АҞӘА, цәыббра 4 – Sputnik, Сариа Кәарцхьиаԥҳа. Иалта, цәыббра 7-11 рзы акәашареи, ашәаҳәареи, аинструменталтә ҟазареи рзы Жәларбжьаратәи афестиваль-еиндаҭлара "Звездный путь" аҿы Аҟәатәи амузыкатә ҵараиурҭа астудентцәа ықәгылоит ҳәа Sputnik иазааицҳаит аҵараиурҭа арҵаҩы Ҭемыр Ҭаниа.
"Ааԥхьара ҳауит афестиваль ахантәаҩы Бедрос Киркоров иҟынтәи. Афестиваль иалахәхоит: Асҭамур Вартанов, Альбина Кәыҵниаԥҳа, Милена Камлиаԥҳа. Агәыӷра ду ҳамоуп аԥыжәаратә ҭыԥқәа наҳкылап ҳәа. Нанҳәа 15 раахыс арепертуар аиҿкаара ҳаҿуп. Аԥсуа ашәақәа, аурыс ашәақәа, англыз бызшәалатәи ашәақәа наҳагӡараны ҳаҟоуп", - ҳәа иҳәоит иара.
Акәашареи, ашәаҳәареи, аинструменталтә ҟазареи рзы Жәларбжьаратәи афестиваль-еиндаҭлара "Звездный путь" аҿар рыбжьара имҩаԥгахоит Иалта, цәыббра 7-11 рзы.
Иара убас шәаԥхьар ҟалоит:
-
Аԥсуа шәаҳәаҩ "Таланты Евразии – 2018" аҟны аиааира лгеит
