Инаугурация президента Абхазии Рауля Хаджимба

Рауль Ҳаџьымба имаҵура анагӡарахь инеира иазку аилатәараҟны дықәгылеит

41
(ирҿыцуп 14:35 09.10.2019)
Аԥсны Аҳәынҭқарра ахада имаҵзураҭыԥ ахь инеиразы иҭоубашьҭаҵара ацеремониа мҩаԥган Аԥсны Аминистрцәа реилазаара азал ду аҟны, жьҭаара 9 2019 рзы.

АҞӘА, жьҭаара 9 - Sputnik, Бадри Есиава. Рауль Ҳаџьымба имаҵура анагӡарахь инеира иазку аныҳәатә еилатәараҟны еизаз рҿаԥхьа ажәахә ҟаиҵеит.

"Ииасыз ашықәсқәа рзы иҟаҵоу маҷӡам. Ҳара иҳалшеит афинанс-економикатәи абанктәи системақәа, агәабзиарахьчара, акультура, атәылахьчара, ашәарҭадара, аӡбарҭатәи аконституциатәи системақәа русхк аҟны аиҭакрақәа рымҩаԥгара. Зегь раасҭа ихадоу ауадаҩрақәа жәпакы риааира ахьҳалҳаршаз ауп. Аамҭа рацәа ҳцәагеит ԥхьаҟатәи аҿиара аҵаҵӷә бзиа аҭара, азырхиара", - иҳәеит Ҳаџьымба.

Иара иазгәеиҭеит ареспублика аҿиара аиуразы ишхымԥадатәиу аполитикатә ҭышәынтәалара. Урыстәылеи Аԥсныи реинырра, реизааигәахара набыцрак зқәым акеиԥш дахәаԥшуеит Аԥсны ахада.

"Ԥхьаҟагьы иҳалшо зегь ҟаҳҵалоит Аԥсныи Урыстәылеи реизыҟазаашьақәа атәылақәа рыҩбагьы рыжәларқәа рзы ихәарҭаны иҟаларазы", - иҳәеит иара.

Ҳаџьымба иазгәеиҭеит Аԥсны жәларбжьаратәи азхаҵара акрызҵазкуа усны ишаанхо.

"Агәра згоит Шьамтәылатәи Арабтә республика инашьҭарххны егьырҭ аҳәынҭқаррақәагьы Аԥсны ахьыԥшымра азхарҵап ҳәа", - иҳәоит ахада.

Ҳаџьымба иазгәеиҭеит атәыла ауааԥсыра рыбзазара ахаҭабзиара аҳаракразы иҟаҵатәу шырацәоу.

Атәыла ахада ҭабуп ҳәа реиҳәеит алхрақәа раан игәра згаз атәылауаа, ааԥхьара ҟаиҵеит аполитикатә мчрақәа зегь рахь аҳәынҭқарра уаҵәтәи аԥеиԥш азы аилацәажәараз.

Иажәахә хырқәшо атәыла ахада иҳәеит алхрақәа шхыркәшахаз, аусура нап шарктәу.

41
Валерий Кварчия

Кәарҷиа еиҭеиҳәеит аинститут аушьҭымцәа аԥышәарақәа шарҭо

1
(ирҿыцуп 14:30 26.05.2020)
Аҟәатәи иаарту аинститут аректор Валери Кәарҷиа арадио Sputnik Аԥсны аефир аҿы еиҭеиҳәеит аҵараиурҭа иалго аҿкы аламырҵәаразы аԥкрақәа еиларымгакәа аҳәынҭқарратә ԥышәарақәа раҭара аус шырзеиҿыркааз атәы.

Кәарҷиа еиҭеиҳәеит аинститут аушьҭымҭацәа аԥышәарақәа шарҭо

"Аушьҭымҭацәа аԥышәаркәа ҩбеи адипломтә усумҭа ахьчареи рыдуп. Аԥышәарақәа мҩаԥаагоит рашәара 20 шыҟоу. Амза ҩба рзы аусура ҳшааҭыҵлак астудентцәа ааҳаԥхьоит, русумҭақәа ахьнаргахьоу атәы еилаҳкаауеит, зҵаарақәак рымазар, еилҳаргоит. Латәарадатәи астудентцәа абжьааԥны рҵара иалагон рашәарамзазы, аха сынтәа ихацҳаркырц ҳҭахуп ԥхынгәымзазы. Аинститут аҭаларазы адкыларатә ԥышәарақәа ииагахоит нанҳәамзахьы. Абасала ҳҽеиқәҳаршәеит. Аҵара апроцесс акәзар, цәыббрамза рзы ихацҳаркырц ҳгәы иҭоуп", - ҳәа еиҭеиҳәеит Кәарҷиа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

1

Автомашьынақәа Аԥснынтәи Урыстәылаҟа аамҭала ралагалара аҿҳәара цәыббра 30 рҟынӡа инахоуп

13
(ирҿыцуп 11:48 26.05.2020)
Арҭ иреиԥшу амашьынақәа зтәу апассаџьыртә ҳазалхратә декларациа, ма арзаҳал ахарҭәааразы аҳазалхратә усбарҭахь рнеира аҭахӡам; амашьынақәа ралагалара аҿҳәара инахоуп уаанӡа инашьҭыз ашәҟәқәа рҵаҵӷәала.

АҞӘА, лаҵара 26- Sputnik. Аамҭала аҳәаанырцәтә номерқәа змоу ахатәхархәаратә автомашьынақәа Аԥснынтәи Урыстәылаҟа ралагалара аҿҳәара цәыббра 30 рҟынӡа инахоуп ҳәа аанацҳауеит Урыстәыла АҲМ.

Абри азы Евразиатәи аекономикатә хеилак аӡбра амчра аиуеит лаҵара 28 инаркны, хәажәкыра 1 аахыс иалагалоу амашьынақәа аҵаркны.

Урыстәыла Афедералтә ҳазалхратә маҵзураҿы ишырҳәаз ала, аҳәаанырцәтәылауаа азин рымоуп Евразиатәи аекономикатә еидгылахь ахатәхархәаразы амашьынақәа ралагалара. Дара абаџьи ашәахтәи рхыршәаауам, Урыстәыла аҵакыраҿы шықәсык еиҳамзароуп рыҟазаара. Абри азы аамҭалатәи алагалара ҳәа аиҿкаара мҩаԥгатәуп.

Абри аҿҳәара ашьҭахь автомашьына Евразиатәи ахеилак аҵакыраҟынтә иалгамзар, адекларациа ҟазҵаз ахараԥса идҵахоит, иара иуалԥшьахоит ашәахтәи абаџьи ршәара.

ЕАХ аҳазалхратә закәанеидкыла ахәҭаҷ 268 инақәыршәаны аус руеит егьырҭ аҭагылазаашьақәа иаԥырҵар зылшо анормақәагьы.

"Убас иҟоу аҭагылазаашьақәа иреиуоуп атранспорттә хархәага аҳазалхратә декларациаҟаҵара ЕАХ аҵакыраҟынтәи алгаразы аҿҳәара анынҵәа ашьҭахь фымз иахымгакәаны. Абри аамҭала ахархәараз иалагалоу атранспорт аамҭала Ахеидкыла аҵакыраҿ иҟазар ҟалоит", - ҳәа рҳәоит амаҵзураҿы.

Абасала атранспорт зтәу алагалара аҿҳәара анҵәара ашьҭахь фымз рыҩныҵҟа Урыстәылантәи Аԥсныҟа итранспорт шалеигало азы адекларациа ҟаиҵар ҟалоит.

Иарбоу аамҭала ауаҩы амашьына изалымгозар, иара иабжьыргоит абри атәы аҳазалхратә усбарҭаҿ идирдырырц. Ари аелектронтә ҟазшьалагьы амҩаԥгара ауеит. Уи ашьҭахь аусбарҭаҿы адырра шроуз азы хымԥада ашьақәырӷәӷәара иуроуп.

Аԥсны Аҳазалхратә еилакы Аԥсуа телехәаԥшрала адырра ҟанаҵеит апандемиа инадҳәаланы Урыстәыла аҵакыраҿ иаԥҵоу аԥкырақәа инарықәыршәаны атранспорттә хархәагақәа аамҭала ралагалара аҿҳәара анахараз ашәҟәқәа еиқәнаршәоит Шәачатәи аҳазалхратә пост ҳәа (Гагратәи амҩа, аҩ.№12, Пластунскаиа амҩа, аҩ.№220, Круизнаиа гавань, аҩны№4).

Иара убас шәаԥхьар ҟалоит:

13

Урыстәылаа рыбжаҩык макьаназы анҭыҵ аԥсшьара ацара иазхәыцуам

1
(ирҿыцуп 15:01 26.05.2020)
Урыстәылаа рыхәҭак акарантин ашьҭахь рфинанстә ҭагылазаашьа уадаҩхоит ҳәа иазырыԥхьаӡоит.

АҞӘА, лаҵара 26 - Sputnik. Акоронавирус иахырҟьаны аԥсшьара мап ацәызкуа урыстәылаа рхыԥхьаӡара ҩынтәны еиҳахеит акарантин аларгалаанӡа аасҭа. Аҵыхәтәантәи амчыбжь азы иара иартәеит 50% ҳәа акьыԥхьуеит аҭҵаартә холдинг "Ротмир".

Изызҵааз реиҳараҩык рԥарақәа ушьҭантәи рыԥсшьара иазырҵәахырц ргәы иҭоуп.

Асоциологцәа иазгәарҭоит аекономикатә ҭагылазаашьа шыуадаҩугьы урыстәылаа рныхрақәа рацәак еиҵамхеит ҳәа.

Аԥыза-министр Михаил Мишустин лаҵара 25 рзы ауааԥсыра рахь ааԥхьара ҟаиҵеит аамҭала аҳәаанырцәныҟәарақәа рыҽрыцәхьаркырц, адунеи атәылақәа рҿы аепидемиологиатә ҭагылазаашьа ахьеиуеиԥшым азы.

Мишустин иазгәеиҭеит еиҳа ишшәарҭам иагьшеиӷьу атәыла аҩныҵҟа аԥсшьарамшқәа рыхгара, рашәара 1 инаркны асанаториақәа жәпакы аусура ишалаго.

Иахьазы Урыстәыла 362 342 акоронавирустә хҭыс аҭыԥ рымоуп 85 регион рҿы.

Аԥсны иахьаҵанакуа Аԥсны ауааԥсыра акоронавирустә инфекциа рацәыхьчаразы рашәарамза 1 аҟынӡа Аԥсны Аҳәынҭқаррахь аԥсуа-аурыс ҳәаа аушьҭырҭатә ҭыԥқәа ирхысны аҭалара азин рымам аҳәаанырцә тәылауааи атәылауаҩра змам ахаҿқәеи.

Аԥсны рашәара 1 аҟынӡа азин ыҟам аекскурсиатәии атуристтәии усура, асасааирҭақәа, аԥсшьарҭақәа, асанаториақәа рҟны заанаҵтәи аҭыԥҿаҵара азин ыҟам.

Апандемиа аамҭала Аԥсны 28-ҩык авирус рыдбалоуп, 15-ҩык ргәабзиара шьақәгылахьеит, аӡәы лыԥсҭазаара далҵит. Ареспубликаҿы рашәара 1 аҟынӡа аекскурсиатәии атуристтәии усура аанкылоуп.

Иара убас шәаԥхьар ҟалоит:

1
Атемақәа:
Ачымазара ҿкы – акоронавирус Аԥсни адунеи аҿи: иалкаау