Инаугурация

Аԥсны Аҳәынҭқарра ахада иҭоубашьҭаҵара ацеремониа аартуп

54
(ирҿыцуп 14:08 09.10.2019)
Аԥсны Аҳәынҭқарра азакәанԥҵара инақәыршәаны ҿыц иалху атәыла ахада изинмчра хацыркхоит Аԥсны Апарламент адепутатцәеи Аконституциатә ӡбарҭа аӡбаҩцәеи алархәны иҭоубашьҭаҵара анымҩаԥигалак ашьҭахь.

АҞӘА, жьҭаара 9 - Sputnik. Аԥсны Аҳәынҭқарра ахада имаҵзураҭыԥ ахь инеиразы иҭоубашьҭаҵара ацеремониа аартуп.

Инаугурация президента Абхазии
© Sputnik / Томас Тхайцук
Инаугурация президента Абхазии

Рауль Ҳаџьымба имаҵура адкылара иазку ацеремониа иалахәхоит ареспублика ауаажәларратәи аполитикатәи усзуҩцәа, аҳәаанырцәтәи аделегациақәа.

Рауль Ҳаџьымба имаҵура адкылара иазку ацеремониа иалахәхоит сасцәақәак рыҳасаб ала Нхыҵ Кавказ аусқәа рзы аминистр Сергеи Чеботарев, Аҳәынҭқарратә Дума ахантәаҩ ихаҭыԥуаҩ Ольга Тимофеева, ИАР атәылақәа русқәа рзы Аҳәынҭқарратә Дума Аппарат анапхгаҩы Михаил Кротов, Аҳәынҭқарратә Дума адепутат Леонид Калашников, Ҟабарда-Балкариа ахада Иусбарҭа анапхгаҩы Мухамед Кодзоков, ҞБА аиҳабыра рхада ихаҭыԥуаҩ Салим Жанатаев, Ҟарачы-Черқьессиа апарламент аиҳабы ихаҭыԥуаҩ Мусса Екзеков, Калмыкиа ахада Бату Хасиков, ареспублика аиҳабыра рхантәаҩы Иури Заицев, Аҩада Уаԥстәыла –Аланиа аделегациа, ареспублика аконституциатә ӡбарҭа ахантәаҩы Станислав Кесаев инапхгарала. Ацеремониахь иааԥхьоуп Ашьха-Ҟарабахи Никарагуеи рделегациақәа.

Аҭоубашьҭаҵара амҩаԥысшьа ашьклаԥшра алшоит Sputnik Аԥсны Telegram-канал аҿы онлаин режим ала.

Аԥсны раԥхьаӡа акәны атәыла ахада иҭоубашьҭаҵара мҩаԥган 25 шықәса раԥхьа.

Аԥсны раԥхьатәи ахада ҳәа ихьӡ ҳәан Владислав Арӡынба.

Аԥсны ахада Аконституциа инапы нақәҵаны ҭоуба шьҭеиҵеит. Инапаҿы иркуп Аԥсны Аҳәынҭқарра амҳәыри абираҟи.

Иара убас шәаԥхьар ҟалоит:

 

54
Изготовление музыкальных инструментов

Арухаа аԥсуа жәлар рарҳәагақәа рыҟаҵаразы: еиқәырхатәыс исыдушәа збоит

12
Хәаԥ ақыҭан инхо, жәлар рарҳәага рыҟаҵара иазҟазоу Уасил Арухаа арадио Sputnik Аԥсны иазеиҭеиҳәеит иус имаздар зҭаху ауаа дышрышьҭоу.
Раионк аԥсҭазаараҟынтә: Арухаа аԥсуа жәлар рарҳәага рыҟаҵара иазкны

"Аԥсуа инструмент излауала аиқәырхара ҳаҿуп ҳәа сгәы иаанагоит. Уажәы ацех аргылара ҳаҿуп, убри аус ҳзыҟаҵар, аӡәык-ҩыџьак идсырбар сҭахуп уи иацу акәамаҵамарақәа зегьы. Сара сус дсырҵар сҭахуп уи азы агәаҳәара змоу ауаа, аха ус мчыла аӡәгьы дааумгозар, аԥсуа ҷкәын ихала дааины исҭахуп ҳәа иҳәараны дыҟаӡам. Исыдҵаало дҟалар, агәаԥхара изсыркуазар ҳәа сгәыӷуеит. Ахымаа, аҩымаа, ачамгәыр, аҿырпын, уҳәа иара ишақәнагоу ишьақәумыргылар, митәык абжьы ахылҵӡом. Ари схы аланыҟәызгоит ҳәа акәым сзаҿу, ус иагьыҟам, ари еиқәырхатәыс исыдушәа збоит", - ҳәа еиҭеиҳәеит Арухаа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

12

Акоронавирус ҳацны: Аԥсны сынтәатәи ааԥын шымҩаԥысыз

2
Уажәшьҭа ҩымз инареиҳаны иҵуеит акоронавирус алаҵәара ашәарҭара ахьыҟоу азы Аԥсны аԥкрақәа алагалоуижьҭеи.

Атәылауаа хәыҷы-хәыҷла аҽыԥхьакра арежим иҵыҵуа иалагеит, аха уеизгьы макьана атеатрқәа рахь изҵом, аконцертқәа изырҭаауам.

Атәылаҿы ауаа рацәа реизгара ҟалом, ачараура ҟалом, аха акаҳуажәырҭақәеи аҽырԥшӡарҭақәеи аартуп.

Аԥсны аиҳабыра аԥкрақәа рашәара 15 рҟынӡа ирнахеит.

Аԥсны апандемиа аамҭазы иаԥсҭазаашьоу атәы шәахәаԥшыр шәылшоит Sputnik авидеонҵамҭаҟны.

2