Амчреи аоппозициааи рыдгылаҩцәа реизарақәа ҭынчрыла имҩаԥысуеит
(ирҿыцуп 15:04 20.09.2019)
Амчыбжь аҩныҵҟа хымшуп Аԥсны ахада Рауль Ҳаџьымбеи аоппозициаа рхада Алхас Кәыҵниеи рыдгылаҩцәа аҳҭнықалақь аҿы еизоижьҭеи.АҞӘА, цәыббра 20 - Sputnik. Цәыббра 20 рзы атәыла ахада Иусбарҭа аҿаԥхьа 200-ҩык инарзынаԥшуа идгылаҩцәа еизаны иҟоуп ҳәа ааицҳауеит Sputnik Аԥсны акорреспондент.
©
Sputnik / Сария Кварацхелия
Иара убри аҟара ауаа еизаны иҟоуп аоппозициа ахада Алхас Кәыҵниа иганахьалагьы. Урҭ ақалақь апаркқәа руак аҿы игылоуп.
Ауаа азыԥшуп Иреиҳаӡоу Аусӡбамҭа алкаақәа.
Ауаа рацәа анахьгьы арахьгьы еизаны ишыҟоугьы зегь ҭынчрала имҩаԥысуеит. Атәыла ахада Иусбарҭахь инагоуп азинмчратә органқәа русзуҩцәа.
Цәыббра 20 рзы Аԥсны Иреиҳаӡоу Аусӡбарҭа аусура иаҿуп Алхас Кәыҵниа ишшыԥхьыӡ инамаданы.
Иацтәи аилатәараан ирзыӡырҩын аҭакҳәаҩи ашаҳаҭцәеи, аха аҩыратә рҵабыргыгақәа рыҭҵаара иахьымӡеит.
©
Sputnik / Бадрак Авидзба
Амчреи аоппозициааи рыдгылаҩцәа реизарақәа ҭынчрыла имҩаԥысуеит
Иара убас шәаԥхьар ҟалоит:
- Иреиҳаӡоу аусӡбарҭаҿы иалагеит Алхас Кәыҵниа ишшыԥхьыӡ ала аӡбаҩцәа реилатәара
-
Азиндырыҩ: аусӡбара ахада иҭоубашьҭаҵара иаԥырхагам
Ҷыҭанаа аԥсқьарцәа рзы: знык лахь рыуҭар, ус еиԥш уаҳа иргәамԥхо иҟалароуп
(ирҿыцуп 22:04 04.06.2020)
Аекологиазы Аҳәынҭқарратә еилакы аиҳабы Савели Ҷыҭанаа арадио Sputnik аефир аҟны еиҭеиҳәеит аԥыза-министр актәи ихаҭыԥуаҩ Беслан Џьапуа аекологиа азҵаарақәа рзы имҩаԥигаз аилацәажәараҟны ишьҭыхыз азҵаарақәа ртәы.Ҷыҭанаа аԥсқьарцәа рзы: знык лахь рыуҭар, ус еиԥш уаҳа иргәамԥхо иҟалароуп
Рашәара 4 рзы Аԥсны аԥыза-министр актәи ихаҭыԥуаҩ Беслан Џьапуа имҩаԥигаз аилацәажәара иалахәын Аҵиаақәа рзы аҳәынҭқарратә карантинтә хылаԥшра амаҵзура аиҳабы Аркади Џьынџьиа, Аҳәынҭқарратә ветеринартә маҵзура аиҳабы Роман Џьапуа, Ақыҭанхамҩа аминистрра аҵиақәа рыхьчаразы амаҵзура аиҳабы Владимир Гьериа.
"Аиԥылараҟны ҳрылацәажәеит аԥсыӡкра аамҭа аекологиазы ԥырхагас иаму, азауадқәа русушьа, Аԥсны аӡиасқәа ирҭоу аԥсыӡ шыркуа атәы. Ааигәа иҟан ахҭыс аекологиа аԥхасҭа азҭо акаҭала аԥсыӡкра иадҳәалаз. Азакәан аилагара заҭәазшьаз иахьырхәразы иҟаҵоу, аԥхьаҟа иҟаҳҵ, лшарас иҳамоу ҳрылацәажәеит. Аилагарақәа ҟаӡҵо ирыду ахараԥса маҷуп, уи аизырҳра, хымԥада, иаҭахуп. Знык лахь зуҭаз, даҽазны ус еиԥша игәамԥхо дҟалароуп. Ус акәымкәа, уажәы иҟоу ахараԥса шәаны, даахьаҳәны даҽаџьара дцоит, даҽазны сааныркылар акгьы амам, исшәоит ҳәа. Ҳалацәажәеит агәамсам азҵаарагьы, аекологиа апроблемақәа актуалра зҵоу шьҭыхын",- иҳәеит Ҷыҭанаа.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
Иара убас шәаԥхьар ҟалоит:
- Ҷыҭанаа аԥсыӡкраан иҟоу афҩы цәгьа азы: азауадқәа рҿаԥхьа зҵаара ықәгылахар алшоит
-
Габлиа агәамсам азы: ауаа рыхдырра хьысҳахеит
-
Кәыҵниа аԥсқьарра иазкны: угәы иамыхәо Аԥсны ихҭакны ирымоуп
Ажьиԥҳа еиҭалҳәеит Гагра араион азы аҵарашықәс зеиԥшраз, уи ахарҭәаашьа шылбо
(ирҿыцуп 22:42 04.06.2020)
Гагра араион аҵара аҟәша аиҳабы Мадина Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭалҳәеит сынтәа шаҟаҩы аушьҭымҭацәа рымоу, онлаин аҵара дшазыҟоу, актәи акласс аҵаҩцәа зхысуаз апрограмма инагӡаны рызнагаразы мҩас илбо атәы.Раионк аԥсҭазаараҟынтә: Ажьиԥҳа апандемиа аан аҵаратә процесс иазкны
Гагра араион аҟны сынтәа ашколқәа роушьҭымҭацәа 256-ҩык ыҟоуп, урҭ рахьынтә ҩыџьа хьтәы медалла рҵара хдыркәшоит ҳәа изықәгәыӷуа роуп.
Шәазыӡырҩы аудио.
Иара убас шәаԥхьар ҟалоит:
- Мадина Ажьиԥҳа: аԥҳәыс лзы, арҵаҩы изанааҭ аасҭа иманшәало ыҟам
-
Арышԥҳа ашкол аушьҭымҭацәа ҩымчыбжьатәи рҵаразы: аԥышәарақәа рҽырзыҟарҵароуп