Инаугурация президента Абхазии

Аԥсны ахада Рауль Ҳаџьымба аҭоуба шьҭеиҵеит

72
(ирҿыцуп 14:07 09.10.2019)
Аԥсны Аҳәынҭқарра ахада имаҵзураҭыԥ ахь инеиразы иҭоубашьҭаҵара ацеремониа мҩаԥысуеит Аԥсны Аминистрцәа реилазаара азал ду аҟны.

АҞӘА, жьҭаара 9 - Sputnik, Бадри Есиава. Рауль Ҳаџьымба имаҵура идкыларазы аҭоуба шьҭеиҵеит, ҳәа аицҳауеит аҭыԥ аҟынтәи ҳкорреспондент.

Аԥсны ахада Аконституциа инапы ақәҵаны ҭоуба шьҭеиҵеит. Инапаҿы иркуп Аԥсны Аҳәынҭқарра амҳәыр, абираҟ, алабашьеи аҳәеи.

Рауль Ҳаџьымба официалла Аԥсны ахадас дҟалеит.

Аҭоубашьҭаҵара шымҩаԥсуа иазку ажәабжьқәа шәрыԥхьар ҟалоит Sputnik Аԥсны Telegram-канал аҿы онлаин режим ала.

72

Ҭыҩԥҳа еиҭалҳәеит аҿкы чымазаразы Тҟәарчал аҭагылазаашьа зеиԥшроу

7
(ирҿыцуп 19:29 23.09.2020)
Тҟәарчалтәи араионтә хәышәтәырҭа аҿктәы ҟәша амедеиҳәшьа еиҳабы Емма Ҭыҩԥҳа арадио Sputnik арубрика "Раионк аԥсҭазаараҟынтә" аҿы еиҭалҳәеит COVID-19 зманы ирыдҵаалаз шаҟаҩы ыҟоу, урҭ рҭагылазаашьа зеиԥшроу.
Раионк аԥсҭазаараҟынтә: Ҭыҩԥҳа Тҟәарчал COVID-19 аганахьала аҭагылазаашьа зеиԥшроу атәы

"Ачымазара зыхьыз 17-ҩык ыҟоуп, зҭакқәа аахьоу. Аҩны рҽырхәышәтәуеит 12-ҩык, Гәдоуҭатәи агоспиталь ахь ирышьҭхьоу хәҩык рҟынтәи ҩыџьа ргәы бзиахахьеит. Ачымазцәа рааигәа иҟаз ҳәа 14-ҩык алкаауп, аҩны рҽыԥхьакны иҟоуп 20-ҩык. Абас иҟоуп иахьазы Тҟәарчал ҳҭагылазаашьа", - лҳәеит Ҭыҩԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Акоронавирус иазку ажәабжьқәа шәрыԥхьар ҟалоит абра>>

7
Атемақәа:
Ачымазара ҿкы – акоронавирус Аԥсни адунеи аҿи: иалкаау

Акоронавирус зцәа иалаз апациент иԥсҭазаара далҵит Гәдоуҭатәи ахәышәтәырҭаҿы

13
(ирҿыцуп 19:26 23.09.2020)
Иахьатәи аамҭазы Аԥсны иахьаҵанакуа акоронавирус 1116-ҩык ишрыхьхьоу аарԥшуп. Урҭ рахьтә 330-ҩык апациентцәа ргәы бзиахеит, ааҩык акоронавирус зыхьуаз рыԥсҭазаара иалҵит.

АҞӘА, цәыббра 23 – Sputnik. Гәдоуҭатәи ахәышәтәырҭаҿы иԥсҭазаара далҵит акоронавирус зцәа иалаз апациент ҳәа адырра ҟанаҵоит Ауааԥсыра COVID-19  рацәыхьчаразы аоперативтә штаб. Апандемиа ҟалеижьҭеи ари аабатәи ԥсыҭбароуп Аԥсны иахьаҵанакуа.

1959 шықәсазы ииз ахаҵа Ареспубликатә хәышәтәырҭа ареанимациатә ҟәшахьы дааргеит ацхыраара ласы амашьынала цәыббра 19 ауха. Иара даара дхьанҭан, иԥсыԥлагаҩагара акырӡа иуадаҩын. Дангәарҭа иааԥшит ҩ-ганкахьала аполисегментартә гәаҵәкра шимаз, ирыԥҳақәа ааха ӷәӷәа роухьан.

"Цәыббра 20 ашьыжь апациент Гәдоуҭатәи агоспиталь ахь диаган, уаҟа иара иаразнакала арыԥха-аҳауаҭарсгатә аппарат дшаҿаркызгьы, иҭагылазаашьа еиӷьымхаӡеит, аҳауазымхареи агәмаҷреи ирыхҟьаны иԥсҭазаара далҵит. Ахаҵа ицәа иалаҽны иҟаз егьырҭ ачымазарақәагьы иман. Аҳақьымцәа аарыԥхьаанӡа мышқәак аҩны иҽихәышәтәуан ихала", - ҳәа азгәарҭоит аоперштаб аҟны.

Иҳаҩсыз уахыки-ҽнаки рзы игәаҭан 197-ҩык ауааԥсыра, урҭ рахьтә адиагноз COVID-19 рзышьақәдырӷәӷәеит 62-ҩык.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 91-ы апациентцәа, урҭ рахьтә ари адиагноз рзышьақәырӷәӷәоуп 89-ҩык, рҭагылазаашьа хьанҭоуп хәҩык, ибжьаратәуп 33-ҩык, илҩаауп 19-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

13
Атемақәа:
Ачымазара ҿкы – акоронавирус Аԥсни адунеи аҿи: иалкаау