Аҩнатәԥстәқәа ашьапархьи ажәзҩеи рҟынтәи алаҵа рзыҟарҵоит

21
(ирҿыцуп 14:53 08.10.2019)
Ашьапархьи ажәзҩеи рҟынтәи алаҵа адагьы ареспублика аҳәынҭқарратә ветеренартә маҵзура имҩаԥнагараны иҟоуп аԥстәи аԥсасеи ргәабзиара аҭҵаара.

АҞӘА, жьҭаара 8 – Sputnik, Бадраҟ Аҩӡба. Сынтәа, ҭагалан аҩнатәԥстәқәа ашьапархьи ажәзҩеи рҟынтәи алаҵа рзыҟарҵоит ҳәа Sputnik Аԥсны иазеиҭеиҳәеит ареспублика аҳәынҭқарратә ветеренартә маҵзура аиҳабы Роман Џьопуа.

"Ажәзҩа аҟынтәи аԥстәи аԥсасеи шықәсык ахь знык алаҵа рзыҟарҵоит. Апроцесс ҳазҭо амзазы амҩаԥгара ҳалагоит. Зегьы аҳауатә ҭагылазаашьа иахьырԥштәхоит", - иҳәеит иара.

Аԥсны аҳәынҭқарратә ветеренартә маҵзура аиҳабы Роман Џьопуа иҳәеит Аԥсны аҩнатәԥстәқәа ажәзҩа рымоуп ҳәа изныкымкәа ашәарҭара ыҟаны ишацәшәахьаз аха уи шьақәырӷәӷәамхеит.

"Ус шакәугьы алаҵа ҟаҵалатәуп ашәарҭара аҽацәыхьчаразы. Ари ачымазара аҭыԥ аман ииасыз ашәышықәса 80-тәи ашықәсқәа раан" ҳәа иҳәеит Роман Џьопуа.

Есышықәса ажәзҩа алаҵаҟаҵара аламҭалаз араионқәа рхадарақәа рҿы аизарақәа мҩаԥыргоит. Аветеранартә ҳақьым ирылеиҳәоит алаҵа амҩаԥгара ишалаго.

"Аизарақәа рҟны ақыҭақәа рхадацәа ҟалоит. Ишьақәдыргылоит асианҵа аамҭала еихшаны. Ақыҭауаа ирылаҳәатәуп алаҵаҟаҵара ишалаго, арыцхәқәа арбаны. Уи ашьҭахь аҟазауаа ауааԥсыра ирылалоит рнапынҵа анагӡаразы", - иҳәеит иара.

Ажәзҩа адагьы алаҵа ҟаҵатәуп ашьапархь аҟынтәгьы ҳәа иҳәеит Роман Џьопуа.

"Ашьапархь азы алаҵа мҩаԥган сынтәа, ааԥынразы гали Тҟәарчали араионқәа рҿы", - иҳәоит иара.

Ашьапархьи ажәзҩеи рҟынтәи алаҵа адагьы ареспублика аҳәынҭқарратә ветеренартә маҵзура имҩаԥнагараны иҟоуп аԥстәи аԥсасеи ргәабзиара аҭҵаара.

Иара убас шәаԥхьар ҟалоит:

 

21

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

18
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

18

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау