Аԥснытәи ашьапылампыласыҩ Урыстәыла-Ирландиа рыхәмарра далахәын

39
(ирҿыцуп 21:05 10.09.2019)
Урыстәылеи Ирландиеи рыбжьара аҿартә командақәа рыхәмарра мҩаԥысит цәыббра 9 рзы.

АҞӘА, цәыббра 10– Sputnik, Асмаҭ Ҵәыџьԥҳа. Аԥснытәи ашьапылампыласыҩ, Урыстәыла аҿартә шьапылампылтә команда алахәыла Аинар Ешба Урыстәыла-Ирландиа рыхәмарра далахәын ҳәа Sputnik иазеиҭеиҳәеит аспортсмен иагент Ҭимур Хынҭәба.

Иара иажәақәа рыла Урыстәыла 2:1 ҳәа ииааиит. Азыҟаҵаҩ Аинар ихәмаршьа ахәшьара ҳаракы аиҭеит.

"Азыҟаҵаҩ Аинар ихәмаршьа ахәшьара ҳаракы аиҭеит. Иҳәеит ашьапылампыл бзиа иакәны дҟалар шалшо. Акоманда иара иганахь ала агәыӷра дуқәа амоуп", - иҳәеит Аинар иагент.

Хынҭәба иҳәеит Аинар ахәмарра ашьҭахь мадридтәи аклуб Alcobendas-Levitt ахь дхынҳәуеит. Иара уа дыхәмаруеит 2017 шықәса раахыс.

Урыстәылатәи аҿартә командаҿ Аинар Ешба 2013 раахыс дыхәмаруеит. 2017 шықәса раахыс мадридтәи аклуб Alcobendas-Levitt аҿы дыхәмаруеит. 2016 шықәса раахыс далахәуп División De Honor (Золотая Лига – аред.) акатегориақәа "Инфантиль", "Кадет" рҟны.

16-шықәса зхыҵуа Аинар Ешба ихәмарра хациркит ашьапылампылтә клуб "Нарҭ" аҿы.

39

Даҽа быжьҩык ауаа акоронавирус рыдбалоуп Аԥсны

5
(ирҿыцуп 19:52 12.08.2020)
Аԥсны зынӡа ачымазара здырбалахьоу рхыԥхьаӡара 155-ҩык рҟынӡа инаӡоит. Урҭ рахьтә 51-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 12 - Sputnik. Даҽа быжьҩык ауаа акоронавирус рыдбалоуп ҳәа адырра ҟанаҵоит Ауааԥсыра акоронавирустә ҿкы рацәыхьчаразы аоперативтә штабнанҳәа 12 рзы.

"Аҵыхәтәантәи уахыки-ҽнаки рыла акоронавирустә чымазара амазааразы агәаҭара иахысит 131-ҩык ауааԥсыра, адиагноз COVID-19 рзықәыргылоуп быжьҩык", - ҳәа азгәаҭоуп аацҳамҭаҿы.

Абыржәтәи аамҭазы Гәдоуҭатәи ахәышәтәырҭа хадаҿы ишьҭоуп акоронавирус зцәа иалоу 40-ҩык апациентцәа. Урҭ рахьтә фҩык - хәыҷқәоуп, зҭагылазаашьа уадаҩу хҩык ыҟоуп. Згәабзиара ҭышәынтәалаз пациентк ахәышәтәырҭа дылыҩауп.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц, асоциалтә дистанциа ркызарц.

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

5
Атемақәа:
Ачымазара ҿкы – акоронавирус Аԥсни адунеи аҿи: иалкаау
Рита Жиба

Ажьиԥҳа аибашьра агәалашәарамш азы: есышықәса ишыҟаҳҵалац еиԥш изыҟалаӡом

4
(ирҿыцуп 18:51 12.08.2020)
Тҟәарчал араион акультура аҟәша аиҳабы Рита Ажьиԥҳа еиҭалҳәеит нанҳәа 14, Аџьынџьтәылатәи еибашьра аналага амш иазкны иазгәаҭан ирымоу аусмҩаԥгатәқәа ртәы.
Раионк аԥсҭазаараҟынтә: Ажьиԥҳа нанҳәа 14 рзы иазгәаҭан ирымоу аусмҩаԥгатә атәы

"Ашьыжь асааҭ 11 рзы, Владислав Арӡынба ибаҟаҿы ишьҭаҳҵоит ашәҭқәа, анаҩс амемориалтә комплекс аҿгьы ус. Афырхацәа раллеиаҿы имҩаԥгахоит амитинг. Аусмҩаԥгатә еиҿкаахоит амузеи аусзуҩцәа рыла. Ҳәарада, ачымазара иахҟьаны зхы алазырхәуа рхыԥхьаӡара маҷхоит, есышықәса ишыҟаҳҵалац еиԥш изыҟалаӡом, аха иагьа ус иҟазаргьы, ҳақалақь ахышәы-ҵышәа уиаҟара идууӡам азы аигәныҩра иаҳа имариоуп егьырҭ ақалақьқәа рҿы аасҭа. Ҳара аусбарҭақәа зегьы ҳасны ирылаҳҳәоит еиҿкаахо аусмҩагатә атәы. Ҳгәы ҳнархьуеит ауаа рхыԥхьаӡара ахьмаҷхо, аха арыцхә азгәаҳамҭаргьы ауам", - ҳәа еиҭалҳәеит Ажьиԥҳа.

Тҟәарчал Афырхацәа рмузеи есыҽны еиԥш иаартхоит, изҭаху зегь уи иааҭартә еиԥш алшара роуеит ҳәа азгәалҭеит араион акультура аҟәша аиҳабы.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

4