АҞӘА, нанҳәа 7 — Sputnik, Бадри Есиава. 2019 шықәса лаҵарамзеи нанҳәамзеи ирыбжьаркыз аамҭазы Аԥсны рыԥсы ршьахьеит 600 нызқьҩык рҟынӡа атуристцәа ҳәа Sputnik иазеиҭеиҳәеит Аԥсны Акурортқәеи атуризми рминистр ихаҭыԥуаҩ Асҭамыр Барцыц.
Аԥсныҟа мышктәи аныҟәарақәа рыла абри аамҭала иааит 350 нызқьҩык, 250 нызқьҩык рыԥсшьарамшқәа ара ирхыргеит иҳәеит Барцыц.
Аԥсныҟа мышктәи аныҟәарақәа ииасыз ашықәс абри аамҭа иаҿырԥшны 10-15 нызқьҩык рыла еиҳаны имҩаԥыргоит иҳәеит иара.
"Иара убри аан атурист Аԥсны иаангылара аамҭа иацзар еиҳа хра амоуп ҳәа аԥхьаӡоит. Аусбарҭа абри хықәкыс иҟаҵаны аинформациатә усура ду мҩаԥнагоит. Аус ауеит атуристтә портал. Уи ианыԥшуеит атуристтә обиектқәа, аҭелқәа, ахәԥсақәа уҳәа адыррақәа рацәаны", - иҳәоит Барцыц.
2018 шықәса рзы Аԥсны иаҭааит миллионҩык рҟынӡа атуристцәа. Уи 200 000-ҩык рыла еиҳауп 2017 шықәсазы аасҭа.
Иара убас шәаԥхьар ҟалоит:
-
Гәынба Аԥсны атуризм аҿиаразы: асас иганахьала ахымҩаԥгашьа ҳаиҵазырхо акәны избоит
-
Ахба: акредит ҟамлакәа асасааирҭақәеи, иара атуризми Аԥсны аҿиара роуам
