Аминистрцәа реилазаара аҳасабырба ҟарҵеит абиуџьет алагалақәа рзы

32
(ирҿыцуп 16:09 19.09.2019)
2019 шықәса аԥхьатәи аамзы рзы абиуџьет ахь иаланагалеит ф-миллиардки 74 миллион мааҭ, аха аплантә рбагақәа зегьы нагӡам.

АҞӘА, цәыббра 19 - Sputnik. Аԥсны ахада Рауль Ҳаџьымба Аминистрцәа реилазаара аилатәара мҩаԥигеит. Аилатәараҿы ирылацәажәан аекономикаҿ аплантә рбагақәа рынагӡара. Абри атәы аанацҳауеит ахада ипресс-маҵзура.

Афинансқәа рминистр Џьансыхә Нанба аҳәамҭа ҟаиҵеит абиуџьет ахь иаланагалеит ф-миллиардки 74 миллион мааҭ, уи ф-миллиардки 56 миллион мааҭ еиҳауп ҵыԥх аасҭа.

Аԥсны Афинансқәа рминистрра иазыԥхьагәанаҭоит 2019 ықәса рзы абиуџьет алагала миллиардбжк ала аизырҳара.

"2019 шықәса рзы абиуџьет иалалеит ахатә хашәалақәа х-миллиардки 169 миллион мааҭ. Ари ҵыԥхтәи ашықәс иаҿырԥшны 266 миллион мааҭ рыла еиҳауп", - иҳәеит аминистр.

Нанба иазгәеиҭеит, урыстәылатәи ацхыраара аҟнытә абри аамҭақәа рзы абиуџьет ишалалахьо ҩ-миллиардки 905 миллион мааҭ.

Ашәахтәқәеи аизгақәеи рзы аминистр ихаҭыԥуаҩ Геннади Арӡынба иҳәеит Гагратәии Гәдоуҭатәии араионқәа рҿы ада егьирахь аплантә рбагақәа нагӡоуп ҳәа.

Аҳәынҭқарратә ҳазалхратә еилакы ахантәаҩы Беслан Ҵнариа еиҭеиҳәеит аамзы рыла адәныҟахәаахәҭратә еикәшара ишартәаз 16,5 миллиард мааҭ. Ари 1,7 миллиард мааҭ рыла еиҳауп ҵыԥх аасҭа.

"Аекспорт 4 миллиард мааҭ артәеит, ҵыԥх– 3,2 миллиард мааҭ, аимпорт – 12,5 миллиард мааҭ, 2018 шықәса рзы - 11,6 миллиард мааҭ. Атауареикәыршара ҵыԥх иаҿҳарԥшуазар 11,6% артәеит", - иҳәеит Ҵнариа.

Аҳәынҭқарратә биуџьет 2019 шықәсазтәи Апарламент аҿы ирыдыркылеит ԥхынҷкәын 28, 2018 шықәсазы.

32

Даур Ақаҩба Аԥсны Адәныҟатәи аусқәа рминистрс дҟаҵоуп

2
(ирҿыцуп 15:14 15.07.2020)
Даур Ақаҩба Аԥсны Аҳәынҭқарра Адәныҟатәи аусқәа рминистрс дыҟан 2016 шықәса жьҭаарамза аахыс.

АҞӘА, ԥхынгәы 15 - Sputnik. Аԥсны ахада Аслан Бжьаниа аусԥҟа инапы аҵаиҩит Даур Ақаҩба Аԥсны Адәныҟатәи аусқәа рминистрс иҟаҵаразы ҳәа аанацҳауеит ахада исаит.

Даур Вадим-иԥа Ақаҩба диит хәажәкыра 15, 1979 шықәса рзы Аԥснытәи АССР Аҟәа ақалақь аҿы.

2000 шықәса рзы Башкиртәи аҳәынҭқарратә университет, "Азиндырратә" факультет далгеит (азанааҭ – "адәныҟатәи економикатә усура азинтә еиқәыршәара").

1995-2000 шш. – ареферент, Ареспублика Башкортостан аҿы Аԥсны Ахаҭарнакраҿы абжьгаҩ.

2000-2009 шш. – Ареспублика Башкортостан аҿы Аԥсны Аҷыдалкаатә Зинмчы змоу ахаҭарнак.

2005-2006 шш. – Аԥсны Адәныҟатәи аусқәа рминистрраҿы жәларбжьаратәи аҟәша аиҳабы.

2006-2010 шш. – Аԥсны Адәныҟатәи аусқәа рминистр ихаҭыԥуаҩ.

2010-2011 шш. – Аԥсны Аминистрцәа Реилазаара Аппарат аиҳабы.

2012 шықәса лаҵарамза инаркны абҵарамзанӡа – Аԥсны иҷыдоу аҭагылазаашьақәа рзы Аусбарҭа азинтә ҟәша аиҳабы.

2012-2014 шш. – Урыстәылатәи Икоммерциатәым Афонд "Институт Евразийских исследований" анапхгаҩы ихаҭыԥуаҩ.

2014 шықәса – Аԥсны Ахада ипротокол Аусбарҭа аиҳабы.

2016 шықәса жьҭаарамза инаркны – Аԥсны Адәныҟатәи аусқәа рминистр.

2

Бжьаниа Аԥсни Урыстәылеи рҳәаа ахысразы иҟоу аԥкрақәа ирыциҵеит ԥхынгәы 21 рҟынӡа

33
(ирҿыцуп 13:32 15.07.2020)
Аԥсны Ахада аҳәааҿы аԥкрақәа рыҿҳәара анахаразы аусԥҟа инапы аҵаиҩит Ауааԥсыра акоронавирус рацәыхьчаразы акоординациатә штаб иаднакылаз аӡбамҭа инақәыршәаны.

АҞӘА, ԥхынгәы 15 - Sputnik. Аԥсны ахада Аслан Бжьаниа Аԥсни Урыстәылеи рҳәаа ахысразы иҟоу аԥкрақәа ирыциҵеит ԥхынгәы 21 рҟынӡа, абри атәы аанацҳауеит атәыла ахада ипресс-маҵзура.

Адырраҭараҿы иазгәаҭоуп аԥсуа ган аурыс-аԥсуа ҳәаа ахысразы иҟоу аԥкрақәа раԥыхра алзыршо ажәалагалақәа шышьақәнаргылаз.

Урыстәыла аиҳабыра рхада Михаил Мишустин ихьӡала ашәҟәы нашьҭуп Аԥсны аҳәааҟны аԥкрақәа рахыхра шрылшо, иахәҭоу асанитар-епидемиологиатә усмҩаԥгатәқәа ирықәныҟәозар.

Уажәазы аҩганк реиҳабырақәа рхаҭарнакцәа злахәу аилацәажәарақәа мҩаԥысуеит аҳәааҟны аԥкрақәа раԥыхра алзыршо еицырзеиԥшу аӡбамҭа рыдыркыларц азы.

Ԥхынгәы 3 рзы имҩаԥысуаз апресс-конференциаҟны Аслан Бжьаниа иазгәеиҭеит аҳәаа аартра аепидемиологиатә ҭагылазаашьа ишадҳәалахо, Аԥсны аҳәаа аартра ишазыхиоу, аха атәылақәа рыҩба аамҭак ала рус еиқәдыршәар шакәу.

Урыстәыла ԥхынгәы 15 инаркны иаԥыхуп ихымԥадатәиу ҩымчыбжьатәи акарантин атәылахь иалало рзы.

Аԥсны ауааԥсыра акоронавирус рацәыхьчаразы аштаб адыррала, ареспубликаҿ 38 чымазара хҭыс ыҟан, урҭ рҟынтәи 37-ҩык ргәы бзиахеит, аӡәы лыԥсҭазаара далҵит.

Иахьатәи аамҭазы Аԥсны Аҳәынҭқарраҟны акоронавирустә инфекциа зыхьуа ҳәа аӡәгьы дыҟаӡам.

Иара убас шәаԥхьар ҟалоит:

33