Турецкий флаг. Архивное фото.

Аԥсны ахада иалхрақәа Ҭырқәтәыла имҩаԥымсыр ҟалоит

63
(ирҿыцуп 15:08 23.08.2019)
Алхрақәа рымш аҽны Аԥсны иахьаҵанакуа иаатуеит алхырҭатә ҭыԥқәа 152. Алхырҭатә ҭыԥқәа иара убас иаатуеит Москвеи Черкесски.

АҞӘА, нанҳәа 23 – Sputnik, Бадри Есиава. Аԥсны ахада иалхрақәа раан Ҭырқәтәыла иахьаҵанакуа абжьыҭара мҩаԥымсыр ҟалоит, абри атәы Sputnik акорреспондент изеиҭеиҳәеит Ҭырқәтәыла иҟоу Аԥсны азинмчы змоу ахаҭарнак Вадим Ҳаразиа ахәаша, нанҳәа 23 рзы.

"Аилагара ҳәа акгьы ыҟамызт. Аԥсны азакәанԥҵара инақәыршәаны алхрақәа рыҽнынӡа 30 мшы шагыз еиҿкаан акомиссиа, актқәа, акомиссиа ахантәаҩы даҭан. Акызаҵәык, нанҳәа 2 рзы сара Аԥсны АКХ ахь аҳәара ҟасҵеит алхырҭатә ҭыԥ даҽаџьара ииаргарц (Сҭампылынтәи Сақариаҟа - азгә.), ус еиԥш аҟаҵара азин шсымамыз азы аҭак нанҳәа 22 рзоуп иансоуз, уи закәанеилагароуп рҳәеит, аха азакәан аҟны ус ианӡам", - иҳәеит Ҳаразиа .

Ҭырқәтәыла иҟоу азинмчы змоу Аԥсны ацҳаражәҳәаҩ иажәа иацҵо, иҳәеит Сҭампыл алхырҭатә ҭыԥ уажәшьҭа аиҿкаара дшахьымӡо. Сақариаҟа аиагара азҵаара зцәырҵыз, уи аԥсуаа еиҳа рҽеизакны иахьынхо ҭыԥуп, иара убас уа имҩаԥысраны иҟоуп Аԥсны Ахьыԥшымра азхаҵара амш.

Ҳаразиа излеиҳәо ала, Сақариа иахьаҵанакуа иҟоуп 54 аԥсуа қыҭа, уа инхоит 60 нызқь аԥсуаа. Иара убас иара инаҵшьны иҳәеит Сақариа алхрақәа рзы зегь рыла еиқәшәоуп, аха АКХ уи иақәиҭнатәуам.

Официалла Ҭырқәтәыла Аԥсны алхрақәа рымҩаԥгара мап ацәырымкыцт, Алхратә комиссиа хадоуп ус зыӡбаз.

"Ҳара иаҭахыз адокументқәа зегьы наҳашьҭит Сақариа алхрақәа рымҩаԥгаразы. Аофициалтә усбарҭақәа рҟынтәи макьана мап аӡәгьы имкыцт", - рҳәеит Аԥсны АКХ апресс-маҵзураҟны.

Ахада иалхрақәа ҟалоит нанҳәа 25, 2019 шықәса рзы. Ахада далырхуеит хәышықәса аҿҳәара иҭаны. Хаҿык ҩ-ҿҳәарак иеиҳаны хадас аус иур ҟалаӡом. Ахада даналырхуа ахада ихаҭыԥуаҩгьы дицалырхуеит.

Иара убас шәаԥхьар ҟалоит:

63
Атемақәа:
Аԥсны ахада иалхрақәа (122)

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

17
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

17

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау