Аԥсуааи асоциалтә ҳақәеи, мамзар ҳхы ҳазхәыцыр еиӷьу

80
(ирҿыцуп 16:31 10.08.2019)
Аҵыхәтәантәи аамҭақәа рзы ҳаԥсҭазаара иалаҵәаз асоциалтә ҳақәа аԥсуаа рыбжьара иаанныркыло аҭыԥ азы лгәаанагара лҳәоит Sputnik аколумнист Светлана Ладариаԥҳа.

Аамҭа аҽыуардын иантәалоушәа иниаҟьаны, абаха уахьымыгӡо ицоит. Жәабаҟа, ҩеижәаҟа шықәса раԥхьа иахьеиԥш иҟалап ҳәагьы ҳгәы иаанагомызт. Иҟалап ҳәа ҳхы иҳазҭамыгӡозгьы акыр ирацәоуп.

Аамҭа аамҭоуп. Иаратәы ҟанаҵоит. Ԥхьаҟа ицоит. Аҿыцқәа аанагоит. Урҭ зны ихәарҭоуп. Аҽазныхгьы иҟамындаз ҳәа анырзаҳҳәо ыҟоуп. Аҩажәиактәи ашәышықәса аццакышьа аҽа шәышықәсак еиԥшым.  Атехника аҿиарала аҽакы иузаҿырԥшуам.

Иахьа ҳаԥсҭазаара ҳхы иҳазҭагӡом аинтернет, асоциалтә ҳақәа, амобилтә ҭел уҳәа рыда.

Заҟа идырмариазеи урҭ ҳаԥсҭазаара, ҳабзазара. Иара убри аангьы ирыцу агха-ԥхақәагьы шьардаӡоуп.

2019 шықәса Аԥсназы акрызҵазкуа шықәсуп. Ҽеиҭакра аамҭоуп. Нанҳәамзазы иаҳԥеиԥшуп атәыла ахада иалхрақәа. Ари иаанагар алшоит аҽа хырхарҭак ала амҩа анылара, ма ҳшыҟоу еиԥш уаҵәтәи ҳамш аԥылара. Уи аганахь ала еиӷьу еицәоу сара салацәажәартә еиԥш сыҩаӡара ахьыҟам азы ганха инсыжьуеит. Исымҳәакәа сызвысыр амуа - абри аамҭазы ишԥаҳныри асоциалтә ҳақәа рыҟазаара.

Саргьы ҳауаажәлар раӷьырак реиԥш, ажәытә шамахамзар ауаҩы ашьыжь дҩагыланы каҳуак дахәо данаатәоз иаԥхьа хымԥада агазеҭқәа нықәҵаны адунеиаҿ иҟоу-иану аилкаара дышналагоз еиԥш, иҟоу-иану ажәабжь саҳандаз ҳәа аинформациатә ресурсқәа рыҭҵаара сналагоит. Аиҳарак ахархәара Fасеbook иахьаҳҭо азы – уи аасыртуеит.

Заҟагьы агәынамӡара снаҭозеи ахы инаркны. Ара шамахамзар ауаҩы ихаҿы ҵәахуп, ихьӡ ижәла ԥсахуп. Убри аан илшоит иҿы иҭашәо зегьы аҳәара. Аӡәы аҳәынҵәа иқәҭәара, убри аан сеилыркаап, сырдырып ҳәа ацәымшәара, ацәыԥхамшьара иунаҭаӡом азин ҿҭыӡәӡәаала атәыла аиҳабы инаиркны аиҵбы иҟынӡа рыхцәажәара. Аиашареи аиашамреи рызҵаара зынӡагьы иазхьаԥшӡом. Ихадароу – абааԥсы аҳәароуп. Исзеилкаауам абри ҟазшьа ҷыдоу милаҭтә чымазароу? Ианбыкәыз аԥсуаа ҳҿы ауаҩы ишьҭахь абааԥсы аҳәара ҳаҭыр-пату аманы ианыҟаз. Ҳәарада иҟоуп иугәамԥхаша, аха ухаҵазар уи ауаҩы усабарда аауҿыхны иоуҳәар ҟамлои. Асеиԥш маӡалацҳара иаанаго аҵмыҳәҳәарроуп, аламысдароуп, зегь раасҭагьы аԥсуаа рҿы ҳаҭыр зқәымыз ашәыргәындароуп.

Насгьы, ҳара уаԥсҵәык иҟам ажәлар маҷ абриаҟара ҳанеибацәымыӷха, уаҵәа иаҳзыԥшхарызеи?

Абри инахыгангьы, шамахамзар аԥсуа гәыԥқәа рҿы урысшәала излацәажәо, арахь шамахаӡамзар уи алоуп излацәажәогьы,  аамҭақәак хара имгакәа ақырҭуа гәыԥқәа инықәыргыланы рҿы ҭыӡәӡәаа ахцәажәара иналагоит. Аӡәы иԥҳәыс "Кьацә" лыхьӡиҵан, зегь ус илышьҭалеит. Абра, анцәа иубома, хара рымам. Ҳхылԥа ыршәны ирылаҳҵан, иахыччоит.

Иахьа аԥсҭазаара иаҳнаҭаз алшара иаанагаӡом асеиԥш ахымҩаԥгара азин ҟанаҵоит ҳәа. Агха атәгьы уҳәароуп, абзиа атәгьы уҳәароуп, аха аҳәашьа ҳәагьы акы ыҟами. Иҳахьи?

Ликование в Сухуме
© Sputnik / Владимир Попов

Атәыла ахадаразы жәаҩык зкандидатцәа ықәгыло зегьы жәлантәык иаҵанакуеит, ҭаацәарак ирылҵит, аӡәы иҩызоуп, аӡәы игәылоуп. Нас азин змада урҭ ишабалак рыхцәажәара. Насгьы избан? Ара еигәыдуҵаша ҳәа аӡәгьы дыҟаӡам. Сара аӡәы иаасҭа аҽаӡәы деиӷьасшьоит, дысгәаԥхоит иаанагаӡом егьи избалак ихҳәаара азин сымоуп ҳәа. Аҵыхәтәантәи аамҭақәа рзы уи ҳалашьцылашәа ҳҟалеит, аха ихадароу ҳахькылнаго ауп. Уи ауп аиҳарак азхәыцра зҭаху. Ма иахьа заҵәык ауп иҟоу уаҵәтәи амш ҟалом ҳәа ҳхәыцуа ҳалагазар.

Абри аҭагылазаашьа убриаҟара игәыхьуп, сааҭла уахцәажәалартә еиԥш.

Ҳауаажәлар иреиуоу аӡәы иеиԥш аҳәара зуеит ҳаҭыр-пату еиқәаҳҵаларц, бзиа ҳаибабаларц, ҳаӡәыкны ҳаҟазаарц. Убасҟан ауп аԥеиԥш бзиагьы анҳауа. Уаҵәтәи амшгьы анҳазшо. Иахьа ҳашцо ала (Анцәа иумҳәан аха) аԥсуаак рыҳасаб ала ҳниаӡаа ҳцар ауеит. Уи иаанаго: иаанхар ауеит ҳажәлақәа, ҳахьыӡқәа, ҳбызшәагьы нхар алшоит, аха иаҳцәыӡуеит амилаҭ милаҭызтәуа аҩныҵҟатә еилаӡҩара, ахымҩаԥгара, аҷыдара.

Ихьшәахаанӡа ҳхы ҳазхәыцып.

Иара убас шәаԥхьар ҟалоит:

80

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

18
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

18

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау