Ҳара ҳфырхацәа аҟны еиндаҭлоз ириааиз адипломқәа рырҭеит

"Ҳара ҳфырхацәа" аҟны еиндаҭлоз ириааиз адипломқәа рырҭеит

15
(ирҿыцуп 09:51 09.10.2019)
Жәларбжьаратәи аиндаҭлара "Ҳара ҳфырхацәа" иалахәын жәеиза тәыла рҟынтәи 13 000-ҩык ахәыҷқәа. Аиааира згаз жьҭаара 16 инаркны абҵара 7 рҟынӡа ахәыҷтәы лагер "Артек" ахь ицоит.

АҞӘА, жьҭаара 9– Sputnik, Асмаҭ Ҵәыџьԥҳа. Жәларбжьаратәи аиндаҭлара "Ҳара ҳфырхацәа" аҟны аиааира згаз адипломқәа рыҭара ацеремониа мҩаԥысит жьҭаара 8 рзы "Москва Аҩны" аҿы.

Церемония вручения дипломов победителям международного конкурса Наши герои из Абхазии в Доме Москвы
© Sputnik / Асмат Цвижба
"Ҳара ҳфырхацәа" аҟны еиндаҭлоз ириааиз адипломқәа рырҭеит

Жәларбжьаратәи аиндаҭлара "Ҳара ҳфырхацәа" аԥҟаррақәа рыла 7-10 аклассқәа рҵаҩцәа иаздырхиар акәын Аԥсны аиааиреи ахьыԥшымреи иазықәԥоз афырхацәа ирызку аусумҭақәа. Аԥсны иҟоу Россотрудничество аиҳабы Вадима Чеха ишиҳәаз ала аԥснытәи ашколхәыҷқәа реиҳараҩык ражәабжьқәа рызкын Аџьынџьтәылатә еибашьра дуӡӡеи Аԥсны Аџьынџьтәылатә еибашьреи рлахәылацәа.

"Аконкурс иаҵанакуан ИАР атәылақәа зегьы. Аԥснытәи ахәыҷқәа русумҭақәа акала урцәыԥхашьо иҟамызт. Ари аиндаҭлара иаанарԥшуеит ҳҭоурых шаҳдыруа, ишаҳхамшҭуа", - иҳәеит Чеха.

Аԥсны ахьӡала аиндаҭлара иалахәын 20-ҩык. Урҭ зегьы Россотрудничество аҿы адипломқәеи аҳаҭыртә шәҟәқәеи ранашьан. Афинал ахь инеиит гагратәи абжьаратә школ №4 аҵаҩы Мадлена Микелбеи аҟәатәи абжьаратә школ №5 аҵаҩы Дариа Ситниковои.

Мадлена Микелба далацәажәеит Лыхны ақыҭа иалҵыз аби аԥеи Уанаҿаа рҭоурых: аб Актәи адунеитә еибашьра далахәын, аԥа – Аџьынџьтәылатә еибашьра дуӡӡа.

"Аиашазы, аусумҭа азырхиара мариамызт, архивқәа ирҭаатәхеит, иԥшаатәхеит аинтерес зҵаз астатиақәа, афотосахьақәа", - лҳәоит лара.

Дариа Ситникова Аҟәатәи аԥрыҩцәа ротриад абортмҩаԥгаҩ Надежда Курченко лфырхаҵара атәы дазааҭгылеит.

"Сара акраамҭа сзыхцәажәаша дысзалхуамызт, аҵыхәтәаны Курченко лҟны саангылеит. Макьанагьы агәра сызгом иаиааииз рахь саҵанакит ҳәа" , - лҳәоит лара.

Жәларбжьаратәи аиндаҭлара "Ҳара ҳфырхацәа" ИАР атәылақәеи Аԥсныи Аахыҵ Уаԥстәылеи 7-10 аклассқәа рҟны итәоу ашколхәыҷқәа ирзырхоу проектуп. Аицлабра аиҿкааҩцәа ражәақәа рыла 2019 шықәса рзы иара рҽаладырхәит 11 тәыла рҟынтәи 13000-ҩык ахәыҷқәа.

15

Ҿыц иалху Апарламент адепутатцәа рнапынҵақәа рынагӡарахь ианиасуа атәы рҳәеит

4
(ирҿыцуп 19:12 14.07.2020)
Аԥсны имҩаԥысит Апарламент ахь аиҭалхрақәа. Аҭыԥ хадақәа ԥшьба рҟынтәи руак аҿы ҩаԥхьа аиҭалхра мҩаԥысраны иҟоуп.

АҞӘА, ԥхынгәы 14 - Sputnik, Ренат Ԥачалиа. Аԥсны АКХ ахантәаҩы Ҭамаз Гогьиа Sputnik иазеиҭеиҳәеит иалырхыз адепутатцәа рнапынҵақәа рахь ииасыр анрылшо атәы.

Ацентртә алхратә комиссиаҿы абжьыҭара ашьҭахь бжьымш рыҩныҵҟала адепутатцәа ашәҟәы иҭарыҩуеит. Ашәҟәҭаҩра ашьҭахь адепутатцәа Аԥсны АКХ аӡбамҭаҟынтә алҩаа роуеит. Уи Апарламент ахь инаргоит. Уа имҩаԥгахоит иалху адепутатцәа азинԥҵаратә усбарҭа аилазаара ралаҵара апроцедура.

"Бзыԥҭатәи алхырҭатә ҭыԥ хадаҟны иҟалараны иҟоу аиҭалхра егьырҭ адепутатцәа русура анырра анаҭом", - ҳәа иҳәеит Гогьиа.

Гогьиа иҳәеит аус зуа азакәанԥҵара инақәыршәаны, Бзыԥҭатәи алхырҭатә ҭыԥ хада № 10 аҿы аиҭалхрақәа шымҩаԥысуа. Ҩымчыбжь рыҩныҵҟала АКХ алхрақәа ррыцхә шьақәнаргылоит.

Оҭҳаратәи ҭыԥ хадаҿы иалху Алмасхан Барцыц иҳәеит алхрақәа аиҩызаратә ҟазшьа рыманы имҩаԥган ҳәа.

"Алхраԥхьатә кампаниа зегьы соппоненти сареи еиҩызарыла имҩаԥаагеит. Аихшьаалақәа аныҟаҵаха Робестан Габлиа сиааира сыдиныҳәалеит, ақәҿиарақәа сзеиӷьеишьеит", - ҳәа иҳәеит иара.

Адепутат иҳәеит апандемиа инадҳәаланы Аԥсны ауааԥсыра ақыҭанхамҩахь ихьаԥшит, ари агәыгәҭажьра ҟалом ҳәа. Барцыц иажәақәа рыла,  Апарламент аҿы ақыҭанхамҩа аусхк иацхраауа апроектқәа адгылара риҭалоит.

Кындыӷтәи ҭыԥ хадаҿы иалырхыз Гарри Кокаиа иҳәеит ари аокруг аҿы егьырҭ ирҿырԥшны ауаа рнеира рекордтәын ҳәа. Иара изы зыбжьы зҭииз зегьы ҭабуп ҳәа реиҳәеит.

"Очамчыра идепрессиву раионуп ҳәа иԥхьаӡоуп, аха скомандеи сареи иаҳҭахуп иааҳарԥшырц араион иамоу алшара дуқәа", - ҳәа иҳәеит адепутат.

Аԥсны Жәлар Реизарахь алхрақәа мҩаԥысит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа.

Иара убас шәаԥхьар ҟалоит:

4

Какәыбаа: араион аҿы аспорттә секциақәа шаҟа ирацәоу аҟара, еиҳагьы еиӷьхоит

2
(ирҿыцуп 18:37 14.07.2020)
Гәылрыԥшь араион аспорткомплекс "Агәыӡера" аиҳабы Мурман Какәыбаа арадио Sputnik Аԥсны аефир аҿы еиҭеиҳәеит иарбан спортхкқәоу араион аҿы еиҳарак аҿиара змоу, насгьы ахәыҷқәа разыҟаҵаразы лшарақәас иҟоу атәы.
Раионк аԥсҭазаараҟынтә: Какәыбаа Гәылрыԥшь аспорткомплекс аусура иазкны

"Аспорткомплекс аус ауеит х-спортхкык рыла: ашьапылампыл, акарате, абокс. Ҳахәмарратә зал шьақәҳаргылеижьҭеи еиҭа ҩ-хкык ацаҳҵар ҳҭахуп - анапылампыли, амҵәышәымпыли. Ҳхәыҷқәа аихьӡарақәа рымоуп акарате аҿы, абокс аҿы. Ашьапылампыл акәзар, еиҳа ицәгьоуп, ахәыҷқәа макьана аԥышәа рымам. Рыхә-секциак анаартхалак 150-ҩык, 200-ҩык рҟынӡа ахәыҷқәа ҳадаҳкылартә еиԥш алшара ҳауеит. Асекциақәа шаҟа ирацәоу аҟара, ахәыҷқәа рзы еиҳа еиӷьхоит. Аспорткмплекс аҿы рҽазыҟарҵар ауеит 300-ҩык инарзынаԥшуа ахәыҷқәа сааҭ-сааҭла еихшаны. Азыҟаҵаҩцәа рганахьала ҳаиқәшәоуп, ахәыҷқәагьы бзиа ирбоит, рус иазҟазоуп", - ҳәа еиҭеиҳәеит Какәыбаа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

2