Ребенок

Ахәыҷқәа рзы акризистә центр аартра азыԥхьагәаҭоуп

17
Аԥсны иманшәалам аҭаацәарақәа рҟынтәи ахәыҷқәа рзы акризистә центр аартра азыԥхьагәаҭоуп. Абри азы аусурақәа шымҩаԥысуеи, ари азҵаараҿы уадаҩрақәас иҟоуи ртәы Sputnik аматериал аҿы.

Аԥсны иманшәалам аҭаацәарақәа рҟынтәи ахәыҷқәа рзы акризистә центр аартра азыԥхьагәаҭоуп Аҟәа араион аҿы. Ацентр аҿы ахәыҷқәа ыҟазаауеит адуцәа рхылаԥшуа, ԥхьаҟатәи рлахьынҵа еилкаахаанӡа.

Бадраҟ Аҩӡба, Sputnik

Асоциалтә политикеи, аџьеи, агәабзиарахьчареи, адемографиеи, аветеранцәеи аинвалидцәеи русқәа рзи апарламенттә еилакы ахантәаҩы Алхас Џьынџьолиа еиҭеиҳәеит ҩышықәса ишрықәу ареспубликаҿ абри аҩыза ацентр аартра алацәажәара.

Ацентр ахь инаргар рылшоит аԥсҭазааратә ҭагылазаашьа уадаҩ ианиаз ахәыҷқәа. Адепутат Џьынџьолиа иазгәеиҭеит ахәыҷқәа рыдкылараз хҭысцыԥхьаӡа ҷыдала ишазнеиуа.

Иара иажәақәа рыла азинхьчаратә органқәа ахәыҷқәа реиԥш аҭаацәарақәагьы рылаԥш шырху. Иҟалалоит аҭагылазаашьақәа ахәыҷқәа цәгьарак руны ианааныркыла амилициа ма апрокуратура аусзуҩцәа рҟны ианыԥхьо, ргарҭа шыҟам.

Ахәыҷәты центр ахь инарго рызҵаара рыӡбоит асоциалтә усзуҩцәа. Ацентр аҿы ахәыҷқәа иаҭахны иҟалар амедицинатә цхыраарагьы роулоит.

"Сзыҿцәажәо реиҳараҩык Аԥсны иахьаҵанакуа Ахәыҷы иҩны аартра иадгылаҩцәам. Ҳазлацәажәо аамҭала ахәыҷқәа ахьабо акризистә центр ауп", - иҳәеит иара.

Ацентр Аԥсны аџьеи, аусурамазаареи, асоциалтә еиқәыршәареи рминистрра анапаҵаҟа иҟалоит.

"Ахәыҷы апроблема имоуп ҳәа анҳаҳалак ацхыраара иаҳҭоит", - лҳәоит аминистрра аусзуҩ Ольга Мороз.

Лара иара убасгьы илҳәеит аминистрра Ахәыҷы иҩны аартра ишақәшаҳаҭым, ацентргьы аҽа хырхарҭак аҭаны ишабо.

Ацентр аҿы ахәыҷқәа ыҟазаауеит адуцәа рхылаԥшуа, ԥхьаҟатәи рлахьынҵа еилкаахаанӡа. Аԥсны аҵареи аҭҵаарадырреи рминистрраҿгьы аидеиа иадгылоит.

"Аҳәынҭқарратә органқәа ацентр аартра ахәҭаны иахәаԥшуазар, ҳара мап ацәаҳкуам", - рҳәеит Аԥсны аҵареи аҭҵаарадырреи рминистрраҿы.

Адепутат Алхас Џьынџьолиа иҳәеит Аҟәа араион аҿы ишыҟоу ацентр аауртыр ахьалшо ашколтә хыбра. Ахәыҷқәа уа мызкы инаркны шықәсыкынӡа рыҟазаара еиҿкаахоит.

Адепутат иажәақәа рыла ацентр аԥҵаразы асмета макьаназ ишышьақәыргылам, аартра аҿҳәарагьы макьаназ ишалацәажәам.

2004 шықәса рзгьы абри азҵаара шьҭыхын аха аҵыхәанӡа анагӡара амоуит.

17

Чаблахԥҳа иаԥшәымадоу алақәа рызҵаара аӡбашьазы: ус дууп, зегь ҳзы ибзиоуп

20
Гагра араион Алаҳаӡы ақыҭан инхо Хамида Чаблахԥҳа арадио Sputnik аефир аҟны арубрика "Раионк аԥсҭазаараҟынтә" аҿы еиҭалҳәеит иаԥшәымадоу алақәа рызҵааразы араион аҟны аҭаагылазаашьа зеиԥшроу.
Раионк аԥсҭазаараҟынтә: Чаблахԥҳа иаԥшәымадоу алақәа ртәы

Гагра арион ахада инапынҵақәа назыгӡо Иури Хагәышь лаҵара 27 рзы аилацәажәара мҩаԥигеит иаԥшәымадоу алақәа рызҵаара иазкны. Уи аҟны аӡбамҭа рыдыркылеит араион аҟны иҟоу иҷыдоу алақәа рыԥхьарҭахь инаргаларц хылаԥшра змам аԥстәқәа.

"Аилацәажәараҟны ирыӡбаз аус бзиоуп. Шьҭа хәышықәса ҵуеит алақәа рааӡарҭа "Топа" аиҳабы Саида Оҭырԥҳа ари имариам аус лнапы алакуижьҭеи. Лара илыбзоураны 700 инареиҳаны алақәа Аԥсны анҭыҵҟа ишьҭуп, аԥшәмацәа рзыԥшаауп. Ааӡарҭаҟны 180 рҟынӡа алақәа ыҟоуп, аҭыԥ азхаӡом. Гагра ақалақь аӡәгьы итәымкәа иалоу алақәа маҷым, ари аҭагылазаашьа ҽеим ҳара ҳзеиԥш, дара алақәа рзгьы, ауадаҩрақәа рацәаны иацуп ари азҵаара. Амҩа иану алақәа амла иакуеит, амашьынақәа ирыҵалоит, ауаа ирзыҭрысыр ҟалоит, ишәарҭоуп, аха рышьра иашам, игәнаҳароуп ҳәа сыԥхьаӡоит. Ари азҵаара даҽа ӡбашьак амоуп - алақәа мшьӡакәа ааӡарҭахь рышьҭра. Уи иахьадгылаз Гагра ахадара иҭабуп ҳәа расҳәоит, ааӡарҭа ацҵара ацхыраара ахьарҭо азы. Ари ус дууп, зегьы ҳзы ибзиоуп", - лҳәеит Чаблахԥҳа.

Шәазыӡырҩы аудио. иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

20

Аԥсны анапхгара акурсантцәа рҵараиурҭақәа рахь рыхынҳәраҿ ирыцхраауеит

13
Ауааԥсыра акоронавирус рацәыхьчаразы Акоординациатә штаб аилатәара мҩаԥысит лаҵара 28 рзы Аминистрцәа реилазаараҿы.

АҞӘА, лаҵара 28 – Sputnik. Аԥсны анапхгара акурсантцәа рҵараиурҭақәа рахь рыхынҳәраҿ ирыцхраауеит иҳәеит аԥыза-министр Александр Анқәаб ауааԥсыра fкоронавирус рацәыхьчаразы Акоординациатә штаб аилатәараҿы.

Аԥыза-министр иазгәеиҭеит аҭаацәа абилеҭқәа раахәараҿы ауадаҩрақәа роур алшоит ҳәа.

"Владимир Валери-иԥа (Делба, Афинансқәа рминистр – аред.) иарбан цхыраароу иҟаҳҵар ҳалшо. Зынӡа ишәцәыуадаҩхар, абизнесуаа еизыргаз аҟынтәи инхаз иахаҳхып ма даҽаџьара аҳәара ҟаҳҵап, аҭаацәа ауадаҩра иақәаҳмыршәарц", - иҳәеит иара.

Атәылахьчара аминистр актәи ихаҭыԥуаҩ Беслан Ҵәыџьба иҳәеит акурсантцәа Аԥсны рыҟазаара аҿҳәара рашәара 5-10 рзы ишынҵәо.

Аха дара Урыстәыла ҩымз аҽыԥхьакратә режим иахьахысызи Аԥсны акарантин иахьахысызи Атәылахьчара аминистрра Урыстәыла Атәылахьчара аминистррахь аҳәаратә шәҟәы архиоит урҭ маҷк ихьшәаны аҵараиурҭақәа рахь инеирц, иаҳҳәозар, рашәарамза анҵәамҭазы.

"Аҭаацәарақәагьы абилеҭқәа рыхәԥса ршәартә аҭагылазаашьа ыҟам. Убри азы рашәара 1 азы ашәҟәы ҳашьҭуеит. Иахьазы акурсантцәа 268-ҩык ыҟоуп", - иҳәеит иара.

Иара убас шәаԥхьар ҟалоит:

13