Хатәгәаԥхарала иеибашьуаз Роберт Ашба: аибашьра иадҳәалоу ахысбжьы мгааит

56
(ирҿыцуп 12:07 16.08.2019)
Ҟарачы-Черқьесиантәи Аԥсны ахақәиҭтәразы 27 шықәса раԥхьа абри амш азы хатәгәаԥхарала иааз дыруаӡәкуп Леон иорден занашьоу Роберт Ашба. Иара игәалаиршәоит уи ахҭыс шыҟалаз атәы.

Сырма Ашәԥҳа, Sputnik

Хылҵшьҭрала Ԥсҳәы иҭыҵыз, Ҟарачы-Черқьесиа абаза қыҭа Хәажә ду иеиуоу, Аԥсны Аџьынџьтәылатә еибашьра аветеран, Леон иорден занашьоу Роберт Ашба Аԥсны хатәгәаԥхарала еибашьуаз дыруаӡәкуп. Иҩызцәа аӡәырҩы реиԥш, Аԥсны игаз ахысбжьы еиднакылеит, егьа каҵәарақәа ирхысны, хыԥсыра рхыганы рашьцәа аӷьараҳәа ирывагылеит, аибашьратә мҩа аҵыхәанӡа ирыцанысит. Ирацәоуп аибашьҩы игәалашәарақәа, хаҭала иара дызлахәыз ахҭысқәа, аха, ахаҵа ишиаҭәоу еиԥш, ахӡыргара иаҭәан иԥхьаӡом, иҭахаз иашьцәа хьааигоит, рыхьӡ-рыԥша дазгәыдууп, дшазгәыдуу еиԥш Аԥсны иамоу Аиааира, Ахақәиҭра, Ахьыԥшымра.

"Сҩызцәа Екба Башьыр, Цеков Арсен, сара Аԥсныҟа шьхала амҩа иқәлаз риагара аус аиҿкаара аханатә нап аҳаркит. Абжаҩык Грозныиҟа ицеит, уаҟа Дудаев ирылаиҳәеит ақырҭқәа рҿагыларазы архәҭақәа реиҿкаара дшаҿу, уантә бџьарла, шәҵатәыла еиқәных, аикарусқәа рыла рҽеиқәыршәаны, Дамхәырцҟа идәықәлеит. Ҳарҭ урҭ ахыганы идәықәаҳҵеит, анаҩс уаанӡатәи Асовет Еилазаара аҩнуҵҟатәи арбџьармчқәа донтәи адивизиа аара ҳаднаҵеит, аха зегь акоуп ҳамҩа аартхеит", - ҳәа азгәеиҭоит аветеран.

Абас, гәыԥ-гәыԥла Аԥсныҟа еибашьра иаауан арԥарцәа. Урҭ рахьтә иҟоуп зынӡа иқәыԥшқәаз, зҭаацәа ирцәыбналақәазгьы.

"Ус асы рацәаны илеит. Саргьы Черқьесскынтәи Шәачаҟа сааит аҩхаахь. Аха, амҩа аркын, нас уантәи акатерқәа рыла Пицунданӡа ҳааит. Ари Гагра ақалақь анырга аҩбатәи амш азы акәын. Уинахыс "Сатурн" агәыԥ ҳалан Ҟарачы-Черқьесиантәи иааз арԥарцәа. "Ураган" агәыԥ еиднакылон Лыхнытәи, Гәдоуҭатәи арԥарцәа. Урҭ командаҟаҵаҩыс дрыман Шьаҟрыл, уи даныршь ихаҭыԥан дҟарҵеит Ԥлиа ҷкәынак, Полиак ҳәа хьыӡшьарас измаз. Арота командаҟаҵара азиуан Оҭырба Адамыр", - еиҭеиҳәеит Роберт Ашба.

 Роберт Ашба
© Foto / предоставлено Робертом Ашба
Черқьесск ақалақь аҟны Хатәгәаԥхарала иеибашьуаз рбаҟа аартраан

Ҟарачы-Черқьесиантәи хатәгәаԥхарала иеибашьуаз рхыҧхьаӡара 120-ҩык инарзынаԥшуан. Урҭ рахьтә иҟоуп иҭахақәаз, хабарда ибжьаӡқәаз. Урҭ зегьы иреиҳау аҳәынҭқарратә ҳамҭақәа ирыԥсахеит, ианҭахаз ашьҭахь ҳәа аорденқәеи амедалқәеи ранашьоуп. Зегьы ирыцкуп урҭ рыԥсҭазаара ҳҭынч ԥсҭазаара иахьахҭнырҵаз, рҿаԥхьа ҳхырхәоит.

"Хатәгәаԥхарала иеибашьуаз рымш аҽны, иҭахаз рыхьӡала Ҟарачы-Черқьесск игылоу абаҟа амҵан ҳаизоит, ашәҭқәа шьҭаҳҵоит, ҳҩызцәа ҳгәалаҳаршәоит. Ари абаҟа аргыларагьы ҳтәыла ахадара адгылара арҭеит Иахьа, аибашьцәа иранашьан Гагра ахақәиҭтәразы амедалқәа. Урҭ рнапаҿы гәахәала идҳаркит. Уаҳа еибашьра Анцәа иҟаумҵан. Ҳҩызцәа рыхьӡ ҳхамшҭааит, Аԥсны аҭоурыхтә рыцхәқәа рзы еснагь араҟа ҳаизоит", - иҳәеит Ашба.

Роберт Ашба еснагь гәыла-ԥсыла Аԥсны дадҳәалоуп. Иара дазгәыдууп иԥа Рем Ашба иҭаацәа иманы, анкьа рабдуцәа зныҵыз рыԥсадгьыл иахьықәынхо, араҟа илызҳауеит иԥсы злоу имаҭа хәыҷы. Акыр дазыҳәоит Аԥсынра еснагь аҭынчра ыҟазарц, аибашьра иадҳәалоу ахысбжьы мгарц, наунагӡа агәырӷьабжьы ықәыҩларц.

Иара убас шәаԥхьар ҟалоит:

56

Аԥсныҟа иааргараны иҟоуп хә-нызқь рҟынӡа атест-системақәа

3
(ирҿыцуп 15:04 07.08.2020)
Аԥсны иахьатәи аамҭазы иааизакны коронавирус рыманы ишьоуп 114-ҩык. Урҭ рҟынтәи 37-ҩык ргәы бзиахахьеит, хҩык ԥсит.

АҞӘА, нанҳәа 7 - Sputnik. Акоронавирустә инфекциа амазаара ашьақәыргыларазы хә-нызқь рҟынӡа атест-системақәа Аԥсныҟа иааргараны иҟоуп, абри атәы Sputnik имҩаԥысуаз апресс-конференциаҿ илҳәеит Агәабзиарахьчара аминистрра ахәышәтәратә усбарҭа аиҳабы Саида Делԥҳа.

"Хара имгакәа хә-нызқь система ааргараны иҟоуп, аха ҳара урҭ изыхәҭаны иҟоу ирзымҩаԥаагалоит", - лҳәеит лара.

Делԥҳа лажәақәа рыла, Аԥсныҟа иаарго атест-системақәа агәаҭара иахыжьуп, рырбагақәа рыгәра угартә иҟоуп.

Иара убас Делԥҳа илҳәеит, нанҳәа 7 рзы Сечин ихьӡ зху аинститут аҟазауаа Аԥсныҟа ишаауа, аковидтә центр ишаҭаауа, иаҭаххар аҭыԥантәи аҳақьымцәа ацхыраара шрырҭо.

Иара убас шәаԥхьар ҟалоит:

  • Аԥснынтә COVID-19 зманы инанаго апациентцәа рзы адкыларҭа дырхиоит Шәача
3
Атемақәа:
Ачымазара ҿкы – акоронавирус Аԥсни адунеи аҿи: иалкаау
Пограничный пункт Ингур в Гальском районе Абхазии

Ҩымш рыла 500-ҩык инарзынаԥшуа ауаа Аԥсныҟа ихынҳәит

5
(ирҿыцуп 15:03 07.08.2020)
Агуманитартә коридор аартуп нанҳәа 5-9 асааҭ 9:00 - 19:00 рзы аамҭала Қырҭтәыла иҟаз Аԥсны атәылауаа хынҳәырц азы.

АҞӘА, нанҳәа 7 - Sputnik. Қырҭтәылантәи Аԥсныҟа ихынҳәит 476-ҩык инареиҳаны агәаҭара-аушьҭратә ҭыԥ "Егры" аҟны иаартыз агуманитартә коридор ала, абри атәы Sputnik имҩаԥысыз апресс-конференциаҿ еиҭеиҳәеит Аҳәынҭқарратә шәарҭадаратә маҵзура аҳәаахьчаратә отриад аиҳабы ихаҭыԥуаҩ Рудольф Цыба.

Цыба, иажәақәа рыла нанҳәа 5 рзы Аԥсныҟа иааиит 188-ҩык, нанҳәа 6 рзы – 288-ҩык.

Агуманитартә коридор аус ауеит нанҳәа 5 - 9 рыбжьара асааҭ 9:00 инаркны 19:00 сааҭ рҟынӡа.

Аҳәынҭқарратә ҳәаа ахысра ҟалоит абарҭ адокументқәа умазар:

  • Атәыла анҭыҵ ауаҩы ихаҿра шьақәзырӷәӷәо Аԥсны атәылауаҩ итәылауаҩшәҟәы;
  • Аԥсны атәылауаҩ иҩнуҵҟатәи азеиԥшуаажәларратә тәылауаҩшәҟәы (2016 шықәсазтәи);
  • Аԥсны аҵакыраҿы иааиԥмырҟьаӡакәа инхо аҳәаанырцә тәылауаҩ, ма атәылауаҩра змам ахаҿы анхарҭа аиуразы ишәҟәы;
  • Аԥсны Аҩнуҵҟатәи аусқәа рминистрра ирынаҭаз аформа №9 ала аилыркаага;
  • 14 шықәса рҟынӡа зхыҵуа ахәыҷқәа ирымазароуп аиразы аршаҳаҭга.

Аҳәаа иахысуа зегьы ргәабзиара аҭагылазаашьа амедико-санитартә хылаԥшра арҭоит.

Аамҭала Қырҭтәыла иҟаз Аԥсны атәылауаа хынҳәырц азы ԥхынгәы 13-17 рзы иаартыз агуманитартә коридор ала 1269-ҩык инареиҳаны ауаа хынҳәит.

5

Адунеи аҿы ираԥхьатәиу: Урыстәыла авирус азы алаҵа ԥыршәоит

0
(ирҿыцуп 15:33 07.08.2020)
Алаҵа аклиникатә ԥышәара мҩаԥнагеит Гамалеи ихьӡ зху аепидемиологиеи амикробиологиеи рыҭҵааратә Центр Сеченов ихьӡ зху ауниверситет аҿы рашәара 18 рзы.

АҞӘА, нанҳәа 7 - Sputnik. Гамалеи ихьӡ зху аепидемиологиеи амикробиологиеи рыҭҵааратә Центр иԥнашәаз урыстәылатәи алаҵа аҭаҩра мҩаԥгахоит нанҳәа 12 рзы ҳәа аанацҳауеит COVID-19 иаҿагылан ақәԥаразы Москва аоперштаб.

Аԥхьа алаҵа рзыҟарҵоит аҳақьымцәеи абыргцәеи ҳәа иҳәеит Агәабзиарахьчара аминистр ихаҭыԥуаҩ Олег Гриднев.

"Уажәы аԥышәара ахԥатәи аетап мҩаԥысуеит. Алаҵа шәарҭара аламзароуп. Аԥхьа алаҵа рзыҟарҵоит аҳақьымцәеи абыргцәеи" ҳәа иҳәеит Гриднев, Уфа аонкоцентр акорпус аартраан ажурналистцәа дрыҿцәажәо.

Уаанӡа аминистр Михаил Мурашкоиҳәахьан Урыстәыла массала алаҵаҟаҵара шалшо жьҭаара инаркны. Иара иажәаәқа рыла ахарџьқәа зегьы абиуџьет иҭыгахоит.

38-ҩык хатәгәаԥхарала алаҵа ҟазҵаз ишьақәдырӷәӷәеит алаҵа ашәарҭадара. Алаҵаҟаҵара иахысыз зегьы аиммунитет роуит.

0