амилициа

Гәдоуҭа араион аҟны даанкылоуп ауаҩшьразы агәҩара зызрымаз ахаҿы

20
Нанҳәа 23, 12:30 рзы Мгәыӡырхәа ақыҭан иҟалеит ауаҩшьра иршьыз Анзор Леиба дахьынхоз аҩны аганаҿы.

АҞӘА, нанҳәа 25 - Sputnik. Аԥсны ААР ашьаусԥшааратә усбарҭа аусзуҩцәа дааныркылеит нанҳәа 23, 12:30 рзы Мгәыӡырхәа ақыҭан иҟалаз ауаҩшьра иуит ҳәа гәҩарас ирымоу ауаҩԥсы, абри атәы аанацҳауеит Аԥсны ААР аофициалтә саит.

"Аԥсны ААР ашьаусԥшааратә усбарҭа аусзуҩцәеи Аԥсны Аҳәынҭқарратә шәарҭадаратә маҵзуреи Гәдоуҭа араион нанҳәа 24 рзы аоператив-ԥшааратә русеицура амҩаԥгараан даанкыланы 1955 шықәса рзы ииз Мгәыӡырха инхо атәылауаҩ Анзор Дараҭиа-иԥа Леиба ишьразы гәҩарас ирымоу ахаҿы - 1983 шықәса рзы ииз Мгәыӡырхәа ақыҭан инхо атәылауаҩ Анри Анатоли-иԥа Леиба", - ҳәа аанацҳауеит аусбарҭа адырраҭара.

Аԥсны ААР адырраҭараҟны иазгәарҭоит иааныркылаз хаҭала игәаҭараан имхын 7.62 акалибр змоу Калашников исистема иаҵанакуа автомати уи ианаало 27 патрони.

Гәдоуҭа араион апрокуратура ихацнаркит Анзор Дараҭиа-иԥа Леиба ишьразы ашьауси иара убасамцабџьар изакәанымкәа аныҟәгареи, аҵәахреи, амҩангареи рзы ашьауси.

Иаанкылоу Анри Анатоли-иԥа Леиба Аԥсны ААР иатәу аамҭалатәи ауаҩы иаанкыларҭахь днагоуп.

Иара убас шәаԥхьар ҟалоит:

20

Аԥсныҟа иааргараны иҟоуп хә-нызқь рҟынӡа атест-системақәа

3
(ирҿыцуп 15:04 07.08.2020)
Аԥсны иахьатәи аамҭазы иааизакны коронавирус рыманы ишьоуп 114-ҩык. Урҭ рҟынтәи 37-ҩык ргәы бзиахахьеит, хҩык ԥсит.

АҞӘА, нанҳәа 7 - Sputnik. Акоронавирустә инфекциа амазаара ашьақәыргыларазы хә-нызқь рҟынӡа атест-системақәа Аԥсныҟа иааргараны иҟоуп, абри атәы Sputnik имҩаԥысуаз апресс-конференциаҿ илҳәеит Агәабзиарахьчара аминистрра ахәышәтәратә усбарҭа аиҳабы Саида Делԥҳа.

"Хара имгакәа хә-нызқь система ааргараны иҟоуп, аха ҳара урҭ изыхәҭаны иҟоу ирзымҩаԥаагалоит", - лҳәеит лара.

Делԥҳа лажәақәа рыла, Аԥсныҟа иаарго атест-системақәа агәаҭара иахыжьуп, рырбагақәа рыгәра угартә иҟоуп.

Иара убас Делԥҳа илҳәеит, нанҳәа 7 рзы Сечин ихьӡ зху аинститут аҟазауаа Аԥсныҟа ишаауа, аковидтә центр ишаҭаауа, иаҭаххар аҭыԥантәи аҳақьымцәа ацхыраара шрырҭо.

Иара убас шәаԥхьар ҟалоит:

  • Аԥснынтә COVID-19 зманы инанаго апациентцәа рзы адкыларҭа дырхиоит Шәача
3
Атемақәа:
Ачымазара ҿкы – акоронавирус Аԥсни адунеи аҿи: иалкаау
Пограничный пункт Ингур в Гальском районе Абхазии

Ҩымш рыла 500-ҩык инарзынаԥшуа ауаа Аԥсныҟа ихынҳәит

4
(ирҿыцуп 15:03 07.08.2020)
Агуманитартә коридор аартуп нанҳәа 5-9 асааҭ 9:00 - 19:00 рзы аамҭала Қырҭтәыла иҟаз Аԥсны атәылауаа хынҳәырц азы.

АҞӘА, нанҳәа 7 - Sputnik. Қырҭтәылантәи Аԥсныҟа ихынҳәит 476-ҩык инареиҳаны агәаҭара-аушьҭратә ҭыԥ "Егры" аҟны иаартыз агуманитартә коридор ала, абри атәы Sputnik имҩаԥысыз апресс-конференциаҿ еиҭеиҳәеит Аҳәынҭқарратә шәарҭадаратә маҵзура аҳәаахьчаратә отриад аиҳабы ихаҭыԥуаҩ Рудольф Цыба.

Цыба, иажәақәа рыла нанҳәа 5 рзы Аԥсныҟа иааиит 188-ҩык, нанҳәа 6 рзы – 288-ҩык.

Агуманитартә коридор аус ауеит нанҳәа 5 - 9 рыбжьара асааҭ 9:00 инаркны 19:00 сааҭ рҟынӡа.

Аҳәынҭқарратә ҳәаа ахысра ҟалоит абарҭ адокументқәа умазар:

  • Атәыла анҭыҵ ауаҩы ихаҿра шьақәзырӷәӷәо Аԥсны атәылауаҩ итәылауаҩшәҟәы;
  • Аԥсны атәылауаҩ иҩнуҵҟатәи азеиԥшуаажәларратә тәылауаҩшәҟәы (2016 шықәсазтәи);
  • Аԥсны аҵакыраҿы иааиԥмырҟьаӡакәа инхо аҳәаанырцә тәылауаҩ, ма атәылауаҩра змам ахаҿы анхарҭа аиуразы ишәҟәы;
  • Аԥсны Аҩнуҵҟатәи аусқәа рминистрра ирынаҭаз аформа №9 ала аилыркаага;
  • 14 шықәса рҟынӡа зхыҵуа ахәыҷқәа ирымазароуп аиразы аршаҳаҭга.

Аҳәаа иахысуа зегьы ргәабзиара аҭагылазаашьа амедико-санитартә хылаԥшра арҭоит.

Аамҭала Қырҭтәыла иҟаз Аԥсны атәылауаа хынҳәырц азы ԥхынгәы 13-17 рзы иаартыз агуманитартә коридор ала 1269-ҩык инареиҳаны ауаа хынҳәит.

4