Сҭампыл алхырҭатә ҭыԥ аадыртӡом

130
Сҭампылтәи алхырҭатә ҭыԥ адыркит Аԥсны Алхратә комиссиа хада аофициалтә хаҭарнак далархәны.

АҞӘА, нанҳәа 25 – Sputnik, Асмаҭ Ҵәыџьба. Сҭампылтәи алхырҭатә ҭыԥ официалла иаартӡамызт, абри атәы Sputnik иазеиҭеиҳәеит Ҭырқәтәыла иҟоу Аԥсны азинмчы змоу ахаҭарнак Вадим Ҳаразиа.

"Акомиссиа ахантәаҩи алахәылаҩцәеи, азинмчы змоу ахаҭарнакцәеи, анаԥшыҩцәеи, АКХ ахаҭарнакцәеи алхырҭатә ҭыԥ аԥхьа еизеит асааҭ 7:50 рзы, иагьышьақәдырӷәӷәеит Сҭампылтәи алхырҭатә ҭыԥ шаартымхо", - иҳәеит иара.

Ҳаразиа излазгәеиҭаз ала, уи АКХ ахаҭарнак идигалеит адокументалтә акт шьақәдыргыларц, аха уи мап ацәикит.

"Акомиссиа абиуллетенқәеи амҳәыри имрымхӡеит, алхырҭатә ҭып шаартымыз аирбеит, афото ҭихит, нас ҳаимпит. АКХ ахаҭарнак ари ахҭыс атәы аҭыԥ аҟны ишиҳәо ҳаздыруам. Сҭампыл алхырҭатә ҭыԥ аркуп", - иҳәеит Ҳаразиа.

Аԥсны АКХ ахантәаҩы асааҭ 8:35 рзыжәларбжьаратәи апресс-центр аҟны ажурналистцәа ириҭоз абрифинг аан иҳәеит Ҭырқәтәыла иҟоу алхырҭатә ҭыԥ иазку аинформациа шимамыз.

Уаанӡа Ҭырқәтәыла иҟоу Аԥсны ахаҭарнак Вадим Ҳаразиа адырра ҟаиҵахьан алхрақәа Сҭампыл иахьаҵанакуа имҩаԥымсыр рылшоит ҳәа. Ахаҭарнакра Сақариа ақалақь аҟны абжьыҭаразы алхырҭатә ҭыԥ иахәҭаз ала еиқәнаршәеит, аха анаҩс излеилкаахаз ала, уи АКХ официалла иақәиҭнамтәыцызт.

Убри аан Аԥсны АКХ изныкымкәа адырра ҟанаҵахьеит Ҭырқәтәыла алхрақәа рымҩаԥгара мап шацәнамкуа азы. АКХ ахантәаҩы излаиҳәаз ала, Сҭампыл алхрақәа мҩаԥымсыргьы, уи абжьыҭара алҵшәақәа ирныԥшуам.

130
Атемақәа:
Аԥсны аҳәынҭқарра ахада иалхрақәа 2019 (68)

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

18
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

18

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау