Фестиваль Рифмы на Рице

Афестиваль "Риҵаҿ арифмақәа" хыркәшахеит

36
Афестиваль "Риҵаҿ арифмақәа" хықәкны иамоуп аԥсуеи адыгеи жәларқәа рбызшәеи ркультуреи реиқәырхара, алитераторцәа реинырра.

АҞӘА, цәыббра 20 – Sputnik, Бадрак Авидзба. Афестиваль "Риҵаҿ арифмақәа" РУСДРАМ аҟни аӡиа Риҵаҿи имҩаԥысуан цәыббра 18-19 рзы ҳәа Sputnik иазеиҭалҳәеит апроект автор Зарина Канукова.

"Ииасыз ашықәс азы афестиваль азкын адыга шәҟәыҩҩы, аҵарауаҩ Заур Налоев ирҿиамҭа. Иажәеинраалақәа ирыԥхьон аоригинал абызшәеиԥш аԥсышәалагьы", - еиҭалҳәоит Канукова.

Сынтәа афестиваль Фазиль Искандер ирҿиамҭа иазкуп. Искандер ихьӡ зху атеатр аҿы ахәылԥаз аадыртит ашәҟәыҩҩы ду иажәеинраалақәеи ирҿиамҭақәа рцыԥҵәахақәеи рыла. Атеатр иҩныҩуан аурыс, аԥсуа, адыга бызшәақәа рыла Искандер иажәеинраалақәа.

"Искандер иажәеинраалақәа адыга бызшәахь еиҭаргеит алитератор ҿарацәа: Лиудмила Хавжокова, Залина Шомахова, Лаура Мокова, Зарема Куготова. Сгәаанагарала ицәгьамкәангьы ирықәҿиеит", - лҳәеит Канукова.

Афестиваль "Риҵаҿ арифмақәа" актәи амш РУСДРАМ аҟны имҩаԥган. Ахәылԥаз Фазиль Искандер ирҿиамҭа иазкын. Ахәылԥаз аадыртит ашәҟәыҩҩы ду иажәеинраалақәеи ирҿиамҭақәа рцыԥҵәахақәеи рыла.

"Афестиваль аҩбатәи амш аалыртит афестиваль адиректор Лиубов Сосналиева. Лара иазгәалҭеит аԥсуа-адыга фестиваль традициак аҳасаб ала ишьақәгылап ҳәа дшеигәыӷуа", - лҳәеит апроект автор.

Актәи амш аҽнеиԥш аҩбатәи амш аангьы ахәылԥаз иалахәын: Ҟабарда-Балкариатәи актиорцәа Олег Гусеинови Џьамал Теунови, иара убасгьы РУСДРАМ актиорцәа Џьамбул Жорданиа, Милана Ломиаԥҳа, Емиль Петров.

Афестиваль мҩаԥысуеит Аԥсны акультуреи аҭоурых-культуратә ҭынха ахьчареи рзы аминистрра адгыларала, Аԥсны Афырхаҵа Сулҭан Сосналиев иԥшәмаԥҳәыс Лиубов Сосналиевеи, ашәҟәыҩҩы, ажурналист Зарина Кануковеи раԥшьгарала.

Иара убас шәаԥхьар ҟалоит:

36

Чаблахԥҳа иаԥшәымадоу алақәа рызҵаара аӡбашьазы: ус дууп, зегь ҳзы ибзиоуп

20
Гагра араион Алаҳаӡы ақыҭан инхо Хамида Чаблахԥҳа арадио Sputnik аефир аҟны арубрика "Раионк аԥсҭазаараҟынтә" аҿы еиҭалҳәеит иаԥшәымадоу алақәа рызҵааразы араион аҟны аҭаагылазаашьа зеиԥшроу.
Раионк аԥсҭазаараҟынтә: Чаблахԥҳа иаԥшәымадоу алақәа ртәы

Гагра арион ахада инапынҵақәа назыгӡо Иури Хагәышь лаҵара 27 рзы аилацәажәара мҩаԥигеит иаԥшәымадоу алақәа рызҵаара иазкны. Уи аҟны аӡбамҭа рыдыркылеит араион аҟны иҟоу иҷыдоу алақәа рыԥхьарҭахь инаргаларц хылаԥшра змам аԥстәқәа.

"Аилацәажәараҟны ирыӡбаз аус бзиоуп. Шьҭа хәышықәса ҵуеит алақәа рааӡарҭа "Топа" аиҳабы Саида Оҭырԥҳа ари имариам аус лнапы алакуижьҭеи. Лара илыбзоураны 700 инареиҳаны алақәа Аԥсны анҭыҵҟа ишьҭуп, аԥшәмацәа рзыԥшаауп. Ааӡарҭаҟны 180 рҟынӡа алақәа ыҟоуп, аҭыԥ азхаӡом. Гагра ақалақь аӡәгьы итәымкәа иалоу алақәа маҷым, ари аҭагылазаашьа ҽеим ҳара ҳзеиԥш, дара алақәа рзгьы, ауадаҩрақәа рацәаны иацуп ари азҵаара. Амҩа иану алақәа амла иакуеит, амашьынақәа ирыҵалоит, ауаа ирзыҭрысыр ҟалоит, ишәарҭоуп, аха рышьра иашам, игәнаҳароуп ҳәа сыԥхьаӡоит. Ари азҵаара даҽа ӡбашьак амоуп - алақәа мшьӡакәа ааӡарҭахь рышьҭра. Уи иахьадгылаз Гагра ахадара иҭабуп ҳәа расҳәоит, ааӡарҭа ацҵара ацхыраара ахьарҭо азы. Ари ус дууп, зегьы ҳзы ибзиоуп", - лҳәеит Чаблахԥҳа.

Шәазыӡырҩы аудио. иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

20

Аԥсны анапхгара акурсантцәа рҵараиурҭақәа рахь рыхынҳәраҿ ирыцхраауеит

13
Ауааԥсыра акоронавирус рацәыхьчаразы Акоординациатә штаб аилатәара мҩаԥысит лаҵара 28 рзы Аминистрцәа реилазаараҿы.

АҞӘА, лаҵара 28 – Sputnik. Аԥсны анапхгара акурсантцәа рҵараиурҭақәа рахь рыхынҳәраҿ ирыцхраауеит иҳәеит аԥыза-министр Александр Анқәаб ауааԥсыра fкоронавирус рацәыхьчаразы Акоординациатә штаб аилатәараҿы.

Аԥыза-министр иазгәеиҭеит аҭаацәа абилеҭқәа раахәараҿы ауадаҩрақәа роур алшоит ҳәа.

"Владимир Валери-иԥа (Делба, Афинансқәа рминистр – аред.) иарбан цхыраароу иҟаҳҵар ҳалшо. Зынӡа ишәцәыуадаҩхар, абизнесуаа еизыргаз аҟынтәи инхаз иахаҳхып ма даҽаџьара аҳәара ҟаҳҵап, аҭаацәа ауадаҩра иақәаҳмыршәарц", - иҳәеит иара.

Атәылахьчара аминистр актәи ихаҭыԥуаҩ Беслан Ҵәыџьба иҳәеит акурсантцәа Аԥсны рыҟазаара аҿҳәара рашәара 5-10 рзы ишынҵәо.

Аха дара Урыстәыла ҩымз аҽыԥхьакратә режим иахьахысызи Аԥсны акарантин иахьахысызи Атәылахьчара аминистрра Урыстәыла Атәылахьчара аминистррахь аҳәаратә шәҟәы архиоит урҭ маҷк ихьшәаны аҵараиурҭақәа рахь инеирц, иаҳҳәозар, рашәарамза анҵәамҭазы.

"Аҭаацәарақәагьы абилеҭқәа рыхәԥса ршәартә аҭагылазаашьа ыҟам. Убри азы рашәара 1 азы ашәҟәы ҳашьҭуеит. Иахьазы акурсантцәа 268-ҩык ыҟоуп", - иҳәеит иара.

Иара убас шәаԥхьар ҟалоит:

13