Вечер пародий в абхазском театре

"Алаф ашҭа": апародиақәа рыхәылԥаз адраматә театр аҟны имҩаԥысит

111
(ирҿыцуп 15:07 19.07.2019)
Апародиақәа рыхәылԥаз мҩаԥысит Самсон Ҷанба ихьӡ зху Аԥсуа драматә театр ацена маҷ аҟны. "Алаф ашҭа" иалахәын иазхаҵоу апародиа азҟазацәа реиԥш, иҿыцу авторцәагьы.

Аинар Ҷыҭанаа, Sputnik

Апародиеи асатиреи лассы-лассы алитературатә усмҩаԥгатәқәа рхыԥхьаӡараҿы ахатә ҭыԥ ааныркылалоит. Асатиратә ажәа аҳра ахьауа, иҵару аԥсуа лаф иазку аиқәшәарақәа изныкымкәа имҩаԥысхьеит, ААУ аҳәаақәа рҟны еиԥш, аԥсуа театр асцена ду аҿгьы.

Владимир Занҭариа иажәеинраалақәа рпародиа ала алаф ажәа хациркит апоет, апрозаик Игорь Хәарцкьиа. Ҵыхәаԥҵәарада алаф зхылҿиаауа автор ималаныҟәа, идырым афранцыз ԥҳәызба ҳамҭас изынлыжьыз "де золе" уҳәа, Занҭариа парижтәи ицикл акәын Хәарцкьиа уажәы ихҭакны имаз. Азал аҟынтәи арҭ апародиақәа инапы рзеиниҟьон Владимир Константин-иԥа ихаҭагьы.

Анаҩс ажәа иҭан, апоетесса Гәында Сақаниаԥҳа ишазгәалҭаз еиԥш, асатиратә ажәа хны изҿоу апоет, ажурнал "Алашара" аредактор хада Анатоли Лагәлаа. Иара ихаҭа излазгәеиҭаз ала дзыԥхьараны дыҟаз апародиақәа рҵакы, хадаратәла иахьатәи аамҭа "иаднацәылон". Иаҳҳәап, дзыԥхьақәаз рҟынтәи актәи:

"Апрезидентрахь зхы зырхаз,

Убри аҟара ирацәаҩхеит.

Ҳаауԥхьаӡар арахь инхаз,

Зыбжьы зҭиуа ҳаиҵахеит".

Вечер пародий в абхазском театре
© Sputnik / Томас Тхайцук
Ажурнал "Алашара" аредактор хада Анатоли Лагәлаа апародиақәа рыхәылԥаз аҿы.

 

Анатоли Ианкәа-иԥа икьаҿу исатиратә ҩымҭақәа данрыԥхьа ашьҭахь, даԥхьеит ажурналист Елеонора Коӷониаԥҳа илзиикыз аепиграмма. "Елеонора аепиграмма лзуук, амца уалаԥал – зегьакоуп" ҳәа днахлафын, аԥхьара далагеит:

"Ицәгьагәышьоуп, аха, лшоура,

Даныҟам гәҿыӷьроуп Елеонора.

Афеисбучкацәа лнацәа иахаршәуп,

Лара иахьылҳәаз ахҭа иҭаршәуп.

Амал еимҵәаҩцәа даарбеит – идысуеит,

Урҭ зны-зынлагь дрывахысуеит.

Аха есымшаҵәҟьагь илҳәом лиаша,

Инықәлыртәоит аԥсы ахьашьаша…"

Иара убас Лагәлаа дрыԥхьеит аепиграммақәа, Гәында Кәыҵниаԥҳаи Гәында Сақаниаԥҳаи ирхиҳәааз, Игорь Хәарцкьиа изикыз уҳәа.

Ахәылԥаз даман асас ҷыдагьы: ашәаҳәаҩ Анатоли Алҭеиба. Иара еизаз ирзынаигӡеит алаф ашәа, иара убас аԥсуа естрадаҿы иклассикахахьоу иашәақәа рҟынтәи акы-ҩба. Алаф инаваргыланы ахәылԥаз амузыкагьы анацла, ахәаԥшцәа еиҳа-еиҳа ргәалаҟара шьҭыҵуан.

Вечер пародий в абхазском театре
© Sputnik / Томас Тхайцук
Ахәылԥаз даман асас ҷыдагьы: ашәаҳәаҩ Анатоли Алҭеиба

 

Апородиа ахәылԥаз аиҿкааҩ, апоетесса Гәында Сақаниаԥҳа лықәгылара хацлыркит апоет Анатоли Лагәлаа изылкыз аепиграммақәа рыла:

"Ишарылеит Сылашара,

Иамҵәагәышьт агонорар.

Исыргәыбзыӷит сыбжьы хаа ала,

Аиҳабыраа сџьамагьар.

….

Аха исзыгәаӷьуам, зегь башоуп,

Сықәҵып Ҷлоуҟа схы рханы.

Аиҳабыраа ирҳәо иашоуп:

Аԥара ыҟаӡам Аԥсны".

 

Апародиақәа рыхәылԥаз аҟны автор ҿыц иаҳасабала дцәырҵит асахьаҭыхҩы Илиа Ҵәыџьбагьы.

Аҵыхәтәажәа аҳәара идын Аԥсны акультуреи аҭоурых культуратә ҭынха ахьчареи рминистрра аспециалист хада Адамыр Гәынба. Иара актиорк иаҳасабала еицырдыруа аԥсуа ҵарауаа, академикцәа рцәажәашьақәа ҟаиҵо даналага, ахәаԥшцәа уажәаԥхьа ираҳахьаз аасҭагьы иарччеит. Адамыр иааирԥшуаз ауаа адәахьтәи рҭеиҭыԥш адагьы рыбжьқәагьы уамашәа ирзааигәаӡаны аиҭарсра илшон аҟнытә ахәаԥшцәагьы кыр аамҭа дрышьҭуамызт.

Адамыр излеиҳәаз ала аиҵбыратә классқәа раахыс ауаа рцәажәашьақәа реиҭарсра бзиа ибон. Агәылацәа рхымҩаԥгашьа, рцәажәашьа актиорк иеиԥш ирзааигәаӡаны ишааирԥшуаз гәазҭаз иҭаацәа ирҭаххеит актиортә ҟазара иҽазикырц. Аха еиуеиԥшым амзызқәа ирыхҟьаны Адамыр иалихит даҽа мҩак. Дҭалеит афилологиатә факультет.

"Аҵара санҭаз аамҭазы, пату ду зқәысҵо сырҵаҩцәа, дара ишырбоз рыҟаҵашьақәа аасырԥшыр акәхеит, ныҳәатә еиԥыларак аҟны. Аха даргьы, иааџьоушьартә ибзианы ирыдыркылеит слаф. Уи аахысгьы зны-зынла иансыҳәалакь дырҩеигь реиҭарсра салагоит. Сара бзиа избоит алаф здызкыло, иазымгәаауа ауаа. Сгәанала, жәытәнатә аахыс ишыҟаз еиԥш, иахьагьы аԥсуаа асамырҟәыл пату ақәырҵоит. Аԥсҭазаара лахҿыхрак ацзароуп. Уи адагьы ԥсыхәа ыҟаӡам", - иазгәеиҭеит Гәынба.

Астудент Асҭамыр Кәакәасқьыр раԥхьаӡакәны апародиақәа рыхәылԥаз даҭааит. Иибази иаҳази ахәшьара ҳаракы рыҭо, иара иазгәеиҭеит егьыраан иҩызцәагьы ари ахәылԥаз ишадиԥхьало.

"Уажәаԥхьагьы апародиақәа рыхәылԥаз аӡбахә саҳахьан, акыр исзеинтересын уи аҭаарагьы, аха иахьоуп раԥхьаӡакәны санахәаԥш. Сгәанала, иахьа еиԥш аԥсуа лаф алитературатә форма аҭаны асценахь ацәыргара – иагьиашоуп, иагьаҭахуп" - иҳәеит иара.

 

111

Бзыԥ аӡы иагаз Питертәи атуристка лыԥсыбаҩ ԥшаауп

3
(ирҿыцуп 13:31 15.08.2020)
Аԥсны Аҭагылазаашьа ҷыдақәа рминистрра аҟазауаа, Бзыԥ аӡы дагеит ҳәа иршьоз атуристка ԥшьымш лыԥшаара иаҿын.

АҞӘА, нанҳәа 15 – Sputnik. Бзыԥ аӡы дагеит ҳәа иршьоз Питертәи атуристка лыԥсыбаҩ ԥшаауп, абри атәы аанацҳауеит Аԥсны Аҭагылазаашьа ҷыдақәа рминистрра апресс-маҵзура.

Аԥшаарақәа ирылахәын Гагреи Гәдоуҭеи араионқәа рымцарцәара-еиқәырхаратә бригадақәеи Аҳәынҭқарратә инспекциа аӡыҵалаҩцәеи, аволонтиорцәеи.

Аӡӷаб лыԥсыбаҩ ԥшаан амашәыр ахьыҟалаз аҭыԥ аҟынтәи шә-метрак инахыганы, ацаҟьа азааигәара, ԥшьметрак аҵаулараҟны.

Ҩыџьа атуристцәа зықәтәаз аквадроцикл Риҵаҟа узгоз амҩа иаҿҟьеит нанҳәа 12 рзы.

1998 шықәса рзы ииз арԥыси аԥҳәызбеи Аԥсныҟа ԥсшьара ҳәа иааит Санкт-Петербургнтә. Аквадроцикл қьырала иргеит.

Аҷкәын ибыргәым аахақәа иоуит, аквадроцикл Бзыԥ аҟәараҿы ирбеит.

Иара убас шәаԥхьар ҟалоит:

  • Атуристцәа зықәтәаз аквадроцикл Бзыԥ аӡиас иалаҳаит

 

 

3
Нхыҵ Кавказынтәи хатәгәаԥхарала иеибашьуаз ҳашьцәа. 1993 ш.

Абри адгьыл аҿы ашьа камшразы

53
Нанҳәа 15 рзы 28 шықәса раԥхьа, Аԥсныҟа иааит раԥхьатәи хатәгәаԥхарала иеибашьуаз ргәыԥ. Аԥсны ари амш Хатәгәаԥхарала иеибашьуаз имш ҳәа иазгәарҭоит. Дазусҭада уи агәымшәа? Sputnik аколумнист Светлана Ладариаԥҳа иҳацеиҩылшоит урҭ ирызку лыгәҭахәыцрақәа.

Дызусҭада хатәгәаԥхарала арыцҳара иақәшәаз ажәлар рывагыларазы, рхақәиҭтәразы гәыҩбарак ҟамҵакәа, еимгеимцарак ала изыӡбо? Аусуҩ, аҳақьым, арҵаҩы. Аус уцызуа. Угәыла. Удыр. Зны-зынла акала егьырҭ зегь ирылумкаауаз. Азеиԥш уаҩы.

Лили Ҳагԥҳа: Мураҭ хәыҷы Аԥсныҟа ааиха имоукәа - дҭахоит>>

Нанҳәамза 14 ашьыжь ашараз Аԥсны амра атыҩ ишакыз заҳаз рҟынтәи шәҩыла арахь амҩа иқәларц рыӡбеит. Урҭ рҟынтәи иҟан Аԥсны иаахьаз, бзиа избахьаз. Иҟан аӡбахә мацара заҳахьаз. Аха уи акәмызт урҭ ргәы-рыԥсаҿы ихадараз. Ихадараз - арыцҳара иҭашәаз рыдгылара, рывагылара акәын. Убри аан ирдыруан аибашьра еиқәханы изалымҵыр шауазгьы. Аха ауаҩы наџьнатә аахыс ицәа-ижьы иалоу аҟазшьа ҷыдақәа ируаку – аҽа уаҩытәыҩсак ицхраара ахымԥадара аԥыжәара агон.

Арахь амҩа иқәларц зҽеидызкылоз рҟынтәи иҟан аԥсра абла иҭаԥшхьаз, абџьар зкхьаз. Иҟан иржәышаз аӡыхь ахы ыҵнамхыцкәа аԥсҭазаара ашәхымс иацы иаахыҵыз. Иҟан ҭаацәарак рхадацәа. Иҟан аԥазаҵәқәа. Ажәлеи абиԥареи уаҵәтәи амш иадызҳәалашаз. Аха абарҭ аминуҭқәа раан урҭ рҟынтәи аӡәызаҵәыкгьы хьаҵрак ҟасҵап ҳәа дхәыцуамызт. Иҟаз мҩа заҵәык акәын – Аԥсныҟа.

Ажәытә зны ахақәиҭраз Бырзентәыла иқәԥоз рыцхыраараз амҩа иқәлаз апоет ду Баирон иеиԥш Аԥсныҟа амҩа дықәлеит Урыстәыла уаҵәтәи аԥеиԥш зырлашартә аҟара аҟазара злаз, "Чем меньше мужчин, выбирающих страх, тем выше полет ястребиный…" ҳәа изыԥхьаӡоз апоет қәыԥш Александр Бардодым. Аԥсны иҟоу аиашареи аиашамреи зыблала избарц зҭаххаз, Польша атәылауаҩ Годав Иануш Анжеи Аԥсны дахьааиз, абџьар шьҭыхны ҳажәлар дрывагылеит. Аҳҭнықалақь агара ихгьы ақәиҵеит.

Анкьа зны забацәеи забдуцәеи аҭырқәа шхәақәа рыла амшын ихырхәхәалан атәым жәҩан иаҵаргалаз рхылҵшьҭрақәа шьҭахьҟа игьежьит ахааназ ирымбацыз, аха рыԥхыӡ иалаз рҭоурыхтә ԥсадгьыл ахь. Ранацәеи рабацәеи рыбла инҭагәӡны, уажәыҵәҟьа ҳхынҳәуеит ҳәа раҳәаны, арахь амҩа иқәлеит "ашьа ахала аҽадыруеит" ҳәа ажәаԥҟа шиашоу агәра ҳзыргаз Нхыҵ Кавказаа рыҷкәынцәа. Урыстәыла, Украина, Прибалтика, Белоруссиа уҳәа ииз, изызҳаз, аиаша азықәԥара зшьа-зда иалаз аԥсуаа рыцхыраара иазыхианы амҩа иқәлеит ахацәа.

Иуҳәар ауеит ауаҩы ихала ихы даназынхо игәаӷь егьа иӷәӷәазаргьы, цәшәарак аҵалар алшоит ҳәа. Наԥсҵәык иҟаз аԥсуа жәлар ԥшьмиллионк инареиҳаз, бџьарла еибыҭаз амилаҭ рҿаԥхьа шәарак шрымамызгьы, хатәгәаԥхарала "ҳахьышәҭаху ҳаҟоуп, ҳшәашьцәоуп" ҳәа ашьха каҵәарақәа ирхысны ҳшымгәыӷӡоз ианаарыдгыла, рымч еиҭа мыч ацлеит, рыгәаӷьрагьы ҩбахеит, ихԥахеит.

Ушаӡәыку жәаҩыла, шәҩыла ауаа анааувагылалак, уаӡәкра уаалҵны ухы уҩахоит. Уӷәӷәахоит.

Аԥсуа жәлар ирыдгыланы иқәгылеит: Адыгатәи ауаажәларратә еиҿкаара "Адыгэ Хасэ", Ҟарачытәи адемократиатә еилазаара "Джамагат", ачечен жәлар рзеиԥшмилаҭтә Конгресс, абаза уаажәларратә еиҿкаара "Адгылара", Алада-Уаԥстәылатәи ауаажәларратә еиҿкаара "Адамон ныхас", Дон, Ҟәыбина аказақцәа реиҿкаарақәа. Адунеи иахыҵәеит Еиду аштатқәа, Германиа, Ҭырқәтәыла, Шьамтәыла инхоз аԥсуа жәлар рхаҭарнакцәа рықәгыларақәа. Иҿаҳазарц, идагәазарц зҭахыз ҳәынҭқаррақәак рҿынӡагьы инаӡеит урҭ рыбжьы.

Адунеиаҿ иахьагьы инагӡаны ирзеилымкаац аԥсуаа рфеномен - урҭ ақырҭцәа риааира рылзыршаз. Иҭырҵаауеит. Сара сгәаанагарала, уи афеномен аԥсадгьыл ахьчареи, абзиабареи, ахақәиҭреи ахьыԥшымреи разгәышьреи реиԥшҵәҟьа иахәҭаны иҟан аидгыларагьы.

Ҳаиқәырхара иацхрааз аидгылара... Ҳәарада, аԥсуаа рыԥсадгьыл азы аҵыхәтәантәи ахаҵа иԥсы ныҭшәаанӡа еибашьышан, аха иахьатәи ҳиааира ԥсыс иахоу иреиуоуп хатәгәаԥхарала иҳавагылаз, аамҭак ала аԥсуа иеиԥшҵәҟьа ахәыцра иалагаз, зхы-зыԥсеиԥш ҳадгьыл бзиа избаз...

Ирацәаҩуп, ирацәаҩӡоуп урҭ рҟынтәи ари адгьыл иамардаз... Наӡаӡа ара иаанхаз... Ҳажәҩан цқьа, ҳажәҩан лаша зыԥсыцқьақәа аҵоу...

Аԥсны Аԥсынны адунеи иақәлахарц азы Ҟабарда-Балкариа, Ҟарачы-Черқьесиа, Аедыгьтәыла, Чечниа, Ингуштәыла, Даӷьсҭан, Нхыҵ Уаԥстәыла, Аахыҵ Уаԥстәыла, Ҭырқәтәыла, Шьамтәыла, Урыстәыла, Белоруссиа, Украина, Естониа, Азербаиџьан, Ҟазахстан, Кыргызстан, Ҭаҭарстан, Узбекистан, Туркменистан уҳәа рҟынтәи шәҩыла аиаша иазықәԥоз ауаа.

Иахьа ҳара ҳзы ихадароу - еиҵагылоу ҳабиԥара абарҭ ахьӡқәа рхамшҭыртә рааӡароуп!

Иахьа ҳара ҳзы ихадароу - абарҭ ауаа иҳацрыхьчаз ҳаԥсадгьыл амырӡроуп!

Иахьа ҳара ҳзы ихадароу - уаҳа абри адгьыл аҿы ашьа камшуа аҟаҵароуп!

Иара убас шәаԥхьар ҟалоит:

53