Ианал Хапашь

Ианал Ҳаԥашь: Аԥсны доуҳамчк амоуп, есааира сагәыланахалоит

74
Нигериантәи ҳџьынџьуаҩ Ианал Ҳаԥашь арҭ амшқәа рзы Аԥсны дыҟоуп. Иара арахь иаара шыҟалази, Аԥсныи дшазыҟоу дазааҭгылоит ажурналист Сырма Ашәԥҳаи иареи реицәажәараҿы.

Сырма Ашәԥҳа, Sputnik

Ианал Ешьеҳан-Ҳаԥашь, хылҵшьҭрала дадыгоуп, дынхоит Нигериа, ҩыџьа ахшара драбуп. Ианал арҭ амшқәа рзы иԥсы ишьоит Аԥсны. Иара излаиҳәаз ала, иԥсы изалымхуа бзиа ибеит, аҩныҟа дхынҳәны данцалак, иԥшәмеи иареи еиқәшаҳаҭханы иҭаацәа иманы арахь нхара даарц иҭахуп.

"Сара сиит, сызҳаит Шьамтәыла. Уаҟа ашколи иреиҳау аҵараиурҭеи срылгеит, занааҭла нџьныр-механикуп. Сан, Сумаиа Шьурди ҟабарда хылҵшьҭроуп, лџьынџь Ҟабарда-Балкариа ауп, Аргәыдан ақыҭа инхон лабшьҭра, уажәгьы уа иҟоуп урҭ рдацқәа", - абас ажәабжьҳәара дналагеит Ианал Ҳаԥашь.

Ианал Ҳаԥашь, абар уажәшьҭа жәашықәса инареиҳауп Нигериа дынхоижьҭеи. Иҧшәма дашәыуаҭыԥҳауп. Иара аус иуеит акосметологиатә наплакаҿы менеџьерс. Аԥсны аӡбахә Шьамтәыла даныҟаз акырынтә иаҳахьан, уа инхо аԥсуа- дыга диаспореи еибабалон, рҭоурых, рҵас, ркультура иалацәажәон, аҩызцәа маҷымкәа иман.

"Сани саби хҩык ахшара ҳрааӡеит, ҩыџьа аишьцәеи иаҳәшьаки. Сашьа дынхоит Америка, саҳәшьа Германиа дыҟоуп, дҭаацәароуп. Сымаҳә даԥсыуоуп, Аҧсныҟа даахьеит, иара иҟынтә имаҷым издыруа Аԥсны аӡбахә"-ихы-иҿы ихалашауа дҳацәажәон Нигериатәи ҳџьынџьуаҩ.

Иашар, Ҟабарда ианшьцәа дсасны дырҭааит иаҳхысыз ашықәс азы, уаҟа ирацәаҩуп инхо иҭынхацәа. Иара иан лыԥсҭазаара далҵхьеит, еснагь гәыҵхас илыман лыуаажәлар дахьырҟәыҭхаз, атәым дгьыл аҿы дахьынхоз.

"Османтәи аимпериа аамҭазы, сабшьҭра Ҭырқәтәылантәи Шьамтәылаҟа иагеит, саб иахьагьы Дамаск дынхоит. Сан лаб, аҩбатәи Адунеитә еибашьра аан Асовет Еидгыла ааныжьны Италиаҟа дцар акәхеит, ирышьклаҧшуан, ус иҟаз аамҭа иҭагылан, уантә Бырзентәылаҟа, Бырзентәылантәи Шьамтәылаҟа дааит. Сабду аҭыԥқәа ахьеиҭеикуаз џьара иижәыз аӡы иахҟьаны дычмазаҩхеит, 45 шықәса дшырҭагылаз иԥсҭазаара далҵит", - аҭоурыхтә хҭысқәа дырзааҭгылеит Ианал.

Ианал ианшьцәа руаӡәк Урыстәыла дынхоит, руаӡәк Нальчик инхоз иԥсҭазаара далҵхьеит, Аргәыдан анышә дамадоуп. Иаб иашьцәа рахьтә иҟоуп Саудовтәи Аравиеи Америкеи инхақәо. Абас, аҭоурыхтә ӡеибафара акыр икыднаҟьахьан Ианал Ҳаԥашь дызхылҵшьҭраз ҳџьынџьуаа.

"Сара исҭахуп смилаҭ иныҟәыргоу акультура смырӡырц. Сԥеи сыԥҳаи атәым ҳәынҭқарраҿы акәымкәа дара иахьыртәышьҭроу иҟазарц. Уи азы сара исылшоу зегьы ҟасҵоит. Акыр исҭахын Аԥсныҟа саарц, Анцәа иџьшьаны сыгәҭакы наӡеит. Ара сахьааиз избаз-исаҳаз акыр сыхнахит. Мызкы аԥсшьарамшқәа сымоуп. Урҭ еиҩысшарц сҭахын, жәохәымш Аԥсны, жәохәымш Ҟабарда ҳәа. Аха избо сыԥсшьара зегьы Аԥсны исхызгоит, ари адгьыл мчык амоуп, есааира сагәыланахалоит, аиаша шәасҳәоит, сааижьҭеи абра сынхозшәа ауп схы шызбо"-игәырӷьара ҳәаак амамкәа дсацәажәон Ианал.

Егьа аамҭа царгьы, Аԥсадгьыл ахь иаагоу амҩа еинылом, уи ианысырц азы аамҭаказы иара иаҟәыҭхаз ауаажәлар, Ианал Ҳаԥашь иакәзар урҭ дыруаӡәкуп. Ашәышықәса иагәылганы иабдуцәа рҭоурых мырӡӡакәа иааигоит, игәыӷрақәагьы уи иадиҳәалоит. Иашар Ҳаԥашь атәым бызшәақәа маҷымкәа идыруеит, иан лбызшәа аҟабарда бызшәа убрахь иналаҵаны.

"Ҳара аҩны араб бызшәалоуп ҳазлацәажәо. Схәыҷқәа ирдыруазарц сҭахуп рхатәы бызшәа. Рбызшәа рзымдыркәа изеиуоугьы рыздыруам. Дара зхылҵшьҭроу амилаҭ милаҭ хазыноуп, уи иазгәыдуны ирҳәаларц сҭахуп, иара убасҵәҟьа иныҟәыргаларц рқьабызқәагьы. Аԥсныҟа сааижьҭеи шаҟа хәыцрахкы сеимаркуазеи, аԥхьаҟа сызхаҵгылаша азҵаарақәа сызцәырҵит, сыгәҭакы сахьӡап ҳәа агәаанагарагьы сымоуп", - игәҭыхақәа ҳацеиҩишон Ианал Ҳаԥашь.

Ианали сареи ҳаиҿцәажәара англыз бызшәахьтә еиҭалгон, иара акыр аиҩызара изныҟәызгаз Мальвина Бганԥҳа, иара убас уи лыԥшәма Иунус, иҭабуп ҳәа расҳәоит. Ианал Ҳаԥашь иакәзар, игәҭакқәа рынагӡараҿы аманшәалара изеиӷьасшьоит.

Иара убас шәаԥхьар ҟалоит:

 

74

Ажьиԥҳа: аҵиаақәа зегьы ҟазшьак-ҟазшьак рымоуп, уи анеилукаалак рааӡара мариахоит

105
(ирҿыцуп 17:52 31.05.2020)
Ачадара акыҭан иҟоу аҵиааӡарҭеи аҭиирҭеи русзуҩ Мактина Ажьиԥҳа арадио Sputnik Аԥсны аефир аҿы еиҭалҳәеит ашәҭқәеи аҵиаақәеи рааӡара иацу акәамаҵамақәа ртәы.
Раионк аԥсҭазаараҟынтә: Ажьиаԥҳа аҵиаақәа рхылаԥшра иазкны

"Уажәааны ауаа иаҳзаауа ишәҭуа аҵиаақәа роуп ирҭаху, аха ҳара иҳамаӡам шықәсыктәи ашәҭқәа, ҳара иаҳааӡо ӡынгьы-ԥхынгьы ииаҵәоу, акыршықәса зыԥсы ҭазаауа роуп. Иҳамоуп ес-аамҭа ишәҭуагьы. Арахь иаауеит ҿыц аҩнқәа зыргыло рышҭақәа рырԥшӡаразы аҵиаақәа зҭаху. Ачараура аӡәы игәы иҭаикзар, уи дашьҭоуп иаҳа зықәрахь инеихьоу, идуу аҵиаақәа, урҭ аҿаҳҵоит, иааҳгоит Италиантәи. Ҳара иҳамоу аҵиаақәа ҳхала еихаҳҳауеит, уи алагьы акыршықәса зхыҵуа ззаамхәо иаҳҭоит алшара ахҿарах агара. Иаҳа идуу аҵиаа ахылаԥшра мариоуп. Ҿыц иҟоу ашьапы акра иаҳа иацәыуадаҩуп. Удгьыл анаалароуп, аҵиаа акраҿауҵалароуп, ирлас еизҳаӡом, нас ихурффалароуп, абри зегьы аамҭа агоит", - ҳәа еиҭалҳәеит Ажьиԥҳа.

Иаҳа инеицыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаҳьар ҟалоит:

105

Аԥсны раԥхьатәи ахада Ешыра иҩны иақәкны ихысуаз ҳәа агәҩара ззыҟоу даанкылоуп

21
(ирҿыцуп 16:45 31.05.2020)
Аԥсны аҩнуҵҟатәи аусқәа рминистр Дмитри Дбар аҳәамҭа ҟиҵеит атәылаҿы аҭагылазаашьа ҭышәныртәаланы ишыҟоу, ацәгьоура иалахәыз зегьы ирыхәҭоу ахьырхәра ишақәыршәахо.

АҞӘА, лаҵара 31 - Sputnik. Аԥсны раԥхьатәи ахада Владислав Арӡынба Ешыра дахьынхоз иҩны иақәкны ихысуаз ҳәа агәҩара ззыҟоу дааныркылеит ҳәа адырра ҟаиҵеит Аԥсны аҩнуҵҟатәи аусқәа рминистр Дмитри Дбар. Аминистр ивидеоааԥхьара кьыԥхьуп ААР Youtube аҿтәи адаҟьа аҟны.

"Лаҵара 29 ауха Лада Ешыра аҭыԥ змаз ахысра аганхьала даанкылоуп Аԥсны раԥхьатәи ахада иҩны имариашаны ихысуаз ҳәа агәҩара ззыҟоу ауаҩы. Аха абри ахҭыс шаҳаҭс иамаз ауаа азинхьчаратә усбарҭақәа иргәныҩуам, иара убри алагьы аусҭҵаара иацхраауам", – иҳәеит ААР аминистр.

Аминистр убасгьы атәыла ауааԥсыра зегь рахь ааԥхьара ҟаиҵеит аҭагылазаашьа еиларымхәарц, азинхьчаратә усбарҭақәа закәанлатәи русура ԥынгыла арымҭарц, избан акәзар уи ҿааҳәыра змам ахҟьа-ԥҟьақәа цәырнагар ауеит. Азҵаарақәа зегьы азакәан инақәыршәаны иӡбахалароуп иҳәеит иара.

Иахьатәи аамҭазы Аԥсны амчратә усбарҭақәа русзуҩцәа зегьы ршьапы иқәгылоуп, ауаажәларратә ҭынчра ахьчара иазкуп ҳәа азгәеиҭеит Дмитри Дбар. 

 

21

Ҟәбан даҽа 80 коронавирустә хҭыс ҿыц ашәҟәы иҭагалоуп

0
(ирҿыцуп 19:28 31.05.2020)
Иааидкыланы Краснодартәи атәылаҿацә аҟны COVID-19 ахҭысқәа 3824 ашәҟәы иҭагалоуп, урҭ рахьтә 225-ҩык ахәыҷқәа роуп.

АҞӘА, 31 - Sputnik. Краснодартәи атәылаҿацә аҟны даҽа 80 коронавирустә хҭыс ҿыц шьақәыргылоуп ҳәа адырра ҟанаҵоит Ҟәбан администрациа.

"Аҵыхәтәантәи уахыки-ҽнаки рыла Краснодар ачымазара рыдбалоуп 41-ҩык, Армавир – 11-ҩык, Шәача – быжьҩык, хҩык-хҩык егьырҭ араионқәа хәба рҟны. Ичмазаҩхаз рахьтә 52-ҩык аҳәсақәа роуп, 28-ҩык хацәқәоуп. Зегьы иреиҳабу 94 шықәса ихыҵуеит", – аҳәоит адырраҿы.

Ари амш иалагӡаны арегион аҟны иԥсҭазаара далҵит 70 шықәса ирҭагылаз COVID-19 зцәа иалаз ачымазаҩ. Иааидкыланы Краснодартәи атәылаҿацә аҟны ачымазара иахҟьаны иԥсыз рхыԥхьаӡара 32-ҩык рҟынӡа инаӡоит.

Акоронавирус аҟазшьақәа иреиԥшу зхы иадызбалаз 9648-ҩык ауааԥсыра ахәышәтәырҭақәа ирыдҵаалеит, урҭ рахьтә 91-ҩык хәыҷқәоуп. Рыхәышәтәра иацыцоит 2137-ҩык апациентцәа, урҭ рахьтә 214-ҩык зықәра намӡац роуп.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

0
Атемақәа:
Ачымазара ҿкы – акоронавирус Аԥсни адунеи аҿи: иалкаау