Алхрақәа аҩбатәи ртур амҩаԥысшьазы

18
(ирҿыцуп 15:20 08.09.2019)
Аԥсны ахада иалхразы аҩбатәи атур мҩаԥысуеит цәыббра 8 рзы. Абжьыҭарақәа хылаԥшра рырҭоит 12-ҩык анаԥшыҩцәа Урыстәыла, Аахыҵ Уаԥстәыла, Лугански Донецки Жәлар рреспубликақәа рхаҭарнакцәа.

Сариа Кәарацхьиаԥҳа, Sputnik

Аԥсны иахьаҵанакуа иаартуп 152 алхырҭатә ҭыԥ. Иара убасгьы абжьыҭара ҟалоит Москвеи Черқьесски. Черқьесск ақалақь аҿы алхырҭатә ҭыԥ аҭыӡҭа рыԥсахит. Иахьа абжьыҭира мҩаԥысуеит Киров иашҭа, 5 Акультура ахан ахыбраҟны ҳәа ааицҳауеит алхырҭатә ҭыԥ акомиссиа ахантәаҩы Заур Коблахов.

Аԥсны Ацентртә комиссиа хада адыррақәа рыла аҩбатәи атур аан асааҭ 12 рзы абжьыҭара иааихьеит 19% алхыҩцәа (алхратә сиала 2383-ҩык 125401 рҟынтәи). Абри атәы аалыцҳаит АКХ апресс-маӡаныҟәгаҩ Елена Лабахәуаԥҳа.

Иара убасгьы рыбжьы рҭихьеит акандидатцәа рҩыџьагьы.

Рауль Ҳаџьымба иахьа шьыжьнаҵы, асааҭ 9:00 рзы ибжьы аиҭеит алхырҭатә ҭыԥ № 2 аҿы. Алхырҭатә ҭыԥ № 2 Аҟәатәи абжьаратә школ № 14 аҿы иаартуп.

"Сгәалаҟара бзиоуп. Уаҵәтәи аԥеиԥш азы сыбжьы сҭиит. Иҟалаша сызҳәом, аха агәра згоит ауаажәлар ииашу алхра шыҟарҵо. Ахшыҩ аиааип ҳәа сгәыӷуеит", - иҳәеит иара.

Атәыла ахадарахьы акандидат Алхас Кәыҵниа ибжьы аиҭеит аҩбатәи атур аан асааҭ жәаҩа рзы.

"Аԥсны аԥеиԥш азы сыбжьы сҭиуеит. Сгәалаҟазаара бзиоуп. Сеигәыӷуеит ҳтәыла шәҭы-какаҷып ҳәа. Абжьаҭарақәа рганахь ала гәыҩбара ҳамам", - иҳәеит иара.

Аҩнқәа русбарҭа №3 аҿы иҟоу алхырҭатә ҭыԥ №3 ахь Алхас Кәыҵниа днеиит иԥа Еснаҭи иԥҳа Сариеи ицны.

Аԥсны аҩныҵҟатәи аусқәа рминистрра аусзуҩцәа 700-ҩык азыхиоуп алхрақәа раан иҟалар зылшо апровакациақәа раԥырҟәҟәаара.

"35 округ рҟни 152 алхратә ҭыԥи рҟны аҩныҵҟатәи аусқәа рминистрра аусзуҩцәа 700-ҩык азыхиоуп алхрақәа раан иҟалар зылшо апровокациақәа раԥырҟәҟәаара, ауааԥсыра ршәарҭадара аиҿкаара. Аминистрра аилазаара цәыббра 7 раахыс еиҳа ирӷәӷәоу арежим ахь русура ииагоуп", - иҳәеит аминистр Гарри Аршба.

Аԥсны ахада иалхразы аҩбатәи атур аан алхырҭатә ҭыԥқәа аус ахьыруа Москвеи Черқьесски рҟны алхрақәа зинеилагарада ҭынчрала имҩасуеит ҳәа иҳәеит Аԥсны адәныҟатәи аусқәа рминистр Даур Ақаҩба АКХ жәларбжьаратәи ацентр аҿы.

"Ишдыру аиԥш Аԥсны ахада иалхразы аҩбатәи атур аан алхырҭатә ҭыԥқәа аус руеит ақалақьқәа Москвеи Черқьесски рҟны. Ҭырқәтәыла иахьаҵанакуа алхырҭатә ҭыԥқәа аартӡам, актәи атур аан иахьаркыз инамаданы", - иҳәоит Ақаҩба.

Аԥсны ахада иалхразы аҩбатәи атур мҩаԥысуеит цәыббра 8 рзы. Абжьыҭарақәа хылаԥшра рырҭоит 12-ҩык анаԥшыҩцәа Урыстәыла, Аахыҵ Уаԥстәыла, Лугански Донецки Жәлар рреспубликақәа рхаҭарнакцәа.

18
Атемақәа:
Аԥсны Аҳәынҭқарра ахада иалхрақәа аҩбатәи ртур (41)

Шьониа Гал араса аҽаҩразы: ашәарҭара иҭагылоуп

10
(ирҿыцуп 20:16 06.07.2020)
Гал араион агроном хада Лери Шьониа арадио Sputnik аефир ала арубрика "Раионк аԥсҭазаараҟынтә" аҿы еиҭеиҳәеит араион аҟны араса хәышәтәымзар, аҽаҩра бзиамахар ҟалоит ҳәа.
Раионк аԥсҭазаараҟынтә: Шьониа Гал араса ахәшәтәра иазкны

"Араса аганахьала апроблема дуқәа ыҟоуп сҳәар имцхоит, избанзар ауаа рхатә џьабаалеи иара убас араион ақыҭанхамҩа иазоужьыз амармалташьтә пты иаҿагыланы ақәԥаразы 500 литра ахәшәи рзаҳшеит. Ахәшә ирызшаз азхаӡом, избанзар араион аҟны 18 қыҭа ыҟоуп, быжь-нызқь гектар инацны арасаҭрақәа ыҟоуп. Ҳәара аҭахума, ацхыраара иҵегьы иҳаур ибзиахон, избанзар акәыкәбаачымазара иаҿагыло ахәшә ҳақәгәыӷуан, иахьа ишҳаҳауа ала, Аԥсны ахадара азҵаара аӡбара иаҿуп. Иҳаҩсыз амчыбжь азы араион ҳалсуан, ачымазара хәыҷык идәықәлахьеит, араса аус даара ашәарҭара иҭагылоуп. Анхацәа хәыҷык ацхыраара ҳазрыҭар, аура ҟалап ҳәа ҳгәы иаанагоит", - иҳәеит Шьониа.

Иара иажәақәа рыла, ҵыԥх араион аҟны 4 нызқь гектар араса вертолиотла ихәшәтәын, сынтәагьы ахәшәтәра арбан.

"Хәыҷык аус ҳарццакыр цәгьаӡам, ианаамҭоу ахәшәқәа ҳаур акәыкәбаачымазара аҟынтә, алҵшәа бзиахон. 2017 шықәсазы араса аҽаҩра 20 % ҳамаӡамызт, 2019 шықәсазы 50-80 процент рҟынӡа аҽаҩра аанашьҭит. Иаҳхысыз ашықәсқәа рзы иҟаҵаз ахәшәтәрақәа рылҵшәақәа ҳцәыӡыр ҟалоит шықәсык бжьаҳажьыр, ажәлар рџьабаа аӡы иагеит ауп. Араион ахадара ирдыруеит, аиҳабырагьы ирарҳәахьеит ацхыраара ҳаур, кәыркәамза ахәшәтәра иара иатәуп, ихымԥадатәуп. Иахьа ачымазарақәа ҳбоит, амармалташьтә птгьы иаҳа иацло иалагеит уажәтәи ашоурақәа раан, акәыкәбаачымазара аԥхьа инаргыланы еиҭазго иара ауп", - иҳәеит Шьониа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

10

Иазҟазатәым ашьапылампыл азы Аԥсны ачемпионат аҿы аиааира згаз алкаауп

14
(ирҿыцуп 19:53 06.07.2020)
Иазҟазатәым ашьапылампыл азы Аԥсны ахԥатәи ачемпионат 2019 шықәса жьҭаарамзазы иалагеит, аха акоронавирус иахырҟьаны 2020 шықәса ԥхынгәымзанӡа ихыркәшамхеит.

АҞӘА, ԥхынгәы 6 – Sputnik, Ренат Ԥачалиа. Иазҟазатәым ашьапылампыл азы Аԥсны ахԥатәи ачемпионат афинал мҩаԥысит Аҟәа.

Аԥсны ашьапылампылтә Лига адиректор Васили Федоренко ишиҳәаз ала, сынтәатәи ашықәс аинтерес зҵаз ахҭысқәа аман. Иазҟазатәым ашьапылампыл азы Аԥсны ахԥатәи ачемпионат 2019 шықәса жьҭаарамзазы иалагеит, аха акоронавирус иахырҟьаны 2020 шықәса ԥхынгәымзанӡа ихыркәшамхеит.

Атурнир аҿы аиааира агеит акоманда "Рубин-2", аҩбатәи аҭыԥ – "Кьараз", ахԥатәи - "Гәылрыԥшь".

"Иазҟазатәым ашьапылампыл азы Аԥсны ачемпионат хынтәуп имҩаԥысуеижьҭеи. Ари аамҭала акомандақәа рхыԥхьаӡара аҽаԥсахит. Аԥхьатәи ашықәс азы 18 команда ыҟан, сынтәа – 8", - иҳәеит Федоренко. Еиуеиԥшым амзызқәа ирыхҟьаны афинал ахь 6 командак неиит.

Ф-командак атурнир аханатә иалахәын, "7-тәи арратә базеи" "Алекси" – раԥхьаӡа акәны иалахәхеит.

Федоренко иазгәеиҭеит иаиааиз акомандақәа ахраҿақәа шранашьаз, зҽалызкааз ахәмарыҩцәа – аҳаҭыртә шәҟәқәеи амедалқәеи.

"Ари ахԥатәи турнируп. Ачемпионат аиҩызаратә ҟазшьа аманы имҩаԥысуан. Командала ҳаибадыруеижьҭеи акыр ҵуеит. Агәахәара ҳнаҭоит акоманда ҿыцқәа ҩба ахьалахәхаз", - иҳәеит ииааиз акоманда аиҳабы Едуард Аршба. Иара ҭабуп ҳәа иеиҳәеит ашьапылампылтә клуб "Алекс" азыҟаҵаҩ Алексеи Иваненко ачемпионат аиҿкааразы.

Ԥхынгәы 15 рзы имҩаԥысраны иҟоуп атурнир аминистррақәеи аусбарҭақәеи рыбжьара.

Иара убас шәаԥхьар ҟалоит:

 

14