Акәыбры

Аԥсны аепидемиологцәа ашыӡ еиҭазго акәыбрқәа рзы: узыцәшәо ҳәа акгьы ыҟам

29
(ирҿыцуп 10:18 24.08.2019)
2019 шықәса нанҳәамза алагамҭазы Роспотребнадзор иҟанаҵаз адыррақәа инрықәыршәаны, 2019 шықәсазы Краснодартәи атәылаҿацә аҟны Мраҭашәаратәи Нил ашыӡ 7-ҩык ирыхьит.

АҞӘА, нанҳәа 23 – Sputnik, Бадри Есиава. Атропикатә шыӡ цәырҵыр ҟалоит аҿкы ахыҵхырҭа ыҟазар, ииашаҵәҟьаны Аԥсны акәыбрқәа ыҟоуп, аха урҭ рхаҭа ашыӡ рыхьроуп аҵарақәа ма ауаҩы рҟынтәи, лҳәеит Аԥсны асанитартә ҳақьым хада Лиудмила Скорик.

"Ҳара ҳҿы акәыбрқәа ыҟоуп, аха урҭ ашыӡ еиҭаргарц азы раԥхьа ашыӡ зыхьыз ауаҩы ма аҵыс иацҳароуп. Ус еиԥш ичмазаҩу аҵарақәа ҳара ҳҿы иҟаӡам", - азгәалҭеит Скорик.

Лара лажәақәа рыла, ашыӡ абарҭ рҩызцәа ацәырҵшьақәа имоуп - ашоура, ахыхь, аҟәартәрақәа рхьаа, агәыхынҳәра, аҿыхра, амгәатара. Ауаҩы аиарҭаҟны даанымгылакәа, ахьҭа иҽаиркыр, аменингит ихьыр ауеит, иԥсҭазаара далҵыргьы ҟалоит.

Иҟаҵатәузеи акәыбрқәа уҽырцәухьчарц азы
© Sputnik Леон Гәниа Иҟаҵатәузеи акәыбрқәа уҽырцәухьчарц азы

Аԥсны асанитартә ҳақьым хада ауааԥсыра ирабжьылгоит акәыбрқәа рҽацәыхьчаразы иаҭаху ҟарҵаларц: аԥенџьыр акаҭақәа арҭаларц, иахьынхо акәшамыкәша аӡҭатәақәа ықәыргарц, ауадақәа аҳауа ҩнадырсларц, адәаҿы ианыҟоу, акәыбрқәа зыцәшәо ахәшәқәа рхьыршьларц.

2019 шықәса нанҳәамза алагамҭазы Роспотребнадзор иҟанаҵаз адыррақәа инрықәыршәаны, 2019 шықәсазы Краснодартәи атәылаҿацә аҟны Мраҭашәаратәи Нил ашыӡ 7-ҩык ирыхьит.

Аԥсны уи ачымазара ҿкы зыхьыз ҳәа аӡәгьы дшьақәыргылаӡам, лҳәеит Лиудмила Скорик.

Уаанӡа агазеҭ "Известия", аепидемиолгцәа ражәақәа ҵаҵӷәыс иааганы, Ҟрым иахьаҵанакуа Амшын еиқәа аԥшаҳәахьы ишаауа ауаҩы иԥсҭазаара иалҵра зыхҟьо атропикатә чымазарақәа еиҭазго акәыбрқәа. Краснодартәи атәылаҿацә иаҵанакуа Роспотребнадзор ари аинформациа ҵаҵӷәыдоуп ҳәа ахнаҳәаауеит.

Иара убас шәаԥхьар ҟалоит:

29
Пограничный пункт Ингур в Гальском районе Абхазии

Ҩымш рыла 500-ҩык инарзынаԥшуа ауаа Аԥсныҟа ихынҳәит

3
(ирҿыцуп 14:18 07.08.2020)
Агуманитартә коридор аартуп нанҳәа 5-9 асааҭ 9:00 - 19:00 рзы аамҭала Қырҭтәыла иҟаз Аԥсны атәылауаа хынҳәырц азы.

АҞӘА, нанҳәа 7 - Sputnik. Қырҭтәылантәи Аԥсныҟа ихынҳәит 476-ҩык инареиҳаны агәаҭара-аушьҭратә ҭыԥ "Егры" аҟны иаартыз агуманитартә коридор ала, абри атәы Sputnik имҩаԥысыз апресс-конференциаҿ еиҭеиҳәеит Аҳәынҭқарратә шәарҭадаратә маҵзура аҳәаахьчаратә отриад аиҳабы ихаҭыԥуаҩ Рудольф Цыба.

Цыба, иажәақәа рыла нанҳәа 5 рзы Аԥсныҟа иааиит 188-ҩык, нанҳәа 6 рзы – 288-ҩык.

Агуманитартә коридор аус ауеит нанҳәа 5 - 9 рыбжьара асааҭ 9:00 инаркны 19:00 сааҭ рҟынӡа.

Аҳәынҭқарратә ҳәаа ахысра ҟалоит абарҭ адокументқәа умазар:

  • Атәыла анҭыҵ ауаҩы ихаҿра шьақәзырӷәӷәо Аԥсны атәылауаҩ итәылауаҩшәҟәы;
  • Аԥсны атәылауаҩ иҩнуҵҟатәи азеиԥшуаажәларратә тәылауаҩшәҟәы (2016 шықәсазтәи);
  • Аԥсны аҵакыраҿы иааиԥмырҟьаӡакәа инхо аҳәаанырцә тәылауаҩ, ма атәылауаҩра змам ахаҿы анхарҭа аиуразы ишәҟәы;
  • Аԥсны Аҩнуҵҟатәи аусқәа рминистрра ирынаҭаз аформа №9 ала аилыркаага;
  • 14 шықәса рҟынӡа зхыҵуа ахәыҷқәа ирымазароуп аиразы аршаҳаҭга.

Аҳәаа иахысуа зегьы ргәабзиара аҭагылазаашьа амедико-санитартә хылаԥшра арҭоит.

Аамҭала Қырҭтәыла иҟаз Аԥсны атәылауаа хынҳәырц азы ԥхынгәы 13-17 рзы иаартыз агуманитартә коридор ала 1269-ҩык инареиҳаны ауаа хынҳәит.

3

Ҳагба: ҳбызшәеи ҳаԥсуареи еиқәхар ҳҭахызар- ақыҭа ҭаҳгароуп

3
(ирҿыцуп 14:00 07.08.2020)
Аҳәынҭқарратәи ауаажәларратәи усзуҩ Валери Ҳагба иира мшы азы арадио Sputnik Аԥсны аефир аҟны иҳәеит 80 шықәса ихыҵра дшазыҟоу, Аԥсны Аџьынџьтәылатә еибашьраан хьыӡшьарақәас имаз, иара убасгьы дазааҭгылеит аԥсуа қыҭа иахьатәи абзазшьа атәы.
Ҳагба: ақыҭа ҭаҳгароуп ҳбызшәеи ҳаԥсуареи еиқәхар ҳҭахызар

Аҳәынҭқарратәи ауаажәларратәи усзуҩ, Аԥсны Жәлар рфорум "Аидгылара" Гәдоуҭатәи аҟәша ахантәаҩыс иҟаз, бџьарлеи техникалеи аиқәыршәаразы атәылахьчара аминистр ихаҭыԥуаҩс иҟаз, аинрал-маиор, Аԥсны афырхаҵа, Аҷандара абыргцәа рхеилак ахантәаҩы Валери Езыгә-иԥа Ҳагба иахьа 80 шықәса ихыҵит.

Валери Ҳагба азиндырҩы изанааҭ ала Харьковтәи аиуристтә факультет далгеит. Аус иуан Аԥсны апрокуратура аҟны 1990 шықәсанӡа. Аԥсны Аџьынџьтәылатә еибашьра ҟалаанӡа Гәдоуҭа араион ашәахтә инспекциа анапхгаҩыс дыҟан. Активла далахәын амилаҭ-хақәиҭратә қәԥара. Аԥсны Аџьынџьтәылатә еибашьра аԥхьатәи амшқәа рзы илагала рацәоуп аԥсуа ар реиҿкаара аус аҟны. 1998 шықәсазы Гал Лаҵарамзазтәи операциаҟны илагалазы аинрал –маиор ҳәа ахьӡ ианашьан. 2006 шықәсазы атәылахьчара аминистр ихаҭыԥуаҩ иҭыԥ ааныжьны ԥхьатәара дцеит.

"Ижәдыруеит 80 шықәса маҷӡам. Сара есқьынагьы аусура саҿын иахьцазгьы сымбаӡеит (ашықәсқәа- ред.). Сшыхәыҷыз саб идунеи иԥсахит. Ҩышықәсеи бжаки схыҵуан ҳан хәҩык ахәыҷқәа лнапаҟны ҳанаанха, аиҵбы хымз ракәын ихыҵуаз. Усҟан аԥсҭазаара мчын, аколхоз ыҟан, сан зегьынџьара дахьӡар акәын. Сабду амҳаџьырра ицаны иаахьаз усҟан шәышықәса дырҭысхьан…Саншьцәа Гәлиаа рҟны, Ешыра схәыҷра ашықәсқәа схызгеит", - иҳәеит Ҳагба.

Иахьа аԥсуа қыҭа аԥсҭазаашьа далацәажәо иазгәеиҭеит, урҭ ацхыраара анрыҭамха, абызшәеи амилаҭтә леишәеи шыӡуа.

"Ақыҭақәа анҭаҳамга ҳаԥсуарагьы, ҳбызшәагьы ҳцәыӡуеит. Абызшәа ануцәыӡ уаԥсыуоуп ҳәа ухы злоуԥхьаӡои. Египет (Мысра) ҩышә нызқьҩык рҟынӡа ыҟоуп Абаза ҳәа рыжәлоуп, аха аԥсшәа рыздырӡом. Уи аԥсуара иахәарҭахозар, шәышықәса ахы-аҵыхәала убас ҳнанагоит", - иҳәеит Ҳагба.

Шәазыӡырҩы аудио. Иаҳа инеиҵыху Иаҳа инеиҵыху анҵамҭа шәаҳа шәылшоит арадио Sputnik Аԥсны аефир аҿы.

3