Здание кабмина. Архивное фото.

Аԥсны ахада аҳәынҭеилакқәеи Арккара аминистрреи рхадацәа аиҭеит

40
(ирҿыцуп 09:59 07.11.2019)
Аҳәынҭқарратә еилакқәа ԥшьбеи министрраки рнапхгаҩцәа рзы абҵара 6 рзы Рауль Ҳаџьымба аусԥҟақәа инапы рыҵеиҩит.

АҞӘА, абҵара 6 – Sputnik. Аԥсны ахада Рауль Ҳаџьымба Аҳәынҭқарратә еилакқәа ԥшьбеи министрраки рнапхгаҩцәа рзы абҵара 6 рзы аусԥҟақәа инапы рыҵаиҩит.

Аԥсны Арккара аминистрс дҟаҵоуп Адгәыр Какоба, Астандартқәеи ахархәаратәи атехникатәи хылаԥшрази аилак ахантәаҩыс – Гарри Саманба, Аҳәынҭқарратә мазара анапхгараҭареи ахатәтәреи рзы аилак ахантәаҩыс – Вахтанг Ԥиԥиа, Аҳәынҭқарратә бызшәатә политиказы аҳәынҭеилакы ахантәаҩыс – Баҭал Хагәышь, Астатистиказы аҳәынҭеилакы аиҳабыс – Кама Гогьиаԥҳа.

Уаанӡа Аԥсны Аҳәынҭқарра ахада Рауль Ҳаџьымба министррақәаки ҳәынҭеилакқәаки рнапхгаҩцәа раҭаразы аусԥҟақәа инапы рыҵаиҩхьан.

Убас, жьҭаарамза 31 рзы Аԥсны Аҳәынҭқарра Ахада Рауль Ҳаџьымба Аԥсны Аҳәынҭқарра Акультура аминистр Ельвира Арсалиаԥҳа лзы Аусԥҟа инапы аҵаиҩит. Аԥсны Аҳәынҭқарра Агәабзиарахьчареи асоциалтә еиқәыршәареи рминистрс дҟаҵоуп Ҭамаз Ҵахнакьиа. Аԥсны Аҳәынҭқарра Адемографиеи арепатриациеи рминистрс даҭоуп Беслан Дбар.

Аԥыза-министр ихаҭыԥуаҩыси Афинансқәа рминистрси дҟаҵоуп Џьансыхә Нанба. Ареспублика ашәахтәқәеи аизгақәеи рминистрс – Даур Кәырмазиа.

Акурортқәеи атуризми рзы аҳәынҭеилакы ахада – Авҭондил Гарцкьиа. Ареспублика ақыҭанхамҩазы аҳәынҭеилакы ахадас – Амиран Какалиа.

Аԥсны Аҭагылазаашьа ҷыдақәа рминистрс – Лев Кәыҵниа.

Уаанӡа атәыла ахада Рауль Ҳаџьымба Аԥсны аԥыза-министрс Бганба Валери иҟаҵараз аусԥҟа инапы аҵаиҩхьан, аԥыза-министр актәи ихаҭыԥуаҩыс деиҭеит Даур Аршба.

Аԥсны Атәылахьчара аминистрс ихьӡ ҳәоуп Мираб Кьышьмариа. Аԥсны Аҩнуҵҟатәи аусқәа рминистрс дҟаҵоуп Гарри Аршба, Адәныҟатәи аусқәа рминистрс - Даур Ақаҩба. Аҳәынҭқарратә ҳазалхратә еилакы ахантәаҩыс ихьӡ ҳәоуп Гурам Инаԥшьба. Аҟәа ақалақь ахада инапынҵақәа наигӡоит Кан Кәарҷиа.

Иара убас шәаԥхьар ҟалоит:

40

Кәакәасқьырԥҳа Жәлар Реизарахь алхрақәа рзы: бзыԥаа ҳҿахәы зҳәаша иалхра ҳазыхиоуп

25
(ирҿыцуп 21:25 09.07.2020)
Гагра араион, Бзыԥта аҳаблан иҟоу алхырҭатә ҭыԥ хада акомиссиа ахантәаҩы Асида Кәакәасқьырԥҳа арадио Sputnik Аԥсны аефир аҿы еиҭалҳәеит иааиуа амҽыша атәылаҿы имҩаԥгахо Жәлар Реизарахь адепутатцәа ралхра аус иахьынӡазыхиоу атәы.

Аԥсны Алхратә комиссиа хада иҭацәыз адепутаттә ҭыԥқәа рахь ԥхынгәы 12 рзы алхрақәа рымҩаԥгара ҿҳәарас ишьақәнаргылеит.
Аԥсны Жәлар Реизарахь алхрақәа мҩаԥысуеит алхратә ҭыԥ хадақәа ԥшьба рҿы: Кындыӷтәи, Гәдоуҭатәи, Бзыԥтәи, Оҭҳаратәи. Бзыԥтәи алхратә ҭыԥ хада № 10 аҟынтә Жәлар Реизара адепутатрахь кандидатцәас иқәгылоуп: Ҭамаз Леибеи Ҭемыр Беиеи.

Раионк аԥсҭазаараҟынтә: Кәакәасқьыр Жәлар реизарахь адепутатцәа ралхра иахьынӡазыхиоу иазкны

"Ажәабатәи алхырҭатә ҭыԥ хадаҿы ашәҟәы иҭагалоуп алхыҩцәа 5-нызықьҩык инареиҳаны. Ҳокруг аҿы иҟоуп алхырҭатә ҭыԥқәа хәба. Алхыҩцәа рсиақәа зегьы кнаҳауп, ачымазаҩцәа рҟнытә арзаҳалқәа адкылара ҳалагахьеит. Ҳкомиссиа ахадацәа зегьы рҭыԥқәа рҿы иҟоуп. Асабша асиақәа еиҭагәаҭахоит, ари аамҭа иалагӡаны аиҭакрақәа ҟалазар урҭ ашәҟәы иҭаҳгалоит, иара убасгьы ианыхтәу дҟаларгьы уи аусгьы нагӡахоит", - ҳәа еиҭалҳәеит Кәакәасқьырԥҳа.

Азакәанԥҵаратә мчраҿы амандатқәа ԥшьба ҭацәуп - уаанӡа депутатцәас иҟаз атәыла ахада Аслан Бжьаниа, аԥыза-министр Александр Анқәаб, Аҩнуҵҟатәи аусқәа рминистр Дмитри Дбар, Гагра араион ахада инапынҵақәа назыгӡо Иури Хагәышь рҭыԥқәа.

Кындыӷтәи алхратә ҭыԥ хада №31 аҟнытә Жәлар Реизара адепутатрахь кандидатцәас иқәгылоуп: Аидар Кәыҵниа, Гарри Кокаиа, Џьансыхә Адлеиба; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Оҭҳаратәи алхратә ҭыԥ хада №14 аҟнытә Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци.

Иара убас шәаԥхьар ҟалоит:

 

25

Акоронавирус змоу ҩыџьа апациентцәа Гәдоуҭатәи ахәышәтәырҭаҿ ишышьҭац иаанхоит

13
(ирҿыцуп 18:54 09.07.2020)
Иаҳхысыз уахыки-ҽнаки рыла Аԥсны 12-ҩык акоронавирустә инфекциа амазааразы агәаҭара иахысит.

АҞӘА, ԥхынгәы 9 - Sputnik. Ҩыџьа апациентцәа макьана Гәдоуҭатәи ахәышәтәырҭаҿы ишышьҭац иаанхоит ҳәа аанацҳауеит Ауааԥсыра акоронавирус рацәыхьчаразы аоперативтә штаб.

"Ииасыз уахыки-ҽнаки рыла акоронавирустә инфекциа агәаҭаразы абиоматериал арҭеит 12-ҩык атәылауаа. COVID-19 аӡәгьы идбалам", - аҳәоит адырраҭараҿы.

Аԥсны иахьаҵанакуа акоронавирус зынӡа 38-ҩык ирыдбалоуп. Ҩыџьа Гәдоуҭатәи ахәышәтәырҭа иҭоуп, 35-ҩык ргәы бзиахеит, аӡәы лыԥсҭазаара далҵит.

Џьон Хопкинс ихьӡ зху ауниверситет адыррақәа рыла, адунеи аҿы акоронавирус захьыз рхыԥхьаӡара 12 миллионҩык инархыҳәҳәахьеит.

Акоронавирус иазку ажәабжьқәа зегьы шәрыԥхьар ҟалоит абра>>

 

13
Атемақәа:
Ачымазара ҿкы – акоронавирус Аԥсни адунеи аҿи: иалкаау