Ацрыҵрыцқьаратә хархәагақәа

Амшын ацқьаразы иҟаз апроблемақәа рҭыԥ иқәҵоуп

25
Аҟәа аканализациатә станциаҿ аҭыԥ змаз аиԥҟьарақәа ирыхҟьаны ацрыҵқәа шиашоу амшын иалалон лаҵарамзаахыс.

АҞӘА, ԥхынгәы 11 – Sputnik, Бадраҟ Аҩӡба. Аҟәатәи аканализациатә станциа хадаҿы афымцарныҟәага аремонт азуны еиҭашьақәдыргылеит ҳәа ааицҳаит АУН "Аӡыканал" анџьныр еиҳабы Мераб Анқәаб.

"Афымцарныҟәагеи аӡҭыгагеи Краснодар аремонт рзыҟарҵеит. Иахьа дара ықәҳаргылеит. Уажәшьҭарнахыс аӡыцрыҵқәа зегьы Алада Ешыра иҟоу арыцқьагатә ргыларахь инашьҭхалоит", - иҳәеит иара.

Аҟәа ақалақь асанитартә ҳақьым хада Алла Белиаева лажәақәа рыла, амашәыртә црыҵлашьҭра амшын ахь ииаган.

Узыцәшәо ҳәа акгьы ыҟам: амшынӡы аҭагылазаашьа иахцәажәеит аҳақьымцәа>>

"250 метра амшын аҟәара инацәыхараны амашәыртә лашьҭрақәа мҩаԥган", - лҳәоит лара.

Лара убасгьы иазгәалҭеит амшынӡы анализқәа есымчыбжьа ишымҩаԥыргоз. Урҭ рылҵшәақәа инарықәыршәаны, амшынӡы цқьоуп ҳәа иԥхьаӡоуп.

Аԥхын азҵаара: иҟалома ҳамшын аҿы аҽыкәабара?>>

АУН "Аӡыканал" Алада Ешыра игылоу арыцқьаратә хархәагақәа аҳҭнықалақь аканализациатә црыҵқәа зегь еиднакылоит. 90% рҟынӡа ирыцқьоу ацрыҵ амшын иалалоит.

 

25
Тенгиз Сабуа

Сабуа еиҭеиҳәеит Гәылрыԥшьи Очамчыреи амшынҭаларазы аԥҟарақәа ргәаҭара иаадырԥшыз

1
Аԥсны Аҭагылазаашьа ҷыдақәа рзы аминистрра иаҵанакуа Зышәагаа маҷу аӷбақәа рзы аҳәынҭинспекциа аиҳабы Ҭенгиз Сабуа арадио Sputnik аефир аҟны еиҭеиҳәеит амшынҭаларазы ашәарҭадара аԥҟарақәа рынагӡашьа араионқәа рҟны ишгәарҭоз, уи алҵшәақәа ртәы.

 

Сабуа еиҭеиҳәеит Гәылрыԥшьи Очамчыреи амшынҭаларазы аԥҟарақәа ргәаҭара иаадырԥшыз

Рашәара 5 инаркны Аԥсны официалла амшын аҟны аҽыкәабара аамҭа аартуп. Ҳтәыла ақалақьқәеи араионқәеи рхадарақәа амшын аҟны аҽыкәабараан ашәарҭадара алзыршо аусқәа рынагӡара рнапы иануп.

"Иахьа ҳаҟан Гәылрыԥшьи Очамчыреи араионқәа рҟны. Гәылрыԥшь араион аҟны ирҳәеит рбиуџьет иаҵанакуа аԥара амшын аԥшаҳәаҟны изыхәҭоу аԥҟарақәа ишрыхҭнырымҵо, сынтәа акгьы рзеиҿкаауам ҳәа. Ҳара акт ҳҩит сынтәала Гәылрыԥшь араион амшын аԥшаҳәа азыҟаҵам ҳәа, уи ҳминистр иаҳҭоит, ажәахә ҟаиҵоит аҳәынҭқарра ахада иҟны. Очамчыра арион аҟны иҳаҳәеит аамҭа раҳҭарц иаҭаху аԥҟарақәа рынагӡаразы. Еилаҳкаауеит ауадаҩрақәа шыҟоу, ишахәҭоу ԥарала ишеиқәшәам, убри аҟынтә даҽа жәамш раҳҭеит. Ашәахьа инаркны ҳалагоит Афон ҿыц, Гәдоуҭа, Пицунда, Гагра амшын аԥшаҳәа аҭагылазаашьа агәаҭара", - иҳәеит Сабуа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

1

Аслан Бжьаниа Аԥсны акультура аминистр даиҭеит

3
(ирҿыцуп 19:58 05.06.2020)
Аԥсны Аҳәынҭқарра ахада Аслан Бжьаниа акультура аминистрс дҟаиҵеит Гәдиса Агрба, ари аҭыԥ аҟны иара диԥсахит Ельвира Арсалиаԥҳа.

АҞӘА, рашәара 5 - Sputnik. Гәдиса Агрба Аԥсны Акультура аминистрра дахагылеит, абри азы аусԥҟа инапы аҵаиҩит Аслан Бжьаниа ҳәа аанацҳауеит атәыла ахада ипресс-маҵзура.

Гәдиса Едуард-иԥа Агрба диит 1984 шықәсазы Тҟәарчал ақалақь аҟны. Аԥснытәи аҳәынҭқарратә университет аҭоурыхтә факультет даушьҭымҭоуп. Апартиа "Амцахара" аполитхеилак далахәылоуп. Еиуеиԥшым аамҭақәа рзы Аԥсны ахада Иусбарҭаҟны аус иуан, иара убас Аԥсны Аҿари аспорти рзы Аҳәынҭеилакы ахантәаҩыс дыҟан. 

2016 шықәсазы апарламент адепутатцәа Аԥсны Алхратә комиссиа хада алахәылаҩыс далырхит. Убри ашықәсан ахада заанаҵтәи иалхрақәа рзы ареферендум амҩаԥгара аԥшьгаҩцәа дыруаӡәкын. Уи ареферндум ахь абжьыҭаразы иаҭахыз ауаа рхыԥхьаӡара ахьымнеиз азы ишьақәымгылеит.

2017 шықәсазы хәажәкырамзазы атәылаҿы Жәлар Реизара адепутатрахь кандидатс дықәгылан алхратә ҭыԥ хада №8 - Аҟәа Алашарбага аҳаблаҿы. Усҟан аиааира игеит иара иоппонент, апартиа "Аԥсны жәлар ракзаара афорум" аҟынтәи иқәгылаз Ахра Абыхәба.

Гәдиса Агрба иаԥхьа Аԥсны акультура аминистрс дыҟан Ельвира Арсалиаԥҳа, лара ари амаҵура аанылкылон 2014 шықәса жьҭаарамза инаркны.

Иара убас шәаԥхьар ҟалоит:

3