"Борис Еифман Икәашаратә академиа" ахь ахәыҷқәа ралԥшаара аҿҳәара инахоуп

8
"Борис Еифман Икәашаратә академиа" ахь ахәыҷқәа ралхра аҿҳәара анахара мзызс иамоу азыҳәақәа ахьмаҷу ауп.

АҞӘА, цәыббра 13 – Sputnik, Бадраҟ Аҩӡба. "Борис Еифман Икәашаратә академиа" ахь ахәыҷқәа ралхра аҿҳәара инахоуп ҳәа Sputnik иазеиҭалҳәеит "Аурыс балет" ашкол аҟәатәи афилиал анапхгаҩы Камила Лакербаиаԥҳа.

Санкт-Петербургтәи "Борис Еифман Икәашаратә академиа" цәыббра 14 рзы иазыԥхьагәанаҭон Аԥсны аҟыбаҩ злоу ахәыҷқәа ралкаара.

"Борис Еифман Икәашаратә академиа" ахь ахәыҷқәа ралхра аҿҳәара анахара мзызс иамоу азыҳәақәа ахьмаҷу ауп. Ҳара уажәгьы ахәыҷқәа ҳадаҳкылоит", - лҳәеит Лакербаиаԥҳа.

Ахәаԥшрахь инарыԥхьоит 6-12 шықәса зхыҵуа ахәыҷқәа.

"Борис Еифман Икәашаратә академиа" Урыстәылеи ИАР атәылақәеи рҟны аҟыбаҩ злоу ахәыҷқәа алрыԥшаауеит. Ҳара ҳҟынгьы уи ауп хықәкыс ирымоу", - лҳәоит лара.

Иалкаахо ахәыҷқәа Санкт-Петербург аԥышәара арҭоит.

"Борис Еифман Икәашаратә академиа" аартын Санкт-Петербург, 2013 шықәса рзы еицырдыруа ахореограф, Санкт-Петербургтәи аҳәынҭқарратә балеттә академиатә театр асахьаркыратә напхгаҩы Борис Еифман иаԥшьгарала.

Иара убас шәаԥхьар ҟалоит:

8