Арвелод Куправа

Иԥсҭазаара далҵит аԥсуа ҭоурыхдырыҩ Арвелод Кәыпраа

21
(ирҿыцуп 11:02 10.10.2019)
Аҭоурыхдырыҩ, ашәҟәыҩҩы Арвелод Кәыпраа 95 шықәса дшырҭагылаз иԥсҭазаара далҵит. Аҵыхәтәантәи ашықәсқәа рзы Арвелод Кәыпраа аԥсуа культура аҿиара инапы алакын, иҭижьуан архивтә документқәа.

АҞӘА, жьҭаара 10 – Sputnik, Бадраҟ Аҩӡба. Аҭоурыхтә наукақәа рдоктор, Аԥснытәи аҳәынҭқарратә университет апрофессор, Гьаргь Ӡиӡариа ихьӡ зху аԥхьахә занашьо Арвелод Кәыпраа иԥсҭазаара далҵит 95 шықәса ихыҵра аламҭалазы.

"Арвелод Ерасҭа-иԥа иԥсҭазаара далҵит. Иара иналукааша аԥсуа ҵарауаҩын. Азхьаԥшра ду аиҭон ареспублика асовет аамҭақәа рызтәи аԥсҭазаара", - иҳәоит аҵарауаҩ Сослан Салаҟаиа.

Аҵыхәтәантәи ашықәсқәа рзы Арвелод Кәыпраа аԥсуа культура аҿиара инапы алакын, иҭижьуан архивтә документқәа.

"Ари акрызҵазкуаз ус дуун, избанзар Аџьынџьтәылатә еибашьраан ҳархив амца иалаблын. Иара иаԥшьгарала икьыԥхьын ихатә архиви Гьаргь Ӡиӡариа ихатә архиви рҟынтәи аматериалқәа", - азгәеиҭоит Салаҟаиа.

Арвелод Кәыпраа Аԥсны аҭоурых аҭҵаараҿы илагаламҭа шьардаӡоуп ҳәа ахиҳәаауеит иара.

Арвелод Кәыпраа диит жьҭаара 14 1924 шықәса рзы.

Ставропольтәи аҳәынҭқарратә рҵаҩратә институт 1948 шықәса рзы далгеит. Аус иуан Аҽгәаратәи аурыс школ аҟны, Тҟәарчал апартиа ақалақьтә еилакы аҿы, Аԥснытәи аҳәынҭмузеи аҟны.

2004 шықәса раахыс Дырмит Гәлиа ихьӡ зху АбИГИ аҟны иусура иациҵон.

Арвелод Кәыпраа инапы иҵижьхьан еиуеиԥшым амонографиақәа, арҵага шәҟәқәа, астатиақәа, аҭоурых иазку аочеркқәа.

Гьаргь Ӡиӡариа ихьӡ зху аԥхьахә ианашьан, аорден "Ахьӡ-Аԥша" II аҩаӡара ианашьан.

Иара убас шәаԥхьар ҟалоит:

21

Аԥсны аӡбаҩцәа рхашәалақәа рзы аҳасабырбақәа ҟарҵеит

2
(ирҿыцуп 12:33 29.05.2020)
Аԥсны аӡбаҩцәа рхеилак АИХқәа рҿы акьыԥхьразы инарышьҭит аӡбаҩцәеи урҭ рҭаацәарақәа рхаҭарнакцәеи рхашәалеи рмазареи рзы адыррақәа 2019 шықәса ԥхынҷкәын 31 рызтәи арыцхә ала.

АҞӘА, лаҵара 29 - Sputnik. Иреиҳаӡоу, Аконституциатә, Абжьаҟазаратә, Арратә ӡбарҭақәеи араионтәи ақалақьтәи ӡбарҭақәеи рыӡбаҩцәа 2019 шықәсазтәи адекларациақәа хадырҭәааит. Азакәан инақәыршәаны арҭ адыррақәа кьыԥхьуп Иреиҳаӡоу аӡбарҭа асаит аҿы.

Адекларациақәа инарықәыршәаны: Аконституциатә ӡбарҭа ахантәаҩы Нури Ҭаниа ихашәала миллионки 459 нызқь мааҭи ыҟоуп, Иреиҳаӡоу аӡбарҭа ахантәаҩы Манана Делԥҳа – миллионки 328 нызқь мааҭ, Абжьаҟазаратә ӡбарҭа ахантәаҩы Фатима Кәыҵниаԥҳа – миллионки 504 нызқь мааҭи, Арратә ӡбарҭа ахантәаҩы Свиатослав Саӷариа – миллионки 482 нызқь мааҭи, Аҟәатәи ақалақьтә ӡбарҭа ахантәаҩы Белла Хасаиаԥҳа – миллионки 59 нызқь мааҭи, Гагратәи араионтә ӡбарҭа ахантәаҩы Мери Мықәԥҳа – миллионки 197 нызқь мааҭи, Гәдоуҭатәи араионтә ӡбарҭа ахантәаҩы Борис Аргәын - 737 нызқь мааҭ, Аҟәатәи араионтә ӡбарҭа ахантәаҩы Роман Ҟалӷьы – миллионки 210 нызқь мааҭи, Гәылрыԥшьтәи араионтә ӡбарҭа ахантәаҩы Марина Ануаԥҳа - миллионки ԥшьнызқь мааҭи, Галтәи араионтә ӡбарҭа ахантәаҩы Денис Ашәба - 966 нызқь мааҭ, Тҟәарчалтәи араионтә ӡбарҭа ахантәаҩы Анатоли Ҳашба - миллионки 160 нызқь мааҭи, Очамчыратәи араионтә ӡбарҭа ахантәаҩы Валери Занҭариа - миллионки 262 нызқь мааҭи.

Аҳасабырбақәа ҟарҵеит егьырҭ аӡбаҩцәагьы.

Аӡбаҩ есымзатәи илагала шьақәгылоит:

  • Иааникыло аҭыԥ иаҿырԥшны амзатә уалафахәы ала;
  • Иквалификациааатә класс иаҿырԥшны есымзатәи ашәарацҵа ала;
  • Иусуратә стаж иаҿырԥшны есымзатәи ашәарацҵа, иара убасгьы еиуеиԥшым алкаарақәа рзы – "Аиуристтә ҭҵаарадыррақәа рдоктор", "аиуристтә ҭҵаарадыррақәа ркандидат", "адоцент", "апрофессор", Аԥсны Аҳәынҭқарра зҽаԥсазтәыз аиурист".

Иара убас шәаԥхьар ҟалоит:

2

Аԥсны АШәМ аусзуҩцәа рганахьала ашьаус хацыркуп

3
Аҳәынҭқарратә шәарҭадаратә маҵзура аусзуҩцәа рганахьала агәҩара ыҟоуп Аҟәа Араион ҿыц, Картозиа имҩаҿ игылоу аҩнеихагылаҟны лаҵара 11 рзы иԥшааз абџьар закәаншьаҭада иҵәахны ирыман ҳәа.

АҞӘА, лаҵара 29 - Sputnik. Аԥсны Апрокуратура хада Ашьаусҭҵааратә усбарҭа ашьаус хацнаркит Аҳәынҭқарра ашәарҭадаратә маҵзура актәи аҟәша аиҳабы Ахра Џьопуа, аусзуҩ Даҭо Ахалаиа рганахьала.

Иҟоу аматериалқәа инарықәыршәаны 2019 шықәса абҵарамзазы Џьопуеи Ахалаиеи еицәажәарыла закәаншьаҭада абџьар, арҭҟәацгақәа, аџьаԥҳаны аархәеит. Иаархәаз Аҟәа Араион ҿыц, Картозиа имҩаҿ игылоу аҩнеихагылаҟны уаҩ дзыҩнамыз ауадаҿ ирҵәахит.

Имҩаԥгоу аекспертизала ишьақәыргылоуп абџьар ахархәара шауа. Ари ауадаҿ иԥшаан:

  • 14 автомат "Калашников";
  • автоматк америкатәи аҭыжьымҭа;
  • карабинк "СКС";
  • 3 пулемиотк "Калашников";
  • минак "МОН-50";
  • гранатаршәгак "ГП-25", уи иатәу 16 џьаԥҳаны;
  • гранатаршәгак "РПГ-7", уи иатәу 7 џьаԥҳанык;
  • анапыла гранатарԥжәагақәа 17 (УЗГРМ);
  • анапыла гранатқәа 14 "РГД-5", "Ф-1";
  • 14 тапанча;
  • 26783 патрон;
  • 200 грамми 1460 грамми атротилхкқәа;
  • апластид 6440 грамм;
  • 900 грамм иҟоу анапылаҟаҵара рԥжәага.

Абџьар Аҟәа Араион ҿыц, Картозиа имҩаҿ игылоу аҩнеихагылаҟны лаҵара 11 рзы иԥшаан.

Иара убас шәаԥхьар ҟалоит:

3