Ален Аҩӡба жәларбжьаратәи аԥкьаҭасратә турнир далахәхеит

© Фото : ITF TennisАрхивное фото молодого теннисиста из Абхазии Алена Авидзба
Архивное фото молодого теннисиста из Абхазии Алена Авидзба - Sputnik Аҧсны
Анапаҵаҩра
Аиубилеитә XXX аԥкьаҭасратә турнир "ВТБ Кубок Кремля" аатит жьҭаара 12 рзы. ВТБ Кубок Кремля — адунеитә ҩаӡара змоу еиндаҭлароуп.

АҞӘА, жьҭаара 14– Sputnik. Аԥсуа ԥкьаҭасыҩ Ален Аҩӡба ииубилеитә XXX аԥкьаҭасратә турнир "ВТБ Кубок Кремля" далахәны дықәгылоит. Атурнир мҩаԥысуеит аҵаақәышьқьрааратә хан "Крылатское" аҿы, жьҭаара 12 - 20 рзы. Абри атәы аанацҳауеит Аԥсны абаҩырҵәыреи аспорти рзы аилак.

Теннисист Ален Авидзба - Sputnik Аҧсны
Ален Аҩӡба Тулуза имҩаԥысуаз аиндаҭлараҿы аиааира игеит

Ален Аҩӡба диндаҭлоит Алибек Качмазов. Ақәгылара мҩаԥгахоит жьҭаара 15 асааҭ 11:00 рзы. Аиааира зго диндаҭлараны дыҟоуп атурнир аҿы аԥыжәара змоу, Шанхаи жьҭаара 13 рзы асериа "Мастерс" иатәу атурнир аҿы актәи аҭыԥ нызкылаз Даниил Медведев.

"Ақәгыларақәа аинтерес рыманы имҩаԥысуеит. Алибек Качмазови Ален Аҩӡбеи рҩыџьагьы wild card рымоуп. Дара дара реиндаҭлара ашьҭахь ииааиз дицықәгылоит Даниил Медведев", - иҳәоит атурнир "ВТБ Кубок Кремля" адиректор Амир Тарпишьчев.

ВТБ Кубок Кремля — адунеитә ҩаӡара змоу еиндаҭлароуп, Урыстәыла ахьӡ-аԥша аҳәаанырцә ирыланарҵәоит. Абра заҵәык ауп адунеи аҿы ахацәеи аҳәсеи ртурнирқәа ахьеицымҩаԥырго.

Ажәабжьқәа зегьы
0