агәамсамеизгарҭа

Гәылрыԥшьтәи агәамсамеизгарҭа 2020 шықәса анҵәамҭазы аусура иалагоит

21
Аԥсны Аиҳабыра Кациқыҭ иахьаҵанакуа агәамсамеизгарҭазы 36 гектар адгьыл алнахит 2019 шықәса хәажәкыра анҵәамҭазы.

АҞӘА, нанҳәа 22 – Sputnik, Бадри Есиава. Гәылрыԥшь араион Кациқыҭ иахьаҵанакуа идыргыло агәамсамеизгарҭа хәҭакахьала ахархәара иалагоит 2020 шықәса анҵәамҭазы, абри атәы ажунралистцәа ирзеиҭеиҳәеит Аԥсны аԥыза-министр Валери Бганба нанҳәа 22 рзы.

"Сынтәа агәамсамеизгарҭа апроект шьақәыргылахоит, 2020 шықәсазы аргылара иалагоит. Ари аусура анагӡара Аинвестпрограмма аҳәаақәа ирҭагӡаны иазоурыжьуеит 120 миллион мааҭ аԥара", - иҳәеит Бганба.

Иара убасгьы аԥыза-министр иажәақәа рыла, 2020 шықәсазы иалыршахоит уи хәҭакла ахархәара. Аргылара хдыркәшоит 2021 шықәсазы.

2019 шықәса, хәажәкырамзазы Алашарбага араион ауааԥсыра ҿҳәарадатәи акциа хацдыркит рраион аҿы иҟоу агәамсамкаԥсарҭа аркразы. Еизаз аполигон ахь инеиуаз амҩа ркит. Уи иалҵшәаны мшаԥы 12, 2019 шықәса рзы Аҟәа ахада Адгәыр Ҳаразиеи Гал араион ахада Ҭемыр Надараиеи аиқәшаҳаҭра рнапы аҵарҩит. Уи инақәыршәаны, аҳҭнықалақь абзазаратә црыҵқәа Гәылрыԥшь араион аҿы аполигон дыргылаанӡа Гал араион ахь иргалоит.

Хәажәкырамзазы атәыла аиҳабыра аполигон аргыларазы Гәылрыԥшь араион аҿы 36 гектар адгьыл алыркааит.

Атәыла ахадара мшаԥы 11 рзы ирыдыркылаз аӡбамҭа инақәыршәаны, Алашарбага аҳаблаҟны агәамсамеизгарҭа адыркуеит абҵара 30, 2019 шықәса рзы. Уаанӡа иргыланы аусура иаладыргароуп икьакьоу абзазаратә црыҵқәа рыжразы аполигон, уи иазԥхьагәанаҭоит афракциақәа рыла заанаҵ агәамсам аихшара.

Аԥсны Аиҳабыра Кациқыҭ иахьаҵанакуа агәамсамеизгарҭазы 36 гектар адгьыл алнахит 2019 шықәса хәажәкыра анҵәамҭазы.

Аполигон ҿыц иазԥхьагәанаҭоит ацрыҵқәа ҽыҭҽыҭла реиҵакәаҳара, иара убас апластики ацеллофани Аԥснынтәи иалганы ргара, избанзар урҭ адгьыл аҟны рыжра ҳекологиа иаԥырхагоуп.

Иара убас шәаԥхьар ҟалоит:

21
Пограничный пункт Ингур в Гальском районе Абхазии

Ҩымш рыла 500-ҩык инарзынаԥшуа ауаа Аԥсныҟа ихынҳәит

3
(ирҿыцуп 14:18 07.08.2020)
Агуманитартә коридор аартуп нанҳәа 5-9 асааҭ 9:00 - 19:00 рзы аамҭала Қырҭтәыла иҟаз Аԥсны атәылауаа хынҳәырц азы.

АҞӘА, нанҳәа 7 - Sputnik. Қырҭтәылантәи Аԥсныҟа ихынҳәит 476-ҩык инареиҳаны агәаҭара-аушьҭратә ҭыԥ "Егры" аҟны иаартыз агуманитартә коридор ала, абри атәы Sputnik имҩаԥысыз апресс-конференциаҿ еиҭеиҳәеит Аҳәынҭқарратә шәарҭадаратә маҵзура аҳәаахьчаратә отриад аиҳабы ихаҭыԥуаҩ Рудольф Цыба.

Цыба, иажәақәа рыла нанҳәа 5 рзы Аԥсныҟа иааиит 188-ҩык, нанҳәа 6 рзы – 288-ҩык.

Агуманитартә коридор аус ауеит нанҳәа 5 - 9 рыбжьара асааҭ 9:00 инаркны 19:00 сааҭ рҟынӡа.

Аҳәынҭқарратә ҳәаа ахысра ҟалоит абарҭ адокументқәа умазар:

  • Атәыла анҭыҵ ауаҩы ихаҿра шьақәзырӷәӷәо Аԥсны атәылауаҩ итәылауаҩшәҟәы;
  • Аԥсны атәылауаҩ иҩнуҵҟатәи азеиԥшуаажәларратә тәылауаҩшәҟәы (2016 шықәсазтәи);
  • Аԥсны аҵакыраҿы иааиԥмырҟьаӡакәа инхо аҳәаанырцә тәылауаҩ, ма атәылауаҩра змам ахаҿы анхарҭа аиуразы ишәҟәы;
  • Аԥсны Аҩнуҵҟатәи аусқәа рминистрра ирынаҭаз аформа №9 ала аилыркаага;
  • 14 шықәса рҟынӡа зхыҵуа ахәыҷқәа ирымазароуп аиразы аршаҳаҭга.

Аҳәаа иахысуа зегьы ргәабзиара аҭагылазаашьа амедико-санитартә хылаԥшра арҭоит.

Аамҭала Қырҭтәыла иҟаз Аԥсны атәылауаа хынҳәырц азы ԥхынгәы 13-17 рзы иаартыз агуманитартә коридор ала 1269-ҩык инареиҳаны ауаа хынҳәит.

3

Ҳагба: ҳбызшәеи ҳаԥсуареи еиқәхар ҳҭахызар- ақыҭа ҭаҳгароуп

3
(ирҿыцуп 14:00 07.08.2020)
Аҳәынҭқарратәи ауаажәларратәи усзуҩ Валери Ҳагба иира мшы азы арадио Sputnik Аԥсны аефир аҟны иҳәеит 80 шықәса ихыҵра дшазыҟоу, Аԥсны Аџьынџьтәылатә еибашьраан хьыӡшьарақәас имаз, иара убасгьы дазааҭгылеит аԥсуа қыҭа иахьатәи абзазшьа атәы.
Ҳагба: ақыҭа ҭаҳгароуп ҳбызшәеи ҳаԥсуареи еиқәхар ҳҭахызар

Аҳәынҭқарратәи ауаажәларратәи усзуҩ, Аԥсны Жәлар рфорум "Аидгылара" Гәдоуҭатәи аҟәша ахантәаҩыс иҟаз, бџьарлеи техникалеи аиқәыршәаразы атәылахьчара аминистр ихаҭыԥуаҩс иҟаз, аинрал-маиор, Аԥсны афырхаҵа, Аҷандара абыргцәа рхеилак ахантәаҩы Валери Езыгә-иԥа Ҳагба иахьа 80 шықәса ихыҵит.

Валери Ҳагба азиндырҩы изанааҭ ала Харьковтәи аиуристтә факультет далгеит. Аус иуан Аԥсны апрокуратура аҟны 1990 шықәсанӡа. Аԥсны Аџьынџьтәылатә еибашьра ҟалаанӡа Гәдоуҭа араион ашәахтә инспекциа анапхгаҩыс дыҟан. Активла далахәын амилаҭ-хақәиҭратә қәԥара. Аԥсны Аџьынџьтәылатә еибашьра аԥхьатәи амшқәа рзы илагала рацәоуп аԥсуа ар реиҿкаара аус аҟны. 1998 шықәсазы Гал Лаҵарамзазтәи операциаҟны илагалазы аинрал –маиор ҳәа ахьӡ ианашьан. 2006 шықәсазы атәылахьчара аминистр ихаҭыԥуаҩ иҭыԥ ааныжьны ԥхьатәара дцеит.

"Ижәдыруеит 80 шықәса маҷӡам. Сара есқьынагьы аусура саҿын иахьцазгьы сымбаӡеит (ашықәсқәа- ред.). Сшыхәыҷыз саб идунеи иԥсахит. Ҩышықәсеи бжаки схыҵуан ҳан хәҩык ахәыҷқәа лнапаҟны ҳанаанха, аиҵбы хымз ракәын ихыҵуаз. Усҟан аԥсҭазаара мчын, аколхоз ыҟан, сан зегьынџьара дахьӡар акәын. Сабду амҳаџьырра ицаны иаахьаз усҟан шәышықәса дырҭысхьан…Саншьцәа Гәлиаа рҟны, Ешыра схәыҷра ашықәсқәа схызгеит", - иҳәеит Ҳагба.

Иахьа аԥсуа қыҭа аԥсҭазаашьа далацәажәо иазгәеиҭеит, урҭ ацхыраара анрыҭамха, абызшәеи амилаҭтә леишәеи шыӡуа.

"Ақыҭақәа анҭаҳамга ҳаԥсуарагьы, ҳбызшәагьы ҳцәыӡуеит. Абызшәа ануцәыӡ уаԥсыуоуп ҳәа ухы злоуԥхьаӡои. Египет (Мысра) ҩышә нызқьҩык рҟынӡа ыҟоуп Абаза ҳәа рыжәлоуп, аха аԥсшәа рыздырӡом. Уи аԥсуара иахәарҭахозар, шәышықәса ахы-аҵыхәала убас ҳнанагоит", - иҳәеит Ҳагба.

Шәазыӡырҩы аудио. Иаҳа инеиҵыху Иаҳа инеиҵыху анҵамҭа шәаҳа шәылшоит арадио Sputnik Аԥсны аефир аҿы.

3