Пресс-конференция Молодежь Абхазии и России: развития добрососедских отношений

Sputnik аҟны Аԥсныи Урыстәылеи рҿар рыпроект иалацәажәеит

31
(ирҿыцуп 14:20 03.10.2019)
Краснодар атәылаҿацә-уаажәларратә ҿартә еиҿкаара "Аҿартә аԥшьгамҭақәа рмаҵзура" Аԥсны иааны иҟоуп жьҭаара 2-5 рзы апроект "Агәылеимабзиаратә еизыҟазаашьа аҿиара аҵакыра" анагӡаразы.

Жьҭаара 3 асааҭ 9:30 рзы Sputnik Аԥсны амультимедиатә пресс-центр аҿы имҩаԥгахоит апресс-конференциа "Аԥсныи Урыстәылеи рҿар: Агәылеимабзиаратә еизыҟазаашьа аҿиара".

Бадраҟ Аҩӡба, Sputnik

Аԥсны иҟоу Россотрудничество ахаҭарнакра анапхгаҩы Вадим Чеха иазгәеиҭеит Краснодартәи атәылаҿацә егьырҭ Урыстәыла арегионқәа ираԥнагоит Аԥсны анырраҿы ҳәа.

"Даара исҭахуп Аԥсны арегионалтә органқәеи амуниципалтә еиҿкаарақәеи апроектқәа аздырхиарц Урыстәыла арегионқәа аус рыцуразы. Ҳара ҳганахь ала ацхыраара еснагь ҳазыхиоуп", - иҳәеит иара.

Краснодар атәылаҿацәтә уаажәларратә ҿартә еиҿкаара "Аҿартә аԥшьгамҭақәа рмаҵзура" ахантәаҩы Александр Пилипенко иҳәеит Аԥсныи Краснодартәи атәылаҿацәи ргеографиатә еизааигәара азгәаҭаны реиныррагьы еизааигәазароуп ҳәа.

"Ҳаиҿкаара Аԥсны аус ауеижьҭеи хышықәса ирықәуп. Уи адагьы сара наԥшҩык иҳасаб ала атәыла ахада иалхрақәа срылахәын. Абри ахышықәса аус ҳацнауеит Аԥсны иҟоу Россотрудничество ахаҭарнакра. Арҭ аамҭақәа ирылагӡаны аинырра бзиа ҳамоуп Аҵара аминистрреи ареспублика аҵаратә усҳәарҭақәеи ҳареи", - еиҭеиҳәеит иара.

Сынтәа апроект апрограмма аԥсихологиа, аполитологиа, ауаа рҿаԥхьа ақәгыларақәа русхк аҟны аҟазауаа рыла ирӷәӷәоуп.

"Ҳара ҳзы акраҵанакуаны иҟоуп ҳаинырра аҿиара аиура. Ииасыз ашықәс азы ҳаиҿкаара атәыла ахада игрантқәа рҳәаа иҭагӡаны апроект ахьчеит, уи инақәыршәаны Аԥснытәи аделегациа ҳадаҳкылеит. Ауснагӡатә аамҭаан иит аидеиа ҿыц - Урыстәыла-Аԥснытәи жәларбжьаратәи аҿар реиҿкаара аԥҵара. Уажәы ҳара иалаҳкаауеит аԥсуа ҿар, ззы апроект аинтерес аҵаны иҟоу", - азгәеиҭеит Пилипенко.

Апроект "Агәылеимабзиаратә еизыҟазаашьа аҿиара аҵакыра" апрограмма Аԥснытәи аҳәынҭқарратә университет аҟны иацҵахоит. Апроект алахәыла, афилологиатә ҭҵаарадыррақәа адоктор, апрофессор Тангир Кизларгуль аурыс бызшәазы алекциақәа дрыԥхьараны дыҟоуп.

"Сара салацәажәоит аурыс бызшәа иахьа иамоу аиҭакрақәа ртәы, атәымбызшәаәт лексика аурыс бызшәа алалара атәы. Салацәажәоит агәаанагара аҳәашьа, ауаа рацәа раԥхьа ацәажәашьа", - лҳәеит лара.

Лара убасгьы азхьаԥшра алҭоит милаҭбжьаратә еилибакаарак аҳасаб ала аурыс бызшәа ароль.

Асоциологиатә наукақәа ркандидат, Москватәи аҳәынҭқарратә университет асоциологиеи аполитика аԥсихологиеи ркафедра адоцент Иван Палитаи иазгәеиҭеит аҿар уаҵәтәи амш ԥеиԥшны иазыҟоу шракәу.

"Иҟалоит иахьатәи аҿар рҟынтәи 15-20 шықәса рышьҭахь атәыла ианапхгаҩцәахо, аиҳабыра ирхадахо. Урҭ рҵарадырра зыбӷа иқәу ҳара ҳауп", - иҳәеит иара.

Краснодар атәылаҿацәтә уаажәларратә ҿартә еиҿкаара "Аҿартә аԥшьгамҭақәа рмаҵзура" ахантәаҩы Александр Пилипенко иҳәеит аиҿкаара аусура анаркоманиеи арыжәтәыжәреи ирыдҳәало апроблемақәа рыӡбра ишадҳәало.

Ҿырԥштәны иааигеит апроект "Арыжәтә зымжәуа Урыстәыла", иҳәеит абри аҩыза апроект Аԥсынгьы аусура иаларгазар шауа.

Аԥсныи Урыстәылеи рҿар рҽеидыркылароуп рҿаԥхьа игыло апроблемақәа рыӡбразы.

"Россотрудничество" ахаҭарнакра анапхгаҩы Вадим Чеха иазгәеиҭеит аҿар адгылара рыҭара зегь еицырзеиԥшу усуп ҳәа.

Александр Пилипенко амаҵзура Sputnik Аԥсны анапхгаҩы Руслан Бганбеи аиҿкаара апресс-маӡаныҟәгаҩ Илона Авиловеи аҳаҭыртә шәҟәқәа рнапы иаиркит апроект "Агәылеимабзиаратә еизыҟазаашьа аҿиара аҵакыра" аинформациатә мҩаԥгара ахьеиҿыркааз азы.

31
Кран

Нанҳәа 12 аҽны Аҟәа ахәҭак ӡыда иаанхоит

2
(ирҿыцуп 20:24 11.08.2020)
АУН "Аӡыканал" аремонттә усурақәа мҩаԥнагараны иҟоуп Аҟәа, Арӡынбеи Ажәанбеи рымҩақәа рҟны, нанҳәа 12 аҽны.

АҞӘА, нанҳәа 11 - Sputnik. Нанҳәа 12, ахашаҽны асааҭ 00:00 инаркны 22:00 сааҭ рҟынӡа Аҟәа ахәҭак  ӡыда иаанхоит, ҳәа аанацҳауеит АУН "Аӡыканал".

Аӡы ҟалаӡом:

  • Ажәытә ҳабла
  • Колос
  • авокзал
  • ақалақь агәы
  • ВИЕМ
  • Адыгеиаа рымҩа

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

Иара убас шәаԥхьар ҟалоит:

2

Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

1
Белоруссиа алхрақәа рышьҭахь ишьақәгылаз аҭагылазаашьа атәы арадио Sputnik Аԥсны иазеиҭалҳәеит Барановичи инхо ҳџьынџьуаҩ Мзиа Кәыркәнааԥҳа.
Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

Нанҳәа 9 рзы Белоруссиа имҩаԥысит атәыла ахада иалхрақәа. Алхырҭатә ҭыԥқәа анадыркы ашьҭахь аҿагыларатә акциақәа ирылагеит. Абарҭ акциақәа раан иаанкылан урыстәылатәи ажурналистцәагьы.

"Хәылбыҽхала аҿар адәахьы ицәырҵны алхрақәа рлыҵшәа аҿагылара арҭоит, иқәԥоит. Ашьыжь зегьы бзиоуп, аусурақәа рахь ицоит, анаплакқәа русура аанкылам, зегьы аус ауеит. Ауаажәларратә транспорт зегьы аус ауеит. Аиҿагыларақәа мҩаԥысуеит Барановичи, Брест, Минск, Гомель уҳәа белоруссиатәи ақалақьқәа рҿы. Сгәыла ахәылбыҽха дахьдәылҵыз дҭаркит, уажәгьы лыхабар ыҟам, ҳара ҳшәаны аҩны ҳтәоуп, ҳдәылҵӡом, аӡәгьы дахәаԥшзом, аҿагылара иалаху иалахәыму ҳәа, зегьы кны иргоит", - еиҭалҳәеит Кәыркәнааԥҳа.

Белоруссиа аҳҭнықалақь аҟны ҩымш ҵуеит зиншьаҭада аҿагыларатә акциақәа ирылагеижьҭеи, акциақәа ирылахә ахада иалхрақәа рылҵшәақәа иазыразым. Александр Лукашенко 80% алхыҩцәа рыбжьы ирҭеит. Аҿагылара ҟазҵози азинхьчаратә органқәа русзуҩцәеи еиҿанагалеит. Минск агәҭа абаррикадақәа ргылан. Амилициа рхы иадырхәеит аӡыршәгақәа, агаз. Иҟоуп ааха зауны ахәышәтәырҭахь инанагаз. Минск агәҭа еизаз иаанкылоу ауаа амилициаа ирыцрырҟьарц рҽазыршәеит. Азинхьчаҩцәа ражәақәа рыла аӡәы дҭахеит.

Иара убас шәаԥхьар ҟалоит:

1