Амацәази абжьыҭареи: Аԥсны алхрақәа рҽынгьы ачара руеит

374
Ажурналист Саид Џьарсалиа ичара аҽны алхырҭатә ҭыԥ №3 аҟны днеины Аԥсны ахада иалхрақәа рҟны ибжьы аиҭеит. Ахада иалхрақәа аҩбатәи атур Аԥсны имҩаԥысуеит цәыббрамза 8 рзы.

Аҟәа, цәыббра 8 – Sputnik, Аинар Ҷыҭанаа. Саид Џьарсалиа Аҟәатәи аҳәынҭқарратә коллеџь ахыбраҿы иҟоу алхырҭатә ҭыԥ №3 аҟны ибжьы аиҭеит. Уахь иара дицнеит иԥшәма Сабина Хонелиаԥҳагьы, аха лара даҽа қалақь аҟны дҭаҩуп аҟнытә, лыбжьы алымҭаӡеит.

© Sputnik / Кирилл Каллиников

Саид иажәақәа рыла ачара аҿҳәара аамзы раԥхьа иԥырҵәахьан аҟнытә, уи амш алхрақәа ирықәшәоит ҳәа ргәы иаанагомызт. Насгьы иара иазгәеиҭеит ичареи алхрақәа рымши ахьеиқәшәаз илахь шеиқәнамҵаз, ибзианы ишидикылаз. Иахьа аҭаацәара иалало ажурналист, аамҭа ԥшааны, тәылауаҩык иаҳасабала ихатә гәаанагарагьы ааирԥшырц иӡбеит.

"Ачарагьы – чароуп, аха ҳтәылазы кыр зҵазкуа алхрақәа хырҩа рыҭара сҭахымхеит. Ҳәарада, алхрақәа рахь аара сгәы ишҭаз заа исыԥшәмахараны иҟоу иласҳәеит. Ларгьы сара сгәаанагара дазыразхан, дсыцны алхрақәа рахь дааит. Иахьа лареи сареи еицаҳзеиԥшу аԥсҭазаараҿы иҟаҳҵоит раԥхьатәи ашьаҿа. Иахьатәи амш ҳара ҳзы ныҳәатә мшуп. Зегьы ирзеиӷьасшьоит алхрақәагьы ныҳәак еиԥш имҩаԥысырц" - иҳәеит Саид Џьарсалиа.

© Sputnik / Томас Тхайцук
Выборы В Абхазии

Алхратә бӷьыц ҿыц еибагаз рҩыџьагьы аурнахь еицҭадыршәит. Аҭаца имӡакәа илҳәеит илыԥшәмахараны иҟоу ибжьы зиҭаз дарбан кандидату шылдыруа, илҳәеит ларгьы дышиқәшаҳаҭу. Дыззыразу акандидат дарбану ҳәа ажурналистцәа ирҭаз азҵаара Саид ҭакда инижьит.

"Уи ҭаацәаратә маӡазааит", - дналафит Џьарсалиа.

Атәылауаҩ иуалԥшьа нагӡаны, анаҩс дара Аҭарахь рҿынархеит.

Жәҩык акандидатцәа злахәыз Аԥсны ахада иалхрақәа актәи ртур мҩаԥысит нанҳәа 25 рзы. Уажәтәи ахада Рауль Ҳаџьымба 24,83% алхҩцәа рыбжьқәа иоуит, аоппозициатә партиа "Амцахара" анапхгаҩы Алхас Кәыҵниа – 22,91%. Азакәан ишаҳәо ала 50% еиҳаны акандидатцәа аӡәгьы имоуӡеит аҟнытә, ирылаҳәан алхрақәа аҩбатәи ртур, арҭ ҩыџьа акандидатцәа ралахәхарала. Уи мҩаԥысуеит цәыббрамза 8 рзы.

374
Атемақәа:
Аԥсны Аҳәынҭқарра ахада иалхрақәа аҩбатәи ртур (41)
Кабинет министров республики Абхазия

Аминистрцәа Реилазаара ашколқәа акарантин азы иадыркуеит ҳәа ирҳәаз аԥнарҟәҟәааит

7
(ирҿыцуп 22:08 25.09.2020)
Акоронавирус азы атәылаҿы ишьақәгылаз аҭагылазаашьа иахҟьаны Аԥсны ашколқәа зегьы рҟны акарантин алагалоуп ҳәа аинформациа АИХқәа рҿы ирыладырҵәеит ахәаша, цәыббра 25 рзы СЕС аиҳабы Лиудмила Скорик иҟалҵаз аҳәамҭа ҵаҵӷәыс иҟаҵаны.

АҞӘА, цәыббра 25 – Sputnik. Аԥсны Аминистрцәа Реилазаара апресс-маҵзураҿы ииашам ҳәа ахырҳәааит Аԥсны ашколқәа зегьы рҟны цәыббра 25 инаркны жьҭаара 16 рҟынӡа акарантин аларгалоит ҳәа уаанӡа АИХқәа рҟны ицәырҵыз аинформациа.

"Аминистрцәа Реилазаара акәым, Ауааԥсыра акоронавирус рацәыхьчаразы акоординациатә штаб акәым ашколқәа рҟны аҵаратә процесс аанкыларазы азҵаара иалацәажәомызт, аӡбамҭа ҳәагьы акгьы рыдрымкылацт", - ҳәа аанацҳауеит Аминистрцәа Реилазаара асаит.

Акоординациатәи аоперативтәи штабқәа иааиԥмырҟьаӡакәа ичмазаҩхази згәы бзиахази ауаа ирыцклаԥшуеит, иара убасгьы аҵара аусҳәарҭақәа рҟны ачымазара зыхьыз рхыԥхьаӡара гәарҭоит ҳәа аарыцҳаит Аминистрцәа Реилазаара апресс-маҵзураҿы.

"Аиҳабыреи акоординациатә штаби ирыдыркыло аофициалтә ӡбамҭақәа зегьы Аминистрцәа Реилазаара аофициалтә саит аҟны иҟалоит", - ҳәа азгәарҭеит апресс-маҵзураҿы.

Уаанӡа цәыббра 25 ахәылбыҽха Агәабзиарахьчара аминистрра апресс-маҵзура Аԥсны асанитартә ҳақьым хада Лиудмила Скорик адырра ҟалҵеит атәыла ашколқәа зегьы рҟны жьҭаара 16 рҟынӡа акарантин алагалахоит ҳәа.

Скорик ишылҳәаз ала, ари аҩыза аӡбамҭа атәыла аиҳабыра иаднакылеит Агәабзиарахьчара аминистрреи Асанитартә епидемиологиатә маҵзуреи иҟарҵаз абжьгарақәа инрықәыршәаны.

7
Микрофон

Раионк аԥсҭазаараҟынтә: Барцыцԥҳа Гәдоуҭа ашколқәа рҿы аҿкы чымазаразы аҭагылазаашьазы

7
(ирҿыцуп 20:00 25.09.2020)
Гәдоуҭа араион аҵара аҟәша аспециалист хада Диана Барцыцԥҳа арадио Sputnik аефир аҿы еиҭалҳәеит иахьатәи аамҭаз ашколқәа рҿы аҵара апроцесс амҩасшьа атәы, насгьы ачымазара зманы иалкаау рхыԥхьаӡара атәы.
Раионк аԥсҭазаараҟынтә: Барцыцԥҳа Гәдоуҭа ашколқәа рҿы аҿкы чымазаразы аҭагылазаашьазы

"Аҵара апроцесс цоит араион 29 школ рҿы, иара убас ахәыҷбаҳчақәа фба рҿы. Акласстә уадақәа ҳарзҩыдоит, ашәқәа, аԥенџьырқәа аартны аԥша ҩнадырсуеит, арҵаҩцәа асабрадақәа ныҟәыргоит. Ашоурашәагақәа ҳамоуп, зегьы ршоура гәаҭаны аклассқәа рахь иҩнаҳҵоит. Иахьатәи амш азы 450-ҩык ахәыҷқәа ныҟәаӡом ашколқәа рахь еиуеиԥшым амзызқәа ирхырҟьаны. Иара убас иҳамоуп ичмазаҩцәоу арҵаҩцәа. Уи Гәдоуҭатәи актәи абжьаратә школ аҟнытә рҵаҩык, аҩбатәи ашкол аҿы хҩык арҵаҩцәа, Приморсктәи абжьаратә школ аҿы - аӡәы. Класск аужьны иҳаман актәи ашкол аҿы аҿкы чымазара иахҟьаны, аха урҭгьы шьҭа иҭыҵуеит. Аҵаҩцәа рыбжьара макьана аӡәгьы дычмазаҩымхацт. Арҵаҩцәа рыԥсахуеит егьырҭ арҵаҩцәа, аҵара процесс аҿы аиԥҟьара ҳәа акгьы ыҟаӡам", - еиҭалҳәеит Барцыцԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

7