Раԥхьаӡа акәны: Аҿар ртеатр аҟны амоноспектакль архиара иаҿуп

© Sputnik / Томас ТхайцукАҿар ртеатр актиорцәа
Аҿар ртеатр актиорцәа - Sputnik Аҧсны
Анапаҵаҩра
Ҷыҷыкәа Џьонуа иажәабжь иалху амоноспектакль "Ахра шкәакәа" Аҿар ртеатр аԥхьарбара мҩаԥнагоит цәыббра 16 рзы.

АҞӘА, цәыббра 5 – Sputnik, Сариа Кәарцхьиаԥҳа. Амоноспектакль "Ахра шкәакәа" (Ҷыҷыкәа Џьонуа иажәабжь ала) Аҿар ртеатр аԥхьарбара мҩаԥнагоит цәыббра 16 рзы ҳәа еиҭеиҳәоит атеатр арежиссиор Беслан Лагәлаа.

Ари атеатр арепертуар аҿы ираԥхьатәиу моноспектакльуп. Ақәыргылара аидеиа давторуп актиор, режиссиор Беслана Лагәлаа.

"Аидеиа сызцәырҵижьҭеи акрааҵуан. Маҷ-маҷ аматериал азҳархион. "Ацынҵәарах" ашьҭахь уажәшьҭа хықәкылаҵәҟьа ақәыргылара ҳҽазаҳкит. Атекст амоноспектакль иақәшәо ишьақәҳаргылеит. Ари ҳара ҳзы иформат ҿыцуп. Аспектакль аԥсуа хәаԥшҩы изгьы иҿыцуп", - ҳәа еиҭеиҳәоит Беслан Лагәлаа.

Амоноспектакль наигӡоит атеатр актиор Ахра Кәарҷиа. "Ахра шкәакәа" арепетициақәа ҩымзуп ирҿуижьҭеи. Беслан Лагәлаа иажәақәа рыла ароль ду ааннакылоит ахореографиа.

Акәашарақәа рықәыргыларазы атеатр ҷыдала даанаԥхьеит ахореограф Елеонора Мазова.

"Актиор апластика ахархәарала ицәаныррақәа раарԥшра илшароуп. Ҳара амҩа иаша ҳақәушәа ҳбоит. Арежиссиор иҟаҳҵо игәаԥхоит", - лҳәоит Мазова.

Амоноспектакль аԥхьарбара мҩаԥгахоит цәыббар 16 рзы.

Иара убас шәаԥхьар ҟалоит:

Ажәабжьқәа зегьы
0