Очамчыратәи аԥшаах иану аҩыра абызшәа шьақәдыргылеит

66
Аԥсныи Урыстәылеи рҵарауаа Очамчыра араион иахьаҵанакуа аҭыԥ аҿы акыцлыхҟьаԥс рыԥшааит. Аԥшаах еилкаам бызшәала аҩыра анын.

АҞӘА, нанҳәа 9– Sputnik. Очамчыра араион иахьаҵанакуа аҭыԥ аҿы аҵарауаа ирыԥшааз акыцлыхҟьаԥс арамеи бызшәала аҩыра анын ҳәа радио Sputnik иазеиҭеиҳәеит археолог, РАН мрагылараҭҵаара Аинститут аусзуҩ Александр Скаков.

"Ари абызшәала дцәажәон Иаса Қьырса. Ари абызшәала ицәажәон Византиа, Иран, Аахыҵ Кавказ. Аҩыра аплинфа иануп. Аплинфа – абааш аргылараан рхы иадырхәо қьырмытуп. Аҩыра арамеи алфавит аԥхьатәи анбанқәа быжьба арбоуп. Ақьырмыт VI ашәышықәса иаҵанакуеит, уаанӡа арамеи нбанқәа зныз аԥшаахқәа ыҟан, аха аҩыра наӡа зну аԥшаах ҳамԥыхьамшәацызт", - иҳәоит иара.

Александр Скаков игәаанагарала ақьырмыт аҭыԥантәи напкымҭоуп. Анышәаԥшь шаӡаз аҩыра анҵоуп, нас иӡуп.

"Аҩыра иунарбоит усҟантәи аамҭазы арамеи бызшәа шырдыруаз, усҟантәи аамҭақәа рзы Аԥсныи егьырҭ аҳәаанырцәтәи атәылақәеи аинырра шрымаз ари аҭҵаарадырраҿы иҿыцу акоуп", - иҳәоит Скаков.

Аԥсныи Урыстәылеи рҵарауаа Очамчыра араион иахьаҵанакуа аҭыԥ аҿы акыцлыхҟьаԥс рыԥшааит. Аԥшаах еилкаам бызшәала аҩыра анын.

Аԥшаарақәа раан иара убасгьы акыц хәҭақәа, акерамика хәҭа, ачысмаҭәа, ахәыдхаҵақәа рыԥшаати.

Археологиатә ԥшаарақәа еицымҩаԥыргоит РАН мрагылараҭҵаара Аинститут, Аԥснытәи аҳәынҭқарратә музеи, Аԥсуа ҭҵаарадыррақәа ринститут.

Иара убас шәаԥхьар ҟалоит:

 

66
Роман Джопуа

Џьапуа арахә рчымазараҟнытә ҿыц ироуз алаҵазы: даара аџьабаа адбаланы иааган

6
Аԥсны аветеринартә маҵзура аиҳабы Роман Џьапуа арадио Sputnik аефир аҿы еиҭеиҳәеит амаҵзура ҿыц иаиуз алаҵа арахә рзы ишхәарҭоу.
Џьопуа арахә рчымазараҟнытә ҿыц ироуз алаҵазы: даара аџьабаа адбалан иааган

"Иҳауз алаҵа Аԥсны арахә ирымоу ҩ-чымазарак иртәуп. Аҳәынҭқарратә программала ари ахәшә ааҳхәаӡом, иааҳхәо иаҳа злеишәа цәгьоу ачымазарақәа рзоуп аҟнытә, иара апрограмма иаҵанакуамызт. Акрааҵуеит аҳәара ҟаҳҵоижьҭеи Аԥсны аус зуа Еиду амилаҭқәа рхаҭарнакра иҟанаҵо ацхыраарала ари авакцина ҳзааргарц. Даара аџьабаа адбаланы иҳарҭеит ахәшә, ақырҭцәа иаармышьҭырц иалагеит. 15 нызқь доза ҳзааргеит, урҭ рахьынтә аа-нызқь инареиҳаны ишаны ираҳҭахьеит ҳара ҳҳақьымцәа. Авакцина иагхан иахьааз аҟнытә усҟак ахархәара аиуӡом, избанзар зырахә ашьхахь иказцахьоу анхацәа ыҟоуп, ашоура ӷәӷәа аан агәыргьы рылауҵар ҟалаӡом", - ҳәа еиҭеиҳәеит Џьапуа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

6

Аҟәа ахәышәтәырҭаҟынтәи ибналаз абаандаҩы амилициа ишьҭоуп

23
(ирҿыцуп 20:46 02.06.2020)
Изакәанымкәа амцабџьари аџьаԥҳани рыҵәахразы зус ҭырҵаауа Иашҭхәа ақыҭан инхо атәылауаҩ Аҟәа Ареспубликатә хәышәтәырҭа хадаҟынтә дыбналеит, иара ахԥатәи аихагылаҟынтәи ацәарҭамаҭәақәа еиқәҳәалан дырхьынҳаланы дылбааит.

АҞӘА, рашәара 2 - Sputnik. Аԥсны Аҩнуҵҟатәи аусқәа рминистрра аусзуҩцәа ишьҭоуп Аҟәа рашәара 1 азы Ареспубликатә хәышәтәырҭаҟынтәи ибналаз Гурген Киракосиан, абри атәы аанацҳауеит аусбарҭа апресс-маҵзура.

Киракосиан иганахьала ашьаусҭҵаара хацыркуп изакәанымкәа амцабџьари аџьаԥҳани рыҵәахразы, иара уаанӡагьы ишьҭан, даанкылан лаҵара 15 рзы.

Убри ашьҭахь иара дырхәышәтәуан Ареспубликатә хәышәтәырҭаҿы аԥҟара аҟәшаҿы, уантәи иара абналара илшеит: инапышьаҳагақәа аартны, ацәарҭамаҭәақәа еиқәҳәалан дырхьынҳаланы ахԥатәи аихагылаҟны дахьышьҭаз апалата аԥенџьыр ала дылбааит.

Киракосиан иганахьала Аҟәа ақалақьтә прокуратура ашьаус хацнаркит дахьҭакыз аҭыԥ аҟынтәи дахьыбналаз афакт ала.

Аҩнуҵҟатәи аусқәа рминистр идҵала, Киракосиан ихьчара знапы ианыз аусзуҩцәа рганахьала амаҵзуратә гәаҭара мҩаԥыргеит. Агәаҭара аматериалқәа Апрокуратура хадахьы инашьҭуп ашьаусԥшааратә ӡбамҭа адкыларазы.

Иара убас шәаԥхьар ҟалоит:

23