Карди-оӷлы: аԥснытәи абоксиорцәа аҳәаанырцәҟа имцар ада ԥсыхәа рымам

© Sputnik / Томас ТхайцукАлик Карди оглы
Алик Карди оглы  - Sputnik Аҧсны
Анапаҵаҩра
Аԥсны апрофессионалтә бокс Афедерациа ахада, абокси, ақәԥареи, атлетика хьанҭеи рзы Ареспубликатә школ адиректор Альберт Карди-оӷлы арадио Sputnik Аԥсны аефир аҿы еиҭеиҳәеит абоксиор қәыԥшцәа рԥеиԥш иазеиӷьу аҳәаанырцәтәи ашколқәа шракәу.

АҞӘА, ԥхынгәы 12 - Sputnik. Аԥсны апрофессионалтә бокс Афедерациа ахада, абокси, ақәԥареи, атлетика хьанҭеи рзы Ареспубликатә школ адиректор Альберт Карди-оӷлы иҳәеит аԥснытәи абоксиорцәа Аԥсны анҭыҵ ркариера аизырҳара зыхҟьо азы игәаанагара.

"Ҳара, азыҟаҵаҩцәа, иаҳҭахуп ҳаспортсменцәа Европеи адунеии рчемпионатқәеи Аолимпиатә хәмаррақәеи рҟны аԥхьахәқәа ргалар. Аха ҳара иҳамаӡам уи аҩыза алшара асеиԥш иҟоу аиндаҭларақәа рылахәхаразы. Убри инадҳәаланы ҳҽазаҳшәоит ҳааӡамҭацәа рреитинг ашьҭыхразы аҳәаанырцәтәи ашколқәа рыҭара. Ари маӡам. Зегьы еицаадыруоуп", - иҳәеит Карди-оӷлы.

Абокс азы жәларбжьаратәи атурнир Афон ҿыцҟа ииагахоит>>

Апрофессионалтә бокс аҿы ари аус ҭышәынтәалан иҟоуп – аиқәшаҳаҭрақәеи аилаӡарақәеи шьақәҳаргылахьеит, иҳәоит Карди-оӷлы. Иара иажәақәа рыла, иҟоуп аԥсуа бираҟ иаҵагыланы ақәгылара зылшо аспортсменцәагьы. Аолимпиатә бокс аҿы уи аҩыза азин рымам. Аиндаҭларақәа рыԥҟарақәа уи азин ҟарҵом.

 

Ажәабжьқәа зегьы
0