Акы иаламҩашьо азанааҭ: ахсаалаҭыхҩы Исмеҭ Ҭарба иҭоурых

422
(ирҿыцуп 13:38 11.08.2019)
Аҵыхәтәантәи аамҭазы, угәы имахәар залшом ҳҿар лассы-лассы иуԥымло азанааҭқәа ирызхьаԥшуа иахьалагаз. Урҭ дыруаӡәкыуп А. Ф. Можаиски ихьӡ зху, Санкт-Петербургтәи Иреиҳау Арра-космостә Академиа, абыжьбатәи афакультет ахсаалаҟаҵара (картография) акафедра, ахәбатәи акурс астудент Исмеҭ Ҭарба.

Sputnik, Саида Жьиԥҳа

Исмеҭ Ҭарба, Ҳараз Чамагәуа ихьӡ зху Гагратәи абжьаратә школ №1 доушьҭымҭоуп. Арԥыс даныхәыҷыз инаркны дыздыруаз, иаԥхьаҟа ахореограф изанааҭ акәын идырҳәалоз. Жәашықәса, Аԥсны зҽаԥсазтәыз артист Лев Қьецба напхгара зиҭоз ахәыҷтәы-ақәыԥштә акәашаратә ансамбль "Афырҭын" аҟны ахкы назыгӡоз, зхы-зҿы еихаччо, артист иҩаӡара аҟынӡа инеихьаз Исмеҭ, аруаҩ изанааҭ алихуеит ҳәа аӡәгьы ихаҿы изаагомызт, уи џьашьатәыс изыҟалоит аҟазараҿы дымҩақәызҵоз ирҵаҩгьы.

2015 шықәсазы, Аԥснытәи Аҳәынҭқарратә Университет, агеографиатә факультет иаднакылаз арԥыс, аԥышәарақәа зегь рышьҭахь имҩаԥгаз аилацәажәараҟны еиликаауеит Аԥсны Атәылахьчара аминистрреи агеографиа акафедреи ишрыднагало ҩ-лимитк. Иахәҭоу абаллқәа зауа алшара ирҭон хәыда-ԥсада А. Ф. Можаиски ихьӡ зху, Санкт-Петербургтәи Иреиҳау Арра-космостә Академиа аҭаларазы.

"Азныказы сыхшыҩ азымцеит. Сара сгәы иҭан Аԥсны аҵара ҵара, насгьы аҟазара ацҵара. Аха сан лабжьагарақәа еиҳа аԥыжәара ргеит. Хымԥада раԥхьатәи ашықәс азы исцәыуадаҩын, игәхьаазгон сҭаацәа, сыҩны. Иахьазы, агәра ганы сыҟоуп арратә режими, иалсхыз азанааҭ ахсаалаҟаҵареи сара ишыстәцәҟьоу", - иҳәоит Исмеҭ.

Ахсаалаҟаҵаҩы, мамзаргьы акартограф-ари агеографиатә хсаалақәа, аглобусқәа шьақәзыргыло иоуп. Ахсаалаҟаҵаҩцәеи, атопографцәеи, астрономцәеи агеодезистцәеи рус еимадоуп. Исмеҭ иаҳзеиҭеиҳәеит аиҳабыратәи акурсқәа рахь ианиас рхала ахсаалаҟаҵара ишалагаз.

Исмет Тарба
© Foto / предоставлено Исметом Тарба
Акы иаламҩашьо азанааҭ: ахсаалаҟаҵаҩы Исмеҭ Ҭарба иҭоурых

"Атопографцәа рҭыхымҭақәа анҳаулак, акомпиутер иҭагаланы агравиура азуны, акәыршашьҭақәа еиқәаҵәа ԥштәыла иалкааны, иҩабжьоу ԥштәыла ашьхарақәа, шьацԥштәыла абнара, иаҵәа ԥштәыла аӡқәа арбаны ақьаад ахь ииаҳгоит, убас иҷыдоу атехника ахархәарала аихахьгьы. Сара сыдҵақәа руакы аҳәаақәа ирҭагӡаны иҟасҵахьеит Аԥсны ахсаала, зылаԥш ахызгаз аспециалистцәагьы сусумҭа ахә ҳаракны иршьеит. Ажәакала, ҳхы ԥаҳшәоит арратә, атопографиатә, арҵагатә, аҭыжьратә хсаалақәа рыҟаҵараҿгьы", - ҳәа азгәеиҭеит Исмеҭ Ҭарба.

Академиаҟны арратә режим аԥҵоуп. Астудентцәа арра-адәахьтәи ҭагылазаашьаҟны арра-тактикатә, апрактикатә ҵарагьы иахысуеит. Исмеҭ уахьихәаԥшуагьы иумбарц залшом иааӡара ҳаракы, иҽынкылара, илеишәа.

А. Ф. Можаиски ихьӡ зху, Санкт-Петербургтәи Иреиҳау Арра-космостә Академиаҟны аҵара рҵоит адунеи атәылақәа жәпакы рҟнытә аҿар. Аԥснынтәи, сынтәа иаднакылаз налаҵаны зынӡа 15-ҩык ыҟоуп. Арԥарцәа аӡәи-аӡәи еицхыраауеит, иҭибагоит, уимоу рыԥсадгьыл аҳаҭыр шьҭырхуеит.

Аҵараиурҭаҟны есышықәса имҩаԥысуа, "Амилаҭқәа реиҩызара" захьӡу аҟазаратә конкурс аҿы, аԥсуа хәыҷқәа ҳкультура ӡырыргоит. Еиҿкааны ирымоу рышәаҳәаратәи, рыкәашаратәи гәыԥ аԥхьахәтә ҭыԥ иаԥсамхакәа иҟамлацт. Зегь раасҭагьы дара рықәгылара акәзаап иззыԥшу ахәаԥшцәа.

Исмет Тарба
© Foto / предоставлено Исметом Тарба
Акы иаламҩашьо азанааҭ: ахсаалаҟаҵаҩы Исмеҭ Ҭарба иҭоурых

Исмеҭ Ҭарба иҟазаратә мҩа данымҵӡеит, Акамедиаҿы иаԥҵоу аԥсуа гәыԥ хореографк иаҳасабала иазыҟазҵо иара иоуп, убас Адунеизегьтәи аԥсуа-абаза жәлар рконгресс ахылаԥшрала, Санкт-Петербург еиҿкаау ахаԥшьгаратә коллектив "Абаза" азыҟаиҵоит.

Исмеҭ Ҭарба иҩызцәа рыгәҭа ҿырԥшыгара иуоит. Академиа анапхгарагьы "Арра-патриоттә ааӡараҿы илагалазы" ааигәа ианаршьеит "Александр Невски" имедал. Аҵареи аҟазареи рҿы иааирԥшуа алҵшәақәа рзгьы есышықәса аҳаҭыртә шәҟәқәа рыла далыркаауеит. Ихҵоуп асержант еиҵбы ичын.

Шықәсык ашьҭахь, Исмеҭ адиплом иманы Аԥсныҟа даауеит. Арԥыс игәиҭоуп итәыла ԥсыцқьарыла амаҵ азура, илыԥшааху изанааҭ ала аусура.

Есмеҭ Ҭарба Арра-патриоттә ааӡараҿы илагалазы ааигәа ианаршьеит Александр Невски имедал
Исмеҭ Ҭарба "Арра-патриоттә ааӡараҿы илагалазы" ааигәа ианаршьеит "Александр Невски" имедал

 

422

Урыстәылатәи аруаа ашьаҟауаа ржәылара ааныркылеит ашьхараҿ

1
(ирҿыцуп 15:58 07.08.2020)
Уахынлатәии ҽынлатәии ахысрамҩаԥгара иалахәын 500-ҩык аруааи 100 инеиҳаны арратә техникеи.

АҞӘА, нанҳәа 7 - Sputnik. Аԥсны иҟоу урыстәылатәи арратә база амотосхысцәеи артиллеристцәеи рыҟәшақәа Аԥсны иаԥдырҟәҟәааит "аӷа" иршьаҟауаа ржәылара ҳәа аанацҳауеит Аԥсны иҟоу урыстәылатәи арратә база апресс-маҵзура.

Аруаа ртанкқәеи, зкәылӡы ҵаӷоу атехникеи, илаҟәны иԥыруа ахархәагақәеи, ацәҟьарақәеи иреихсуан аполигон Ҵабал аҿы.

Ахархәара аҭан еиуеиԥшым абџьар, акәылӡтәы транспортиорқәа БТР-82А, анапылатә гранатаршәгақәа РПГ-7, 120-мм иҟоу аминомиотқәа уҳәа.

Аруаа анџьныртә ԥшыхәра мҩаԥганы, ахсаалақәеи аспутниктә система "Глонасс" рхы иархәаны рмаршрутқәа шьақәдыргылеит.

"Аӷа" иԥшааразы рхы иадырхәеит иара убасгьы аԥырҩы дызҭам арԥрыгақәа, еиҭарго аԥшыхәратә комплексқәа (КРУС) "Стрелец".

Иара убас шәаԥхьар ҟалоит:

1

Аԥсныҟа иааргараны иҟоуп хә-нызқь рҟынӡа атест-системақәа

5
(ирҿыцуп 15:04 07.08.2020)
Аԥсны иахьатәи аамҭазы иааизакны коронавирус рыманы ишьоуп 114-ҩык. Урҭ рҟынтәи 37-ҩык ргәы бзиахахьеит, хҩык ԥсит.

АҞӘА, нанҳәа 7 - Sputnik. Акоронавирустә инфекциа амазаара ашьақәыргыларазы хә-нызқь рҟынӡа атест-системақәа Аԥсныҟа иааргараны иҟоуп, абри атәы Sputnik имҩаԥысуаз апресс-конференциаҿ илҳәеит Агәабзиарахьчара аминистрра ахәышәтәратә усбарҭа аиҳабы Саида Делԥҳа.

"Хара имгакәа хә-нызқь система ааргараны иҟоуп, аха ҳара урҭ изыхәҭаны иҟоу ирзымҩаԥаагалоит", - лҳәеит лара.

Делԥҳа лажәақәа рыла, Аԥсныҟа иаарго атест-системақәа агәаҭара иахыжьуп, рырбагақәа рыгәра угартә иҟоуп.

Иара убас Делԥҳа илҳәеит, нанҳәа 7 рзы Сечин ихьӡ зху аинститут аҟазауаа Аԥсныҟа ишаауа, аковидтә центр ишаҭаауа, иаҭаххар аҭыԥантәи аҳақьымцәа ацхыраара шрырҭо.

Иара убас шәаԥхьар ҟалоит:

  • Аԥснынтә COVID-19 зманы инанаго апациентцәа рзы адкыларҭа дырхиоит Шәача
5
Атемақәа:
Ачымазара ҿкы – акоронавирус Аԥсни адунеи аҿи: иалкаау