амшцәгьа

Ацәқәырԥеисра иахҟьаны Гагра арыцҳарақәа ҟалеит

44
(ирҿыцуп 10:01 06.08.2019)
Аԥсны Аҭагылазаашьа ҷыдақәа рзы аминистрра аԥшааҩцәа 19 шықәса зхыҵуаз Очамчыра ауаҩԥсы иԥшаара иаҿуп. Иара амшынеисраан амшын дагеит ҳәа адыррақәа ыҟоуп.

АҞӘА, нанҳәа 6 – Sputnik. Ацәқәырԥеисра иахҟьаны Гагра аӡәы дҭахеит, аҽаӡәы уажәгьы иԥшаара иаҿуп ҳәа рыҩуеит Аԥсны Аҭагылазаашьа ҷыдақәа рзы аминистрра аԥшааҩцәа Facebook аҿы.

4 баллк иҟаз амшынцәқәырԥараан 19 шықәса зхыҵуаз Очамчыра ауаҩԥсы ацәқәырԥа амшын агәахьы дагеит. Уи уажәы иԥшаара иаҿуп.

Ахҭыс азы АҶА аҷаԥшьаҩ ипульт ахь адырра ҟаҵан асааҭ 11:10 рзы.

"Амшынцәқәырԥара 4 баллк ианыҟоу аԥшааратә шхәақәа амшын рыхҵара залшом. Убри азы АҶА аверталиот ахархәара аҭан. Аха аԥшаарақәа лҵшәадахеит. Макьанагьы аусурақәа ирыцаҳҵоит", - рҳәеит аусбарҭаҿы.

Уи адагьы, нанҳәа 5 асааҭ 16:30 рзы АҶА аусзуҩцәа амшын далыргеит 1984 шықәса рзы ииз Москва ауаҩԥсы. Иара гагратәи ахәышәтәырҭахь днаган, аха аамҭақәак рышьҭахь иԥсҭазаара далҵит.

 

44

Аҟәа ахәышәтәырҭаҟынтәи ибналаз ацәгьоуҩы амилициа ишьҭоуп

1
(ирҿыцуп 20:35 02.06.2020)
Изакәанымкәа амцабџьари аџьаԥҳани рыҵәахразы ахара зыдҵоу Иашҭхәа ақыҭан инхо атәылауаҩ Аҟәа Ареспубликатә хәышәтәырҭа хадаҟынтә дыбналеит, иара ахԥатәи аихагылаҟынтәи ацәарҭамаҭақәа еиқәҳәалан дырхьынҳаланы дылбааит.

АҞӘА, рашәара 2 - Sputnik. Аԥсны Аҩнуҵҟатәи аусқәа рминистрра аусзуҩцәа ишьҭоуп Гурген Киракосиан, Аҟәа рашәара 1 азы Ареспубликатә хәышәтәырҭаҟынтәи ибналаз, абри атәы аанацҳауеит аусбарҭа апресс-маҵзура.

Киракосиан харас идырҵоит изакәанымкәа амцабџьари аџьаԥҳани рыҵәахра, иара уаанӡагьы ишьҭан, даанкылан лаҵара 15 рзы.

Убри ашьҭахь иара дырхәышәтәуан Ареспубликатә хәышәтәырҭаҿы аԥҟара аҟәшаҿы, уантәи иара абналара илшеит: инапышьаҳагақәа аартны, ацәарҭамаҭақәа еиқәҳәаланы дырхьынҳаланы ахԥатәи аихагылаҟынтәи дахьышьҭаз апалата аԥенџьыр ала дылбааит.

Кираксиан иганахьала Аҟәа ақалақьтә прокуратура ашьаус хацнаркит дахьҭакыз аҭыԥ аҟынтәи дахьыбналаз афакт ала.

Аҩнуҵҟатәи аусқәа рминистр идҵала, Кираксиан ихьчара знапы ианыз аусзуҩцәа рганахьала амаҵзуратә гәаҭара мҩаԥыргеит. Агәаҭара аматериалқәа Апрокуратура хадахьы инашьҭуп ашьаусԥшааратә ӡбамҭа адкыларазы.

Иара убас шәаԥхьар ҟалоит:

1

Аԥсны акоронавирус злоу аӡәгьы даанымхеит

1
Иахьатәи аамҭазы Гәдоуҭатәи араионтә хәышәтәырҭа хадаҿы акоронавирустә инфекциа злоу аӡәгьы даанымхеит.

АҞӘА, рашәара 2 - Sputnik. Гәдоуҭатәи араионтә хәышәтәырҭаҟынтә иҭырҩааит акоронавирустә инфекциа зыхьны иҟаз аҵыхәтәантәи хҩык апациентцәа, абри атәы аанацҳауеит COVID-19 аҟынтәи ауааԥсыра рацәыхьчаразы аоперативтә штаб. 

Иҳаҩсыз уахыки-ҽнаки рзы акоронавирус рылоу ирыламу гәаҭан 57-ҩык ауааԥсыра, урҭ рахьтә аӡәгьы акоронавирус рылам.

Акоронавирус азы апандемиа ааҟалеижьҭеи Аԥсны ичмазаҩхахьеит 28-ҩык, урҭ рахьтә 26-ҩык ргәабзиара шьақәгылеит, аӡәы лыԥсҭазаара далҵит ҳәа аанацҳауеит аоперштаб.

Акоронавирус иадҳәалоу ажәабжьқәа шәрыԥхьар ҟалоит абра>>

1
Атемақәа:
Ачымазара ҿкы – акоронавирус Аԥсни адунеи аҿи: иалкаау