Россотрудничество аурыс бызшәа акурсқәа Аԥсны ирыцнаҵоит

© Sputnik / Александр Гальперин / Амедиаҵәахырҭахь аиасраАкция "Тотальный диктант" в России
Акция Тотальный диктант в России - Sputnik Аҧсны
Анапаҵаҩра
Аурыс бызшәа акурсқәа Аԥсны иҟоу Россотрудничество ахаҭарнакраҿы иаадыртуеит цәыббрамза анҵәамҭазы.

АҞӘА, нанҳәа 30 – Sputnik. Аԥсны иҟоу Россотрудничество ахаҭарнакра аурыс бызшәа акурсқәа рымҩаԥгара иацнаҵоит, абри атәы арадио Sputnik иазеиҭалҳәеит Аурыс культуратә центр афонд анапхгара ахантәаҩы Наталиа Каиун.

"Хышықәса ҵуеит Россотрудничество ахаҭарнакра аурыс бызшәа акурсқәа хәыда-ԥсада еиҿнакаауеижьҭеи. Уи иалахәхар рылшоит 14 шықәса инареиҳаны изхыҵуа ауаа. Акурсқәа мҩаԥыслоит Россотрудничество ауада №229 аҟны. Уа иҟоуп еиуеиԥшым ахархәагақәа: аклассӷәы, ателехәаԥшыга, уҳәа уб.иҵ.", - лҳәеит лара.

Аҽазыҟаҵарақәа алагоит цәыббрамза аҩбатәи азбжазы, урҭ лаҵарамзанӡа имҩаԥысуеит.

"Апрограмма аԥышәарақәа рҟны аҿар ирԥыло иаҳа ихадоу аԥҟарақәеи аилкаарақәеи дырдырра иазырхоуп. Урҭ адиктантқәа, аиҭаҳәақәа, атестқәа рҩышьа дҳарҵоит", - азгәалҭеит Каиун.

Перьевая ручка - Sputnik Аҧсны
"Россотрудничество" Искандер диижьҭеи  90-шықәса аҵра иазкны аконкурс рыланаҳәеит

Акурсқәа рҟны ахәшьарақәа ықәдыргылаӡом, аконтрольтә усурақәа роуп имҩаԥырго, хықәкы хадас ирымоу - аматериал шьҭыркаартә аҟаҵареи уи ҿырҳәалеи ҩыралатәи аформалеи ахархәара рылыршареи.

Акурсқәа рҟны ирыдыркылоит 25-ҩык ауаа, агәаҳәара змоу, Россотрудничество инеины, анкета хадырҭәаароуп.

"Макьана жәаҩык рыҽҭарыҩхьеит. Аиҳабыратә абиԥарагьы ааир рылшоит. Иааиуа 25-ҩык иреиҳахар, ҩ-гәыԥк аԥаҳҵар ҟалоит", - лҳәеит лара.

Акурс иахысыз асертификатқәа роуӡом, рҳәеит ахаҭарнакраҿы.

"Асертификат абызшәа ахьынӡаудыруа аҩаӡароуп ишьақәнарӷәӷәо, уи аҳәаанырцә уааԥсыра роуп иззырхоу. Аԥсны уи аҩыза аҭахны иҟаӡам, ара абызшәа бзианы ирдыруеит", - азгәалҭеит лара.

Иара убас шәаԥхьар ҟалоит:

Ажәабжьқәа зегьы
0