Азакәан инақәыршәаны: Урыстәылатәи асенаторцәа Аԥсны алхрақәа ахәшьара рырҭеит

32
(ирҿыцуп 19:02 26.08.2019)
Урыстәыла Афедерациа ахеилак аҟынтәи аделегациа Аԥсны ахада иалхрақәа ишрыцклаԥшуаз, лкаақәас иҟарҵаз уҳәа ртәы шәаԥхьа Sputnik Аԥсны аматериал аҟны.

Аԥсны ахада иалхрақәа раан наԥшыҩцәак раҳасабала иааз Урыстәыла Афедерациа ахеилак алахәылаҩцәа Sputnik Аԥсны апресс-центр аҟны ажурналистцәа ирыҿцәажәеит.

Бадраҟ Аҩӡба, Sputnik

Азакәан инақәыршәаны

Урыстәыла Афедерациа ахеилак аилак ахантәаҩы ихаҭыԥуаҩ, аделегациа аиҳабы Фарит Мухаметшин еиҭеиҳәеит рделегациа алхырҭатә ҭыԥқәа 24 ишырҭааз, убарҭ рхыԥхьӡараҿы атәыла инахароу араионқәа рҟны иҟаз рахьгьы.

"Ҳара ҳгәаанагарала, Аԥсны алхрақәа адемократиатә шьаҭа рыманы, атәыла азакәанԥҵара инақәыршәаны, иаартны имҩаԥысит. Алхырҭатә ҭыԥкәа ҳәоуеиқәшәарыла аус руан, алхрақәа рцашьеи рылҵшәеи анырра азҭашаз акрызҵазкуаз еилагара ҳәа акгьы ҳамбеит", - иҳәеит иара.

Мухаметшин излазгәеиҭаз ала, алхыҩцәа реиҳараҩык ргәы иҵхоз азҵаарақәа иреиуан ртәылаҿы ишьақәгылоу асоциал-економикатә ҭагылазаашьа аиӷьтәра акәын.

"Ҳзыҿцәажәоз реиҳараҩык иазгәарҭон ́Урыстәыла дара рҭынчреи реизҳазыӷьареи иргарантны ишырбо, аԥсуа-аурыс еизыҟазаашьақәа ҩаԥхьагьы рырҭбаара шаҭаху", - иҳәеит иара.

Алхрақәа мҩаԥысит

Атәылахьчареи ашәарҭадареи рзы Афедерациа ахеилак аилак алахәыла Ольга Ковитиди алхрақәа рыҽны даҭааит Афон ҿыц иҟаз алхырҭатә ҭыԥқәа, лара лажәақәа рыла, алхратә процесс аартны, жәларбжьаратәи астандартқәа ирықәыршәаны имҩаԥысуан.

"Хымԥада анаԥшцәа алхрақәа иахьрылахәу атәылауаа рзинқәеи рхақәиҭрақәеи рыхьчаразы ицхыраагӡа дууп. Алхыҩцәа ҳанрыҿцәажәоз иубартә иҟан аҿиарамҩа ишазыԥшу, рзинқәеи рхақәиҭрақәеи аӡгьы ишеилеимго", - лҳәеит анаԥшҩы.

Урыстәыла Аԥсны партниорс иаԥхьаӡоит лҳәеит Ольга Ковитиди.

"Ҳара иаҳҭахуп абри атәыла ссир аҿы ауаа насыԥ рыманы инхаларц. Урыстәыла иалшо зегь ҟанаҵоит шәсуверентә ҳәынҭқарра аинтересқәа рыхьчаразы. Алхырҭатә ҭыԥқәа рҿы ауаа рацәан. Гәык-ԥсык ала ҭаацәала иааиуан абжьыҭаразы", - лҳәеит лара.

Анаԥшҩы Михаил Козлов иазгәеиҭеит абжьыҭараан ашәарҭадара аиҿкаара бзиа шамаз.

"Азинхьчаратә усбарҭақәа русзуҩцәа ашәарҭадара шьахәны еиҿыркааит. Уажәы, акурорттә сезон аамҭазы уи имариам усын, аха иалдыршеит. Ауаа аныҳәахь иаауазшәа иааиуан абжьыҭарахь", - иҳәеит Козлов.

Жәларбжьаратәи аусқәа рзы Афедерациа Ахеилак алахәыла Алексеи Кондратиев иҳәеит абжьыҭара активла ишымҩаԥысуаз.

"Аԥсны активтә граждантә уаажәларра ыҟоуп. Алхратә комиссиақәа рлахәылацәагьы активла аус руан", - иҳәеит Кондратиев.

АКХ заанаҵтәи адыррақәа рыла, Рауль Ҳаџьымба 23,85 % абжьы иоуит, Алхас Кәыҵниа - 21,97%. Олег Аршба - 21,60%, Асҭамыр Ҭарба - 6,60% , Алмас Џьапуа - 2%, Леонид Ӡаԥшьба - 5,70%, Шамил Аӡынба - 4,14%, Асҭамыр Какалиа - 0,97%, Артур Анқәаб - 1,60%. Алхрақәа ирылахәын 86 138–ҩык алхыҩцәа, процентла уи шьақәнаргылоит 66,55%.

Ахыркәшаратә еихшьаалақәа мҩаԥгахоит хымш рышьҭахь.

Уаанӡа акандидат Олег Аршба икоманда Алхас Кәыҵниа аҩбатәи атур ахь дышнеиз азхарҵеит.

Иара убас шәаԥхьар ҟалоит:

32
Атемақәа:
Аԥсны аҳәынҭқарра ахада иалхрақәа 2019 (68)
Кран

Нанҳәа 12 аҽны Аҟәа ахәҭак ӡыда иаанхоит

3
(ирҿыцуп 20:24 11.08.2020)
АУН "Аӡыканал" аремонттә усурақәа мҩаԥнагараны иҟоуп Аҟәа, Арӡынбеи Ажәанбеи рымҩақәа рҟны, нанҳәа 12 аҽны.

АҞӘА, нанҳәа 11 - Sputnik. Нанҳәа 12, ахашаҽны асааҭ 00:00 инаркны 22:00 сааҭ рҟынӡа Аҟәа ахәҭак  ӡыда иаанхоит, ҳәа аанацҳауеит АУН "Аӡыканал".

Аӡы ҟалаӡом:

  • Ажәытә ҳабла
  • Колос
  • авокзал
  • ақалақь агәы
  • ВИЕМ
  • Адыгеиаа рымҩа

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

Иара убас шәаԥхьар ҟалоит:

3

Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

16
Белоруссиа алхрақәа рышьҭахь ишьақәгылаз аҭагылазаашьа атәы арадио Sputnik Аԥсны иазеиҭалҳәеит Барановичи инхо ҳџьынџьуаҩ Мзиа Кәыркәнааԥҳа.
Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

Нанҳәа 9 рзы Белоруссиа имҩаԥысит атәыла ахада иалхрақәа. Алхырҭатә ҭыԥқәа анадыркы ашьҭахь аҿагыларатә акциақәа ирылагеит. Абарҭ акциақәа раан иаанкылан урыстәылатәи ажурналистцәагьы.

"Хәылбыҽхала аҿар адәахьы ицәырҵны алхрақәа рлыҵшәа аҿагылара арҭоит, иқәԥоит. Ашьыжь зегьы бзиоуп, аусурақәа рахь ицоит, анаплакқәа русура аанкылам, зегьы аус ауеит. Ауаажәларратә транспорт зегьы аус ауеит. Аиҿагыларақәа мҩаԥысуеит Барановичи, Брест, Минск, Гомель уҳәа белоруссиатәи ақалақьқәа рҿы. Сгәыла ахәылбыҽха дахьдәылҵыз дҭаркит, уажәгьы лыхабар ыҟам, ҳара ҳшәаны аҩны ҳтәоуп, ҳдәылҵӡом, аӡәгьы дахәаԥшзом, аҿагылара иалаху иалахәыму ҳәа, зегьы кны иргоит", - еиҭалҳәеит Кәыркәнааԥҳа.

Белоруссиа аҳҭнықалақь аҟны ҩымш ҵуеит зиншьаҭада аҿагыларатә акциақәа ирылагеижьҭеи, акциақәа ирылахә ахада иалхрақәа рылҵшәақәа иазыразым. Александр Лукашенко 80% алхыҩцәа рыбжьы ирҭеит. Аҿагылара ҟазҵози азинхьчаратә органқәа русзуҩцәеи еиҿанагалеит. Минск агәҭа абаррикадақәа ргылан. Амилициа рхы иадырхәеит аӡыршәгақәа, агаз. Иҟоуп ааха зауны ахәышәтәырҭахь инанагаз. Минск агәҭа еизаз иаанкылоу ауаа амилициаа ирыцрырҟьарц рҽазыршәеит. Азинхьчаҩцәа ражәақәа рыла аӡәы дҭахеит.

Иара убас шәаԥхьар ҟалоит:

16