Харитон Агрба абокс азы ачемпионат аҿы аиааира игеит

© Instagram.com/khariton_agrba/Харитон Агрба
Харитон Агрба - Sputnik Аҧсны
Анапаҵаҩра
Урыстәыла аҩныҵҟатәи аусқәа рминистрра аҵараҵаратә усҳәарҭақәа рыбжьара абокс азы ачемпионат мҩаԥысуан Красноиарск, цәыббра 8-15 рзы.

АҞӘА, цәыббра 16 – Sputnik, Бадраҟ Аҩӡба. Аԥснытәи абоксиор Харитон Агрба Урыстәыла аҩныҵҟатәи аусқәа рминистрра аҵараҵаратә усҳәарҭақәа рыбжьара абокс азы Красноиарск имҩаԥысуаз ачемпионат аҿы аиааира игеит.

"Сара хә-қәгылаарк мҩаԥызгеит. Зегьы рҟны аиааира сыманы ихсыркәшеит. Дара зегьы имариаз ракәмызт. Зегьы аиааира рҭахын. Ҳус ишахәҭаз еиԥш инаҳагӡеит. Даара агәырӷьара самҽханакуп", - иҳәеит Sputnik Аԥсны аинтервиу азҭаз Харитон Агрба.

Харитон Агрба – Ростоы ақалақь аҩныҵҟатәи аусқәа рминистрраҿы аполициа асержантс дыҟоуп.

"Сусуреи абокси еиласыгӡоит. Аспорт сыԥсҭазаара иахәҭакуп. Еснагь уи азы аамҭа сыԥшаауеит", - еиҭеиҳәоит абоксиор.

Ачемпионат иалахәын 300-ҩык рҟынӡа аспортсменцәа.

Харитон Агрба – Урыстәыла еизгоу амилаҭтә команда далахәуп, абокс азы адунеи Ахраҿа аразны медал ианашьоуп. Сынтәа Минск имҩаԥысуаз Европатәи ахәмаррақәа рҟны аразны медал ианашьахеит. Астудентцәа рыбжьара адунеи ачемпионат дачемпионуп.

Иара убас шәаԥхьар ҟалоит:

Ажәабжьқәа зегьы
0