Делегация МИД Абхазии примет участие в 37-м раунде Женевских дискуссий

Аԥсны аинтересқәа Женева рыхьчаразы апрограмма шьақәырӷәӷәоуп

29
(ирҿыцуп 09:48 23.08.2019)
Апрограмма ахықәкытә финансыркра ахархәагақәа рзеиԥш шәагаа иартәоит 4 миллионки 295 нызқьи 200 мааҭ.

АҞӘА, нанҳәа 23 – Sputnik, Бадраҟ Аҩӡба. Аԥсны Аминистрцәа Реилазаара ишьақәнарӷәӷәеит Аԥсны аинтересқәа Женева рыхьчаразы аиҳабырабжьаратә хықәкытә программа.

Уи цәыригеит Адәныҟатәи аусқәа рминистр ихаҭыԥуаҩ Одиссеи Бигәаа. Иара иажәақәа рыла, ари апрограмма жәларбжьаратәи аилазаараҟны Аԥсны ахыдҵақәа рынагӡара иазырхоуп, Аԥсны ихьыԥшым ҳәынҭқаррак аҳасабала адәныҟатәи аполитиказы ажәларбжьаратәи аилазаара инарҭбаау аинформациа аҭара алнаршоит, ҳтәыла жәларбжьаратәи аимадарақәа арҭбаауеит.

Аԥсны аԥыза-министр Валери Бганба инаҵшьны иазгәеиҭеит Женеватәи аиҿцәажәарақәа Аԥсны жәларбжьаратәи аҩаӡараҟны аҿахәы аҳәар ахьалшо аиԥш зеиԥшу ҭыԥ шыҟам, убри азы иколлегацәа рахь ааԥхьара ҟаиҵеит уи иадгыларц азы. Даргьы ус иагьыҟарҵеит.

Аминистрцәа Реилазаара Аԥсны афинансқәа рминистрра дҵас ианаҭеит 2020 шықәсазтәы Аҳәынҭқарратә биуџьет аҟынтәи ари апрограмма аԥара азоунажьырц. Аԥсны Адәныҟатәи аусқәа рминистрра Аминистрцәа Реилазаарахь 2020 шықәса цәыббра 1-нӡа Апрограмма анагӡашьазы аҳасабырба нанагарц. Ақәҵара амч аиуеит ажьырныҳәа 1, 2020 шықәсазы.

Апрограмма иалнаршароуп Қырҭтәылеи Аԥсныи амч рхамырхәаразы аиқәшаҳаҭра рнапы аҵаҩра иазырхоу Қырҭтәыла злахәу аиҿцәажәарақәа реиӷьтәра абзоурала Аахыҵ Кавказ аҭынчреи аҭышәынтәалареи рышьақәыргылара. Иара убас апрограмма ахықәкқәа иреиуоуп Аԥсны иҵоуроу ахыԥша ашьақәыргылареи жәларбжьаратәи аҩаӡараҟны анагареи; атәыла аҭоурых-культуратә ҭынха абаҟақәа реиқәырхара апроблема алацәажәара; Аԥсны атәылауаа адәныҟатәи адунеи жәларбжьаратәи аилазаара аганахьала алхәдаара аҽазышәарақәа рҿагылара; аԥырхага ҟазҵо ахәачақәа рықәхра, иаҳҳәап, амармалташьтә пты, амцаԥшьхәаҷа, апальма зфо абжы, егьырҭ аекологиатә шәарҭарақәа раԥыхра.

Апрограмма анагӡара аҿҳәарас иамоуп 2020 шықәса. Аусмҩаԥгатәқәа рыплан иалоуп: Женеватәи аиҿцәажәарақәа рҳәаақәа ирҭагӡаны ашәарҭадареи агуманитартә зҵаарақәеи рзы аусуратә гәыԥқәа Аԥсны аделегациа алахәра, иара убас Гал ақалақь аҟны ишәарҭоу ахҭысқәа раԥырҟәҟәаареи рҿагылареи рзы есымзатәи амеханизм алахәра.

29

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

18
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

18

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау