Аԥсны адәыӷбақәа рныҟәара аӡын аамҭахь ииасуеит

29
(ирҿыцуп 16:48 18.09.2019)
2019 шықәса ашықәс аԥшьбаракқәа ҩба ирылагӡаны аихамҩа рхы иадырхәеит Аԥсныҟа Урыстәылантәи ааразы 73 507-ҩык ауааԥсыра.

АҞӘА, цәыббра 18 – Sputnik, Бадраҟ Аҩӡба. Аԥснытәи адәыӷбақәа аӡынтәи аамҭахь рныҟәара ииаргоит ҳәа Sputnik иазеиҭеиҳәеит АУН "Аԥсныеихамҩа" анапхгаҩ ихаҭыԥуаҩ Игор Марганиа.

"Цәыббреи жьҭаареи рзы адәыӷба №306 есыҽны иныҟәалоит. Абҵара 1, 2020 шықәса лаҵарамзанӡа инаркны еиҩымшо арыцхәқәа раан иныҟәалоит", - ҳәа иҳәеит иара.

Аԥсни Урыстәылеи адәыӷбақәа ԥшьба еимардоит: москватәиқәа ҩбеи Санкт-Петербурги Самареи рҟынтәи акакеи.

"Адәыӷба Санкт-Петербург - Аҟәа жьҭаара 12 рҟынӡа иныҟәалоит. Цәыббрамзазы иара мчыбжьык ахь ԥшьынтә ибжьыслоит, жьҭаарамзазы – хынтә", - ҳәа иҳәоит Марганиа.

Санкт-Петербургнтәи Аԥсныҟа иаауа адәыӷба Псков, Ельц, Воронеж, Ростов ақалақьқәа рҿы иацрарҳәоит авагонқәа. Сынтәа абри адәыӷба ацраҳәа арҭо иалагеит Новгород ду аҿгьы.

Самаратәи адәыӷба Пенза иацрарҳәоит авагон, москватәи - Белгород.

Иара убас шәаԥхьар ҟалоит:

29
Роман Джопуа

Џьапуа арахә рчымазараҟнытә ҿыц ироуз алаҵазы: даара аџьабаа адбаланы иааган

6
Аԥсны аветеринартә маҵзура аиҳабы Роман Џьапуа арадио Sputnik аефир аҿы еиҭеиҳәеит амаҵзура ҿыц иаиуз алаҵа арахә рзы ишхәарҭоу.
Џьопуа арахә рчымазараҟнытә ҿыц ироуз алаҵазы: даара аџьабаа адбалан иааган

"Иҳауз алаҵа Аԥсны арахә ирымоу ҩ-чымазарак иртәуп. Аҳәынҭқарратә программала ари ахәшә ааҳхәаӡом, иааҳхәо иаҳа злеишәа цәгьоу ачымазарақәа рзоуп аҟнытә, иара апрограмма иаҵанакуамызт. Акрааҵуеит аҳәара ҟаҳҵоижьҭеи Аԥсны аус зуа Еиду амилаҭқәа рхаҭарнакра иҟанаҵо ацхыраарала ари авакцина ҳзааргарц. Даара аџьабаа адбаланы иҳарҭеит ахәшә, ақырҭцәа иаармышьҭырц иалагеит. 15 нызқь доза ҳзааргеит, урҭ рахьынтә аа-нызқь инареиҳаны ишаны ираҳҭахьеит ҳара ҳҳақьымцәа. Авакцина иагхан иахьааз аҟнытә усҟак ахархәара аиуӡом, избанзар зырахә ашьхахь иказцахьоу анхацәа ыҟоуп, ашоура ӷәӷәа аан агәыргьы рылауҵар ҟалаӡом", - ҳәа еиҭеиҳәеит Џьапуа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

6

Аҟәа ахәышәтәырҭаҟынтәи ибналаз абаандаҩы амилициа ишьҭоуп

23
(ирҿыцуп 20:46 02.06.2020)
Изакәанымкәа амцабџьари аџьаԥҳани рыҵәахразы зус ҭырҵаауа Иашҭхәа ақыҭан инхо атәылауаҩ Аҟәа Ареспубликатә хәышәтәырҭа хадаҟынтә дыбналеит, иара ахԥатәи аихагылаҟынтәи ацәарҭамаҭәақәа еиқәҳәалан дырхьынҳаланы дылбааит.

АҞӘА, рашәара 2 - Sputnik. Аԥсны Аҩнуҵҟатәи аусқәа рминистрра аусзуҩцәа ишьҭоуп Аҟәа рашәара 1 азы Ареспубликатә хәышәтәырҭаҟынтәи ибналаз Гурген Киракосиан, абри атәы аанацҳауеит аусбарҭа апресс-маҵзура.

Киракосиан иганахьала ашьаусҭҵаара хацыркуп изакәанымкәа амцабџьари аџьаԥҳани рыҵәахразы, иара уаанӡагьы ишьҭан, даанкылан лаҵара 15 рзы.

Убри ашьҭахь иара дырхәышәтәуан Ареспубликатә хәышәтәырҭаҿы аԥҟара аҟәшаҿы, уантәи иара абналара илшеит: инапышьаҳагақәа аартны, ацәарҭамаҭәақәа еиқәҳәалан дырхьынҳаланы ахԥатәи аихагылаҟны дахьышьҭаз апалата аԥенџьыр ала дылбааит.

Киракосиан иганахьала Аҟәа ақалақьтә прокуратура ашьаус хацнаркит дахьҭакыз аҭыԥ аҟынтәи дахьыбналаз афакт ала.

Аҩнуҵҟатәи аусқәа рминистр идҵала, Киракосиан ихьчара знапы ианыз аусзуҩцәа рганахьала амаҵзуратә гәаҭара мҩаԥыргеит. Агәаҭара аматериалқәа Апрокуратура хадахьы инашьҭуп ашьаусԥшааратә ӡбамҭа адкыларазы.

Иара убас шәаԥхьар ҟалоит:

23