Аԥсны ахада иквотала Ауаажәларратә палата аилазаара шьақәирӷәӷәеит

36
Азакәан инақәыршәаны, Аԥсны Аҳәынҭқарра ахада иааишьҭуа аквотала Ауаажәларратә палата алахәылацәас иҟалар ауеит жәахаҩык ахаҭарнакцәа.

АҞӘА, абҵара 6 – Sputnik. Абҵарамза 5 рзы Рауль Ҳаџьымба Ауаажәларратә палата алахәцәа рышьақәырӷәӷәара иазку Аусԥҟа инапы аҵаиҩит ҳәа аанацҳауеит атәыла ахада иофициалтә саит.

Аԥсны Аҳәынҭкарра Азакәан "Аԥсны Аҳәынҭкарра Ауаажәларратә палатазы" ахәҭаҷ 8 инақәыршәаны Ауаажәларратә палата иалахәылацәахоит:

• Гарри Бигәаа –1992-1993 шықәсқәа рзтәи Аԥсны Аџьынџьтәылатә еибашьра аветеран, Леон иорден занашьоу, аветерантә еиҿкаара "Абааш" анапхгаҩы.

• Сократ Џьынџьал – Аԥсны аҳәынҭқарратәи ауаажәларратәи усзуҩ. 1992 шықәса рзы – Аԥсны Иреиҳаӡоу Асовет ахантәаҩы ихаҭыԥуаҩ. 1993 шықәса рзы – Аԥсны аԥыза-министр, Адәныҟатәи аусқәа рминистр. 1994 - 2002 шш. рзы – Апарламент аиҳабы.

• Гульнара Кьычба – Аиҿкаара "Аԥсны анацәа аҭынчреи асоциалтә иашареи рзы" ахантәаҩы. Асоциалтәи аполитикатәи усзуҩ.

• Игорь Лишьченко – Аиҿкаара "Русская община Гагрского района "Славянский дом" анапхгаҩы.

• Елена Лабахәуа – 2016 шықәса раахыс Аԥсны Алхратә комиссиа хада алахәыла. ААУ аҿыханҵа акафедра адоцент.

• Рита Лолуа – Риҵатәи ареликттә милаҭтә парк адиректор. Аԥсны Апарламент аҩбатәии аԥшьбатәии ааԥхьарақәа рдепутат.

• Валери Маиромиан – ауаажәларратә усзуҩ, Аԥсны Аџьынџьтәылатә еибашьра аветеран, Аԥсны Апарламент аԥшьбатәи ааԥхьара адепутат.

• Вадим Мироненко – 2009 шықәса раахыс Аԥсны иҟоу аказакцәа реидгыла ахантәаҩы. Агәымшәараз аорден ианашьоуп, Маргелов иорден ианашьоуп.

• Сергеи Смыр – ААУ азиндырратә факультет адекан, азиндырратә ҭҵаарадыррақәа ркандидат.

• Альберт Тополиан – 1992-1993 шықәсқәа рзтәи Аԥсны Аџьынџьтәылатә еибашьра алахәыла. Аибашьра ашьҭахь Апарламент аиҳабы ихаҭыԥуаҩ, аиҳабыра рхада ихаҭыԥуаҩ.

• Данил Убириа – Ауаажәларратә палата алахәыла, Аԥсны аекономикатә ҿиаразы Апартиа ахантәаҩы.

• Низам Ҳапат – 2015 шықәса раахыс Ауаажәларратә палата алахәыла, анаплакҩы.

• Руслан Ҳашыг – Ателерадиоеилахәыра "Абаза-ТВ" анапхгаҩы, Аԥсны ажурналистцәа Реидгыла ахантәаҩы.

Ауаажәларратә палата шьақәгылоуп 35-ҩык алархәны. Урҭ рҟынтәи 13-ҩык атәыла ахада ишьақәирӷәӷәоит. Апалата иалахәылацәоуп араионқәеи ақалақьқәеи рхаҭарнакцәа жәеизаҩыки аполитикатә партиақәеи аиҿкаарақәеи рхаҭарнакцәа жәеизаҩыки.

Ауаажәларратә палата далахәылахар алшоит дарбанызаалак Аԥсны атәылауаҩ, 21 шықәса ирҭысхьоу.

Азакәан инақәыршәаны алахәылара ҿҳәарала хышықәса ҳәа ишьақәыргылоуп.

Иара убас шәаԥхьар ҟалоит:

36

Аԥсны акоронавирус ҿыцны аӡәгьы имам

0
(ирҿыцуп 18:40 04.06.2020)
Ииасыз уахыки-ҽнаки рыла Аԥсны аҩныҵҟа акоронавирустә инфекциа амазааразы игәарҭеит 30-ҩык. Уи аԥхьа адиагноз "акоронавирус" рзықәыргылан Москвантәи иааз быжьҩык акурсантцәа.

АҞӘА, рашәара 4 - Sputnik. Ииасыз уахи-ҽни рзы Аԥсны аҩныҵҟа акоронавирустә инфекциа амазаара гәарҭеит 30-ҩык рҟны. Урҭ аӡәгьы авирус идбалам ҳәа аанацҳауеит COVID-19 аҟынтәи ауааԥсыра рыхьчаразы аоперативтә штаб.

"Аԥсшьарҭаҩны "Аиҭар" аҟынтәи иахьа рыҩныҟа иоушьҭуп Гәдоуҭатәи ахәышәтәырҭа амедусзуҩцәа хәҩык", - ҳәа аҳәоит адырраҭараҿы.

Иахьатәи аамҭазы Аԥсны зынӡа  35-ҩык авирус рыдырбалахьеит. Быжьҩык Гәдоуҭатәи ахәышәтәырҭа иҭоуп, 27-ҩык ргәы бзиахеит, аӡәы лыԥсҭазаара далҵит.

Адунеи зегь аҿы акоронавирус аадырԥшит6-миллионҩык рҟны, Урыстәыла – 400 000-ҩык инарзынаԥшуа рҟны.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

0
Атемақәа:
Ачымазара ҿкы – акоронавирус Аԥсни адунеи аҿи: иалкаау
Архивное фото

Акәасқьа ақыҭа анхаҩы ауаҩшьра далахәуп ҳәа агәҩара ыҟоуп

12
(ирҿыцуп 16:34 04.06.2020)
Очамчыра араион ауаҩԥсы ииасны ицоз автомашьына данеихсуаз ауаҩы дишьит ҳәа агәҩарала даанкылоуп.

АҞӘА, рашәара 4 - Sputnik. Очамчыра араион ауаҩԥсы иганахь ала ашьаус хацыркуп "мбжьахрыла ауаҩшьразы" ҳәа аанацҳауеит Аԥсны ААР асаит.

Аԥсны Адәныҟатәи аусқәа рыпресс-маҵзура ишаанацҳауала, ахҭысс аҭыԥ аманн лаҵара 30 рзы.

"Очамчыра араион Акәсқьа ақыҭан инхо Енвер Ферызба ижәны амҩаду ахь дцәырҵит. Ииасны ицоз автомашьына даехсит иикыз абџьар ала. Амашьына апассаџьыр, Тҟәарчал ақалақь аҿы инхоз ауаҩԥсы аҭыԥ аҿы иԥсҭазаара далҵит. Амашьына аԥсҟы зкыз аиҭахысра дацәшәаны дышнеиуаз абџьар зкыз ауаҩы дисит", - аҳәоит адырраҭараҿы.

Ферызба амашьына аниааха ашьҭахь ахәышәтәырҭахь днаган, уажәы иара даанкылоуп.

Аҭыԥ аҿы иԥшаан 12 калибр змоу ашәақь. Ферызба иганахь ала аусҭҵаара нап анаркит Очамчыра араион апрокуратура.

Иара убас шәаԥхьар ҟалоит:

12