Аахыҵ Уаԥстәылантәи акадетцәа Аԥсныҟа ԥсшьара иааит

20
(ирҿыцуп 16:05 16.08.2019)
Аахыҵ Уаԥстәылантәи Аԥсныҟа жәамш ҳәа ԥсшьара иааит аҵараҟны алҵшәа бзиақәа аазырԥшыз, ареспубликатә олимпиадақәа рҟны аиааира згаз ахәыҷқәа еиҭымцәа.

АҞӘА, нанҳәа 16 — Sputnik. Аахыҵ Уаԥстәыла Акадеттә школ аҵаҩцәа ареспублика ирнаҭаз афинанстә цхыраарала Аԥсныҟа жәамш ҳәа ԥсшьара иааит. Абри атәы аанацҳауеит Sputnik Южная Осетия арратә пресс-маҵзуҩы Инга Чехоева лажәақәа ҵаҵӷәыс иҟаҵаны.

© Foto / alaniamil
Аахыҵ Уаԥстәылантәи акадетцәа Аԥсныҟа ԥсшьара иааит

Аахыҵ Уаԥстәылантәи Аԥсныҟа ԥсшьара иааит аҵараҟны алҵшәа бзиақәа аазырԥшыз, ареспубликатә олимпиадақәа рҟны аиааира згаз ахәыҷқәа еиҭымцәа.

"Акурсантцәа рзы еиҿкаахоит аныҟәарақәа. Асасцәа рҭаараны иҟоуп: Аботаникатә баҳча, Амҳаџьырцәа рбаҟа, Афонтәи аҳаԥы, аӡиа Риҵа", - лҳәоит Чехоева.

Акурсантцәа мҩаԥылгоит Акадеттә школ ааӡаратә усуразы аҟәша аиҳабы Неиа Цховребова, ахәыҷқәа ирхылаԥшуа амедицинатә усзуҩы.

Ахәыҷқәа рыԥсшьара еиҿкаауп Аахыҵ Уаԥстәыла Атәылахьчара аминистрра аԥаразоужьрала.

© Foto / alaniamil
Аахыҵ Уаԥстәылантәи акадетцәа Аԥсныҟа ԥсшьара иааит
20

COVID-19 рзықәыргылоуп даҽа 26-ҩык Аԥсны ауааԥсыра

12
(ирҿыцуп 19:06 14.08.2020)
Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 14 - Sputnik. Ииасыз уахыки-ҽнаки рыла акоронавирустә чымазара амазааразы агәаҭара иахысит 235-ҩык ауааԥсыра. Урҭ рахьтә адиагноз COVID-19 рзықәыргылоуп 26-ҩык, ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 24-ҩык апациентцәа. Уахыки-ҽнаки рыла ахәышәтәырҭаҟнытә илыҩҩауп згәабзиара ҭышәынтәалахаз ааҩык атәылауааи, урыстәылатәи ахаҿи, ԥсшьаҩык Шәачаҟа диагоуп идиагноз хада ала иҷыдоу амедицинатә цхыраара иҭаразы.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц, асоциалтә дистанциа ркызарц.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

 

12
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аԥсны АҶА аусзуҩцәа Питертәи атуристка лыԥшаара ишаҿыц иаҿуп

4
Аԥшаарақәа мҩаԥысуеит Аԥсны АҶА аминистр Лев Кәыҵниа инапхгарала, аволонтиорцәеи иӡыз лҭаацәеи алархәны.

АҞӘА, нанҳәа 14 – Sputnik. Аԥсны Аҭагылазаашьа ҷыдақәа рминистрра аҟазауаа хымш ирықәуп аквадроцикл аҟынтәи Бзыԥ аӡы иагеит ҳәа иршьо атуристка лыԥшаара иаҿуижьҭеи, абри атәы Sputnik иазеиҭеиҳәеит АҶА рминистр ихаҭыԥуаҩ Тигран Делибалтиан.

Иара иажәақәа рыла аԥшаарақәа мҩаԥыслоит аԥҳәызба дрыԥшаанӡа.

"Амшқәа цәгьаханы ақәоура ҟалар аамҭакала ҳаԥшуеит. Макьаназы аԥшаарақәа ирыцаҳҵоит", - иҳәеит иара.

Аԥшаарақәа ирылахәуп Гагреи Гәдоуҭеи араионқәа рымцарцәара-еиқәырхаратә бригадақәеи Аҳәынҭқарратә инспекциа аӡыҵалаҩцәеи. Анеира ахьыуадаҩу аҭыԥқәа рҿы авиациа ахархәара амоуп.

1998 шықәса рзы ииз арԥыси аԥҳәызбеи Аԥсныҟа ԥсшьара ҳәа иааит Санкт-Петербургнтә. Аквадроцикл қьырала иргеит.

Аӡиа Риҵахь узго амҩа ажәбатәи акилометр иахьаҵанакуа аҷкәын аԥсҟы импыҵҟьеит, аквадроцикл ааҳәын аӡиас иалаҳаит.

Аҷкәын ибыргәым аахақәа иоуит, аквадроцикл Бзыԥ аҟәараҿы ирбеит.

Аӡӷаб амҩатә машәыр ахьыҟалаз аҭыԥ аҿы дрымбеит, убри азы аӡаҿы лыԥшаара иалагеит.

4