Аԥсны шаҟа араса аҽаҩра иазыԥшу

"Араса атәыла анҭыҵ ианахырго ашәахтә аԥыхуп ҵыԥх аахыижьҭеи. Егьыс араса аҽаҩра 13 нызқь тонна рҟынӡа сынтәа иҟалоит ҳәа ҳазыԥшуп. Уи аҿыхра, аизгара, аҭира иалагахьеит. Араионқәа рҟны араса ахьрыдыркыло еиҿкааны ирымоуп, макьаназы ахә 60 мааҭ рҟынӡа ыҟоуп. Сынтәа аҽаҩра ҵыԥх аасҭа еиҳауп. Иҟоуп араса ахәшәтәра иахьахьӡаз, аҳәынҭқарраҟны аԥара аҟамзаара иахҟьаны ахәшәтәра иахьагхазгьы ыҟоуп. Араса ачымазара акит, ҳахьахьымӡаз. Аҽаҩра иҟоу 60 процент рҟынӡа араса бзиоуп ҳәа адырра ҳамоуп", - иҳәеит Барганџьиа.

Иара иазгәеиҭеит иахьа аҳәынҭқарраҟны азҿлымҳара шыҟоу ақыҭанхамҩа аҿиара азҵаара аганахьала.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sрutnik аефир аҟны.

Иара убас шәаԥхьар ҟалоит:

7

COVID-19 рзықәыргылоуп даҽа фҩык Аԥсны ауааԥсыра

7
(ирҿыцуп 18:04 07.08.2020)
Ииасыз уахыки-ҽнаки рыла акоронавирустә чымазара амазааразы агәаҭара иахысит 82-ҩык Аԥсны ауааԥсыра.

АҞӘА, нанҳәа 7- Sputnik. Адиагноз COVID-19 рзықәыргылоуп даҽа фҩык Аԥсны ауааԥсыра ҳәа аанацҳауеит акоронавирустә ҿкы рацәыхьчаразы аоперативтә штаб.

Иахьазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 40-ҩык апациентцәа.

Иахьазы Аԥсны акоронавирус здырбалахьоу рхыԥхьаӡара 120-ҩык ыҟоуп. Урҭ рахьтә 37-ҩык ргәы бзиахеит, хҩык рыԥсҭазаара иалҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

7
Атемақәа:
Ачымазара ҿкы – акоронавирус Аԥсни адунеи аҿи: иалкаау