Анхарҭа ҿыц: ауадақәа рцаԥхақәа рнапаҿы ироуит ҳџьынџьуаа 48 ҭаацәара

Анхарҭа ҿыц: ауадақәа рцаԥхақәа рнапаҿы ироуит ҳџьынџьуаа 48 ҭаацәара

93
(ирҿыцуп 16:44 02.08.2019)
Маҷара ақыҭан аҩнеихагылаҿ ауада ҿыцқәа рцаԥхақәа рнапаҿы ироуит зыԥсадгьыл ахь ихынҳәыз ҳџьынџьуаа 48 ҭаацәара.

АҞӘА, нанҳәа 2– Sputnik. Нанҳәа 1 аҽны Гәылрыԥшь араион Маҷара ақыҭан аҩнеихагылаҿ ауада ҿыцқәа рцаԥхақәа рнапаҿы ироуит зыԥсадгьыл ахь ихынҳәыз ҳџьынџьуаа 48 ҭаацәара ҳәа радио Sputnik Аԥсны иазеиҭеиҳәеит аԥсадгьыл ахь ахынҳәразы аминистр Беслан Дбар.

"Апроект шықәсыки бжаки раԥхьа иалаган. Иазыԥхьагәаҭан ауада рацәа змоу аҩнқәа ԥшьба рыргылара. Урҭ рҟынтәи ҩба рыргылара ахыркәшарахь инеиуеит, руак аҿы аусурақәа хыркәшоуп. Иҳаӡбеит убри аҩнаҿы ауадақәа рцаԥхақәа изтәу ираҳҭарц", - иҳәеит иара.

Гәылрыԥшь араион Маҷара ақыҭан уажәазы аргылара иаҿуп 96 ҭаацәара ирызхаша аҩнеихагыла иҳәеит аминистр.

"Ацаԥхақәа рыҭан зыԥсадгьыл ахь Шьамтәылантә, Ҭырқәтәылантә, Иорданиантә, Египтнтә, Нхыҵ Кавказынтә ихынҳәыз ҳауаажәлар", - иҳәоит Дбар.

Уаанӡа аминистрра ауадақәа қьырала иаанкыланы ахә ахыршәаауан. Есышықәса 600 000 мааҭ рҟынӡа аԥара ршәон.

"Арҭ аԥарақәа аҩнқәа рыргылараан ҳхы иаҳархәоит", - иҳәеит аминистр.

Беслан Дбар ишиҳәаз ала ауадақәа ҵәҭаԥсарала еихыршеит.

Дома для репатриантов
© Sputnik
Дома для репатриантов

Ауадақәа занашьахаз аҭаацәарақәа ралкаараан азхьаԥшра ҷыда рыҭан Аԥсны Аџьынџьтәылатә еибашьра аветеранцәа, аинвалидцәа, зхала ахшара зааӡо анацәа, ахшара рацәа змоу аҭаацәарақәа.

Дома для репатриантов в селе Мачара
© Sputnik
Дома для репатриантов в селе Мачара

Иара убас шәаԥхьар ҟалоит:

 

93