Ансамбль Гәында

Ансамбль "Гәында" адыга музыка афестиваль иалахәхоит

27
V Жәларбжьаратәи адыга инструменталтә музыка афестиваль "Ушәаҳәа, адыга мырзакан" мҩаԥысраны иҟоуп жьҭаара 17 - 18 рзы Шәача.

АҞӘА, жьҭаара 17 – Sputnik, Бадраҟ Аҩӡба. Авокал-инструменталтә ансамбль "Гунда" V Жәларбжьаратәи адыга инструменталтә музыка афестиваль "Ушәаҳәа, адыга мырзакан" иалахәхараны иҟоуп ҳәа Sputnik Аԥсны иазеиҭалҳәеит аколлектив анапхгаҩы, Аԥсны жәлар рартистка Роза Чамагәуаԥҳа.

"Ҳколлектив раԥхьаӡа акәны абри афестиваль иалахәхоит. Аиҿкааҩцәа адырра ҳарҭеит ашәак анагӡара шахәҭоу, ҳаргьы Таиф Аџьба иажәеинраала иалху ашәа "Аҷандараҟа даагоит" (амузыка Оҭар Хәынцариа) алаҳхит", - лҳәоит лара.

Роза Чамагәуаԥҳа иазгәалҭеит жәларбжьаратәи афестивальқәа рылахәхара Аԥсны амилаҭтә культура аӡыргаразы ишыцхыраагӡа дуу.

"Акраҵанакуеит адыгақәа, ашаԥсыӷцәа рнырра. Ҳара жәларык шҳакәыз аарԥшра алшоит ашәаҳәара, акәашара рхархәарала", - лҳәоит Роза Чамагәуаԥҳа.

Авокал-инструменталтә ансамбль "Гәында" аԥҵан Аԥснытәи аҳәынҭқарратә филармониаҟны 1977 шықәса рзы. Абарҭ аамҭақәа ирылагӡаны ансамбль "Гәында" Урыстәыла, Украина, Абжьаратәи Азиа, Нхыҵ Кавказ, Ҭырқәтәыла рҟазара ддырбеит.

Ансамбль алахәылацәа ашәаҳәара адагьы иадырҳәоит амилаҭ инструментқәа: аԥхьарца, аҩымаа, ахымаа, ачамгәыр, адаул, аҟьаԥ-ҟьаԥ.

Иара убас шәаԥхьар ҟалоит:

27

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

14
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

14

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау