Дмитри Кәартааи Едуард Безугловыи ашьапылампыл иазкыз ашәҟәы еицырҩит

16
Дмитри Кәартаа игәҭакуп ашәҟәы "Ашьапылампыл азы" Аԥсныҟа иааганы аӡыргара амҩаԥгара. Дмитри Кәартаа изы ашәҟәы аҩра раԥхьатәи ԥышәоуп.

АҞӘА, жьҭаара 18 – Sputnik, Бадраҟ Аҩӡба. Ашьапылампыл азы еизгоу аԥснытәи акоманда уаанӡатәи ахәмарыҩ Дмитри Кәартааи ашьапылампыл азы Урыстәыла амилаҭтә команда аҳақьым хада Едуард Безугловыи еицырҩит ашәҟәы "Ашьапылампыл азы".

Ашәҟәы ҭыҵит 2019 шықәса жьҭаарамзазы.

"Ашәҟәы аҩра аидеиа изцәырҵит Едуард Безуглов. Сара уи адгылара асҭеит. Шықәсык аҩныҵҟа аинформациа аизгара ҳаҿын. Ашәҟәы ашьапылампыл аспектқәа зегьы аҵанакуеит", - еиҭеиҳәоит Дмитри Кәартаа.

Ашәҟәаҿы иҟоуп зхәыҷқәа ашьапылампыл иазҭарц зҭаху аҭаацәа рзы абжьагарақәа, аинформациа. Дмитри Кәартаа изы ашәҟәы аҩра раԥхьатәи ԥышәоуп.

"Ари аус акыр иуадаҩуп ҳәа узазҳәом, избанзар аԥышәаҿ зегь здыруеит. Иаҭаху иахәҭоу абызшәала аиҭаҳәароуп, аԥхьаҩ иеиликаартә изнагароуп", - еиҭеиҳәоит иара.

Ашәҟәы аспорттә журналист Дариа Исаева лҭыхымҭақәа рыла еиҿкаауп.

"Атекст адагьы афотосахьақәа аинтерес ду рыҵаны иҟоуп. Ашәҟәы раԥхьатәи атираж жәа-нызқь цыра ыҟоуп. Сара хымԥада урҭ Аԥсныҟа иаазгоит. Аӡыргара мҩаԥгахоит", - иҳәеит иара.

Дмитри Кәартаа – ашьапылампыл азы еизгоу аԥснытәи акоманда уаанӡатәи ахәмарыҩ, ConIFA-2016 аверсиала адунеи ачемпион.

Иара убас шәаԥхьар ҟалоит:

16
Абессалом Кварчия

Кәарҷиа: алхыҩ иазыҟаҵара хьысҳауп

4
Ауаажәларратә палата алахәыла Абессалом Кәарҷиа арадио Sputnik аефир аҟны игәаанагара иҳәеит алхыҩ изы иахьынӡахәарҭоу адепутатрахь акандидатцәа телехәаԥшрала рықәгылара.

Аԥсны Жәлар Реизарахь алхрақәа мҩаԥысуеит алхратә ҭыԥ хадақәа ԥшьба рҿы: Кындыӷтәи, Гәдоуҭатәи, Бзыԥтәи, Оҭҳаратәи.

Кындыӷтәи алхратә ҭыԥ хада №31 аҟнытә Жәлар Реизара адепутатрахь кандидатцәас иқәгылоуп: Аидар Кәыҵниа, Гарри Кокаиа, Џьансыхә Адлеиба; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Бзыԥтәи алхратә ҭыԥ хада № 10 ала – Ҭамаз Леибеи, Ҭемыр Беиеи; Оҭҳаратәи алхратә ҭыԥ хада №14 аҟнытә Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци.

Алхратә комиссиа хада имҩаԥнагаз аҵәҭаԥсарала адепутатрахь акандидатцәа Аԥсуа телехәаԥшраҟны аефиртә аамҭа рызшоуп. Бзыԥтәи алхратә ҭыԥ хада №10 ала адепутатрахь акандидатцәа Ҭамаз Леибеи, Ҭемыр Беиеи аефир аҟны иҟалоит уаха, ԥхынгәы 6 рзы.

 

Кәарҷиа ателедебатқәа рзы: заанаҵы ибжьы зиҭо здыруа алхыҩ изы иҵакыдоуп

"Ауаҩы уала-ҭахыла, мамзаргьы аиҳабыра идгылоума, ицхраауама, ҳара даҳтәума, егьырҭ дыртәума ҳәа ихәыцны далзхуа изы егьа теледебат ҟауҵаргьы, иара изы зегь дара роуп. Уи ателехәаԥшраҟны иибо спектакльк еиԥш дазыӡырҩуеит, аха игәы иҭеикыз, изиҭараны дыҟоу ибжьы ииҭоит. Ибжьы зиҭо ззымдыруа аӡәыр дыҟазар, Апарламент ахь днеир абри ихаҿсахьа зеиԥшрахои ҳәа ихәыцуа ауаҩы изы ибзиоуп, ихадоуп телехәаԥшрала иибо, аха иҟоуп ауаҩы иаразнакгьы иеилкаара анымариам. Убри аганахьала сгәаанагарала Алхратә комиссиа хада ахымҩаԥгашьа хәыҷык ихьысҳауп ҳәа ажәлар разыҟаҵаразы. Дара ирҳәароуп алхрақәа шус хадоу, абжьыҭара уала-ҭахыла акәымкәа ишазнеитәу ауаа азыҟаҵалатәуп есымша. Ауаа иахьа хәыҷык иҟьалашәа иҟоуп, рыбжьы зырҭара дрыздыруам, џьоукы-џьоук хьаасгьы ирымам, "иаҳнаҭеи Апарламент" зҳәогьы ыҟоуп. Абжьыҭарахь имнеиз ауаа рхыԥхьаӡара анырацәахалак, уи иаанагоит урҭ разыҟаҵара зыхәҭаз ауаа ажәлар рҟынӡа ишахәҭаз ирызнамгаӡеит ҳәа", - азгәеиҭеит Кәарҷиа.

 

Аԥсны Алхратә комиссиа хада иҭацәыз адепутаттә ҭыԥқәа рахь ԥхынгәы 12 рзы алхрақәа рымҩаԥгара ҿҳәарас ишьақәнаргылеит.

Азакәанԥҵаратә мчраҿы амандатқәа ԥшьба ҭацәуп - уаанӡа депутатцәас иҟаз атәыла ахада Аслан Бжьаниа, аԥыза-министр Александр Анқәаб, Аҩнуҵҟатәи аусқәа рминистр Дмитри Дбар, Гагра араион ахада инапынҵақәа назыгӡо Иури Хагәышь рҭыԥқәа.

Инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

4

Пицунда амҩатә машәыр аҭыԥ аман

24
Пицундатәи амҩаҿы ашьыжь асааҭ 4:20 рзы автомашьына Toyota Сrown аԥсҟы зкыз имч ақәымхазт, имҩа дахҟьаны аҵла даахеит.

АҞӘА, ԥхынгәы 6 - Sputnik. Ҩыџьа ауаа амҩатә машәыр иахҟьаны рыԥсҭазаара иалҵит ҳәа аанацҳауеит Апрокуратура хада апресс-маҵзура.

"1991 шықәса рзы ииз Агәмаа Ремиз зыԥсҟы икыз амҩа атранспорттә хархәага Toyota Сrown имч ақәымхакәа, амҩа даныҵны аҵла даахеит. Агәмаа Ремизи ипассаџььыр Агрба Алхаси аҭыԥ аҟны рыԥсҭазаара иалҵит", - ҳәа аанацҳауеит Апрокуратура хада апресс-маҵзура.

Ахҭыс инамаданы аусҭҵаара мҩаԥысуеит.

24

Уахыки-ҽнаки рыла Урыстәыла 6611-ҩык COVID-19 рыдбалан

1
ВОЗ астатистика инақәыршәаны адунеи аҿы 11 миллионҩык авирус рыман, 528 нызқьҩык рыԥсҭазаара иалҵит. Ачымазара рылаҵәоуп еиҳарак ЕАА, Бразилиа, Индиа, Урыстәыла.

АҞӘА, ԥхынгәы 6 - Sputnik. Иаҳхысыз уахыки-ҽнаки рыла Урыстәыла 6611-ҩык COVID-19 рыдбалан, 135-ҩык рыԥсҭазаара иалҵит, 3579-ҩык ргәабзиара шьақәгылеит ҳәа аанацҳауеит апортал стопкоронавирус.рф.

Аиҳарак ачымазара змоу рацәоуп Москва (685), Подмосковье (292), Ханти Манцызтә Автономтә Округ (289), 280 – Санкт-Петербург, 270 — Свердловск, 239 — Иркутсктәи аобласт.

Зынӡа атәылаҿы иазгәаҭоуп 687 862-ҩык COVID-19 змоу, урҭ рҟынтәи 454 329-ҩык ргәы бзиахахьеит, 10 296-ҩык рыԥсҭазаара иалҵит.

Аԥсны ауааԥсыра коронавирус рацәыхьчаразы аштаб адыррала ареспубликаҿ 38 чымазара-хҭыс ыҟан, хҩык Гәдоуҭатәи ахәышәтәырҭа иҭоуп, 34-ҩык ргәы бзиахеит, аӡәы – лыԥсҭазаара далҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

 

1