Игор Адлеиба апресс-конференциаҿ Екатеринбург имҩаԥысыз иқәгылара далацәажәеит

64
(ирҿыцуп 18:04 05.11.2019)
Аԥсуа боксиор Игор Адлеиба WBO аверсиала адунеи ачемпион ититул азы иқәгылара атәы далацәажәеит Sputnik Аԥсны апресс-центр аҿы.

Екатеринбург, Аиндаҭларақәа ракадемиаҿ абҵара 2 рзы имҩаԥысит аԥснытәи абоксиор Игор Адлеиба дызлахәыз апрофессионалтә бокс ахәылԥаз. Аԥсуа боксиор Игор Адлеиба WBO аверсиала адунеи ачемпион ититул азы иқәгылараан диндаҭлон Венесуела аспортсмен Едди Кольменарес.

Бадраҟ Аҩӡба, Sputnik

Жәа-шықәса ирықәуп Игор абокс ахь абзиабара изцәырҵеишьҭеи. Абри аамҭа кьаҿ иалагӡаны иара аҿар рыбжьара адунеи ачемпион ҳәа ахьӡ аиура иҽаԥсеитәит.

"Саныхәыҷыз инаркны абри агәаҳәара сыман. Исызҳацыԥхьаӡа сгәаҳәара иазҳауан. Еснагь исҭахын апрофессионалтә бокс аҿы хьӡы згарц", - иҳәоит Игор Адлеиба.

© Sputnik / Томас Тхайцук
Игор Адлеиба апресс-конференциаҿ Екатеринбург имҩаԥысыз иқәгылара далацәажәеит

18-шықәса анихыҵ ашьҭахь аспортсмен апрофессионалтә бокс ахь диасит. Абри инаркны Игор ақәгыларақәа жәба мҩаԥигахьеит. Зегь рҟынгьы аиааира игахьеит.

Игор Адлеиба WBO аверсиала адунеи ачемпион ититул азы иқәгылараан диндаҭлон Венесуела аспортсмен Едди Кольменарес. Дара реиндаҭлара Игор иԥсҭазаараҿы ихадоу қәгылараны иԥхьаӡоит.

"Иуҳәар ауеит ари ақәгыларахь сыԥсҭазаара зегьы амҩа санын ҳәа. Апрофессионалтә бокс аҿы амаҟақәа зегьы уанашьахароуп. WBO амҩақәа зегьы аанартуеит. Сиааира инамаданы егьырҭ жәларбжьаратәи ақәгыларақәа срылахәхар азин сымоуп", - иҳәоит абоксиор.

© Foto / из личного архива Игоря Адлейба

Уажәшьҭа иара ианашьахаз адунеи ачемпион ититул ихьчароуп.

"Атитул аиура ашьҭахь иухьчароуп. Аспортсменцәа рреитинг шьақәыргылоуп. Уара урҭ рҟынтәи аӡәы далухыроуп актәи ахьчараан. Абри ашьҭахь имҩаԥгахоит аҩбатәи ахьчара. Ҩыџьа-хҩы абоксиорцәа рыбжьара иреиӷьу ианашьахоит амаҟа", - иҳәеит Игор Адлеиба.

Едди Кольменаресони иареи реицықәгылара аламҭалаз астратегиа азырхиатәын.

"Ҳара ари аспортсмен изы аинформациа маҷны иҳаман. Иқәгыларак ауп иаабахьаз. Уи ала лкаак аҟаҵара уадаҩын. Убри аан ҳара иаадыруан иара амч шилаз. Схы-сҿалагьы иубартә иҟоуп амч шилоу" - иҳәоит иара.

Актәи араунд аан венесуелатәи аспортсмен иганахь ала ахы шымҩаԥгатәу еилкаатәын. Убри азоуп аԥхьатәи ацәырҵра зышьшьылаҳаз.

"Сара иара деиҵасҟьар акәын, ажәылара игәасырԥхар акәын. Убри азоуп актәи ақәгылараан аус зисыруаз", - иҳәоит Адлеиба.

Аҩбатәи араунд аан азыҟаҵаҩ идҵала Игор индаҭлаҩ дшьақәицало далагеит.

"Ҳара иҳалҳаршеит хшыҩла аԥыжәара. Дҳарааԥсеит. Ф-раундк рҟынтәи хәба рҿы ихы игәасырԥхеит аха имчқәа исыршәеит. Абыжьбатәии аабатәии араундқәа раан исылшоз ала схы самеигӡеит", - азгәеиҭеит Игор Адлеиба.

Игор именеџьер Артур Адлеиба аԥсуа спортсмен изы згәы зыхьуаз зегьы ҭабуп ҳәа реиҳәеит.

"Ақәгылараани ашьҭахьи хыԥхьаӡара рацәала аҭел исзасуан. Сара убриаҟара сгәы хыҭхыҭуан, амаҟа аиура акәымкәа ақәгылара нҵәандаз ҳәа акәын сзыргәаҟуаз", - иҳәоит аменеџьер.

© Sputnik / Томас Тхайцук
Игор Адлеиба апресс-конференциаҿ Екатеринбург имҩаԥысыз иқәгылара далацәажәеит

Артур Адлеиба атәыла ахада Рауль Ҳаџьымба ҭабуп ҳәа иеиҳәеит аспортсмен аханатә ииҭо адгыларазы.

"Быжь-шықәса раԥхьагьы абри ауаҩ Игор игәра игахьан, илшара дақәгәыӷхьан", - иҳәоит иара.

Игор 13 шықәса анихыҵуаз абокс ахь днеиит. Раԥхьатәи ирҵаҩы Едуард Џьопуа иакәын.

"Сара азал ахь саннеиуаз исымбар залымшеит Игор аԥеиԥш шимаз. Иареи сареи аусеицура ҳалагеит. Иеиҳабацәаз дрындаҭлон", - еиҭеиҳәоит Игор иазыҟаҵаҩ Беслан Адлеиба.

WBO аверсиала чемпионс аҟазаара акраҵанакуеит ҳәа азгәеиҭеит азыҟаҵаҩ.

"Ақәгылара ашьҭахь атурнир асуперваизер дааҳадгыланы иҳаиҳәеит 20 шықәса рыҩныҵҟа ари ақәгылара зегьы ирылукаауа иҟан ҳәа. Иара ииҳәо аҵакы бзианы идыруеит избанзар асуперваизерра адагьы абокс азы адунеизегьтәи аиҿкаара WBO ахада ихаҭыԥуаҩыс дыҟоуп", - иҳәеит Беслан Адлеиба.

Игор Адлеиба – Аԥсны изныкымкәа дачемпионхахьеит, абокс азы Урыстәыла имҩаԥысуаз жәларбжьаратәи атурнирқәа дырчемпионуп, кикбоксинг (фул контакт) азы Адунеи ахраҿа ианашьоуп.

Иара убас шәаԥхьар ҟалоит:

 

64
Кран

Нанҳәа 12 аҽны Аҟәа ахәҭак ӡыда иаанхоит

3
(ирҿыцуп 20:24 11.08.2020)
АУН "Аӡыканал" аремонттә усурақәа мҩаԥнагараны иҟоуп Аҟәа, Арӡынбеи Ажәанбеи рымҩақәа рҟны, нанҳәа 12 аҽны.

АҞӘА, нанҳәа 11 - Sputnik. Нанҳәа 12, ахашаҽны асааҭ 00:00 инаркны 22:00 сааҭ рҟынӡа Аҟәа ахәҭак  ӡыда иаанхоит, ҳәа аанацҳауеит АУН "Аӡыканал".

Аӡы ҟалаӡом:

  • Ажәытә ҳабла
  • Колос
  • авокзал
  • ақалақь агәы
  • ВИЕМ
  • Адыгеиаа рымҩа

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

Иара убас шәаԥхьар ҟалоит:

3

Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

12
Белоруссиа алхрақәа рышьҭахь ишьақәгылаз аҭагылазаашьа атәы арадио Sputnik Аԥсны иазеиҭалҳәеит Барановичи инхо ҳџьынџьуаҩ Мзиа Кәыркәнааԥҳа.
Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

Нанҳәа 9 рзы Белоруссиа имҩаԥысит атәыла ахада иалхрақәа. Алхырҭатә ҭыԥқәа анадыркы ашьҭахь аҿагыларатә акциақәа ирылагеит. Абарҭ акциақәа раан иаанкылан урыстәылатәи ажурналистцәагьы.

"Хәылбыҽхала аҿар адәахьы ицәырҵны алхрақәа рлыҵшәа аҿагылара арҭоит, иқәԥоит. Ашьыжь зегьы бзиоуп, аусурақәа рахь ицоит, анаплакқәа русура аанкылам, зегьы аус ауеит. Ауаажәларратә транспорт зегьы аус ауеит. Аиҿагыларақәа мҩаԥысуеит Барановичи, Брест, Минск, Гомель уҳәа белоруссиатәи ақалақьқәа рҿы. Сгәыла ахәылбыҽха дахьдәылҵыз дҭаркит, уажәгьы лыхабар ыҟам, ҳара ҳшәаны аҩны ҳтәоуп, ҳдәылҵӡом, аӡәгьы дахәаԥшзом, аҿагылара иалаху иалахәыму ҳәа, зегьы кны иргоит", - еиҭалҳәеит Кәыркәнааԥҳа.

Белоруссиа аҳҭнықалақь аҟны ҩымш ҵуеит зиншьаҭада аҿагыларатә акциақәа ирылагеижьҭеи, акциақәа ирылахә ахада иалхрақәа рылҵшәақәа иазыразым. Александр Лукашенко 80% алхыҩцәа рыбжьы ирҭеит. Аҿагылара ҟазҵози азинхьчаратә органқәа русзуҩцәеи еиҿанагалеит. Минск агәҭа абаррикадақәа ргылан. Амилициа рхы иадырхәеит аӡыршәгақәа, агаз. Иҟоуп ааха зауны ахәышәтәырҭахь инанагаз. Минск агәҭа еизаз иаанкылоу ауаа амилициаа ирыцрырҟьарц рҽазыршәеит. Азинхьчаҩцәа ражәақәа рыла аӡәы дҭахеит.

Иара убас шәаԥхьар ҟалоит:

12