Абанк аԥара ззалаз ауаа рсиақәа Аминистрцәа Реилазаараҿы ишьақәырӷәӷәоуп

© Фото : Администрация г. Сухум Аԥсны Аҵәахбанк
Аԥсны Аҵәахбанк - Sputnik Аҧсны
Анапаҵаҩра
Иааидкыланы асиахь иаҵанакит 595-ҩык ауааԥсыра. Азеиԥшшәара иартәоит хә-миллион мааҭ инареиҳаны аԥара.

АҞӘА, нанҳәа 30 - Sputnik. Аԥсны Аминистрцәа Реилазаараҿ иаԥҵаз акомиссиа ишьақәнарӷәӷәеит асовет аамҭақәа рзы, нанҳәа 14, 1992 шықәсанӡа аԥаратә лагала змаз ауааԥсыра рсиа. Абри атәы аанацҳауеит Аминистрцәа Реилазаара асаит.

Акомиссиа алахәылацәа ишьақәдырӷәӷәеит акомпенсациашәараз ҩ-сиак.

Актәи асиахь иаҵанакит мшаԥы 1, 2003 шықәса инаркны ажьырныҳәа 20, 2004 шықәсанӡа аҽҭаҩра иахысыз. Арахь иарбоуп 167-ҩык. Урҭ ирызшәатәуп миллионки 763 нызқь мааҭ. Аҩбатәи асиахь иаҵанакуеит жьҭаара 1 - ԥхынҷкәын 31, 2012 шықәсанӡа ашәҟәы зыҽҭазгалаз ауаа. Арахь иарбоуп 428-ҩык. Урҭ ирызшәатәны иҟоуп 3 миллионки 280 нызқь мааҭ аԥара.

Атәылауаа рыԥхьаӡамҭақәа рахь аԥарақәа нашьҭхоит абри амчыбжь инаркны.

1998 шықәса рзы Аԥсны ахада инапы аҵеиҩит Аусԥҟа "Аԥсны Аҳәынҭқарра Аҵәахырҭатә банк аусура алагаразы ауснагӡатәқәа рзы". Уи инақәыршәаны аҳәынҭқарра ахахьы иагон СССР Аҵәахырҭатә банк ауалԥшьақәа.

2011 - 2018 шықәсқәа рзы ареспубликатә биуџьет аҟынтәи акомпенсациа роуит 12 нызқьҩык ауаа. Ишәан 170 миллион мааҭ.

Иара убас шәаԥхьар ҟалоит:

Ажәабжьқәа зегьы
0