Кан Кәарҷиа Аҟәа ақалақь агәаҭара мҩаԥигеит

76
(ирҿыцуп 15:46 06.11.2019)
Аҟәа ақалақь ахада инапынҵақәа назыгӡо Кан Кәарҷиа ари амчыбжь азы ақалақь далсны агәаҭарақәа мҩаԥигеит. Даҭааит аџьармыкьа хадагьы. Ара иара адҵа ҟаиҵеит амҩаҟны закәаншьаҭада иргылоу амшьамбатә қьалақәа ықәыргарц, азин ылгамкәа икнарҳаз аӡыргаратә баннерқәа кыдырхырц.

Иара убасгьы иазгәеиҭеит аџьармыкьа акәша-мыкәша ауаажәларратә транспорт аԥырхага азҭо автомашьынақәа ргыларҭа еиҿкаазарц.

Бадраҟ Аҩӡба, Sputnik

Кан Кәарҷиа ақалақь аӷәаҭара ахԥатәи амш хациркит Аҩнусбарҭа №3 аҭаарала. Аусбарҭа аиҳабы Асҭамыр Матуеи иареи реицәажәараан Кәарҷиа аҳәара ҟаиҵеит иҟоу апроблемақәа рзы адырра ииҭарц.

Убри аан иара иазгәеиҭеит ауааԥсыра ишдырдыртәу дара рхаҭақәагьы ацқьареи аиҿкаареи иадгылар шахәҭоу.

"Ҳара шҭацыԥхьаӡа иԥссо ҳзахысуам. Ақалақьуаагьы ацқьара шхымԥадатәиу рдыруазароуп. Абри аганахьала ҳара-ҳара ҳаицхыраароуп. Ауаа шәрацәажәа. Ари имариам усуп, аха сгәы иаанагоит ҳаилибакаап ҳәа", - иҳәеит Кан Кәарҷиа.

Иара иазгәеиҭеит араион аҿы инхои аҩнусбарҭеи еицхырааны арыцқьаратә мшқәа еиҿыркаалар ахәҭоуп ҳәа.

Асҭамыр Матуа дырзааҭгылеит дызхагылоу Аҩнусбарҭа №3 аҟны раԥхьа иргыланы иӡбатәу апроблемақәа.

"Џьонуеи Арӡынбеи рымҩақәа реихысырҭаҿы аҭагылазаашьа акыр иуашәшәыроуп. Амашьынақәа рныҟәара, аиҳаракгьы ашьыжь иуадаҩуп. Иара убасгьы амҩатә ҭагылазаашьа бааԥсуп Имам Шамиль имҩеи Аиааира амҩадуи реихысырҭаҿы", - ҳәа азгәеиҭеит Матуа.

© Sputnik / Томас Тхайцук
Инспекция в Сухуме

Уи адагьы иара иҳәеит ахштә зауад ахь уназго амҩа акыр ишыбааԥсу. "Амшқәа цәгьахацыԥхьаӡа еиҳа-еиҳа иуадаҩхоит уа аныҟәара", - иҳәеит Матуа.

Кан Кәарҷиа аҟазауаа рнапы ианиҵеит ԥхьаҟазы арҭ амҩақәа рҟны аусурақәа рымҩаԥгаразы иазгәарҭарц.

"Алшара ҳаур, ҳаԥхьаҟа Титов имҩагьы еиҭашьақәыргылатәуп. Алашарбага араион ахь ма Араион ҿыц ахь ицо уи амҩала имҩаслар аџьармыкьа араион еиҳа ахы иақәиҭхон", - иҳәеит Кан Кәарҷиа.

Асҭамыр Матуа дрылацәажәеит аремонт зҭаху аҩнқәа. Урҭ руак, Адлеиба имҩ. 232-тәи аҩны аӡы аҵоуп. Уи зыхҟьаз аӡыҭгага ахьажәыз ауп. Ахада инапынҵақәа назыгӡо иҳәеит апроблемақәа зегьы аамҭа-аамҭала рҭыԥ ишықәҵахо.

Аҩнусбарҭа  №3 аҟынтәи Кан Кәарҷиа ааигәа-сигәа игылоу аҩнеихагылақәа рышҭақәа рбаразы днеит. Иара убра ааигәа, Агәмаа имҩа №1 аҿы агәаракәырша аужәра шахиааз ибеит. Асҭамыр Матуа иҳәеит ари аҭыԥ аҿы уаанӡа ауҭра шыҟаз. Ақалақь ахада ари аҩыза агәара ықәгатәуп иҳәеит.

"Ара ауаа шынхо дыруп, аха иахәҭоу ишахәҭоу иҟазароуп. Ашәҭ еиҭарҳааит, аҵлақәа, ачықьқәа еиҭарҳааит. Ари аҵакыра аӡәгьы иаҳҭом, аха  идрыцқьааит, ҳара излаҳалшо ала ҳрыцхраауеит", - иҳәеит иара.

Абри ашьҭахь Кан Кәарҷиа днеит Арӡынба имҩаҿы игылоу 148-тәи аҩнахьы. Ара ашҭаҿы еиқәыжьыз аргыларатә плитақәа рықәгаразы "Автонхамҩа ҷыда" адҵа аиҭеит.

Аҩнеихагылақәа руак аҭӡы иавадыргылаз аҿахыб аниба, асеиԥш аргыларақәа ралыршара шыҟамло иҳәеит.

© Sputnik / Томас Тхайцук
Инспекция в Сухуме

Анаҩс Кәарҷиа имҩа хан ақалақь аџьармыкьа хадахьы. Раԥхьа иргыланы иара дазхьаԥшит аџьармыкьа акәша-мыкәша автомашьынақәа рныҟәара. Уаанӡа иара ари аус ӡбазарц адҵа ҟаиҵахьан.

"Уажәы ҳара иаабоит аныҟәара заҟа иманшәалахаз. Амашьынақәа рныҟәара еиҿкаатәуп. Ауаҩы иахьиҭаху амашьына нижьуа иҟамлароуп", - иҳәеит иара.

Кан Кәарҷиа аџьармыкьахь иаҵанамкуа атротуарқәа рҟны ахәаахәҭырҭақәа ангәеиҭа, ақалақь архитектор хада инапынҵақәа назыгӡо Светлана Шаменкова илҳәеит уи азы азин аӡәгьы ишыҟаимҵаз.

© Sputnik / Томас Тхайцук
Инспекция в Сухуме

"Адәқьанқәа ҳзымхакәа амҩадуқәа ҳарнылеит. Ари ԥшӡоума? Сара ирацәаны атәылақәа сырҭаахьеит, аха уа аџьармыкьақәа рыкәша-мыкәша асеиԥш сымбац", - иҳәеит Кәарҷиа.

Кан Кәарҷиа агәыӷра ааирԥшит излагаз аиҭакрақәа рганахьала ауаа аилкаара аадырԥшып ҳәа.

© Sputnik / Томас Тхайцук
Инспекция в Сухуме

Ахада инапынҵақәа назыгӡо иара убасгьы аӡыргаратә баннерқәа дрызхьаԥшит.

"Закәаншьаҭада икнаҳау зегьы кнаҳхуеит. Уаанӡа иарбаз аҭыԥқәа рҿы иҟалоит аӡыргаратә хархәагақәа рыкнаҳара, рықәыргылара", - иҳәеит иара.

Кан Кәарҷиа иара убас "Ақалақьтә ргылара" адҵа аиҭеит Алашарбага араион ахь ицо атранспорт аангыларҭа аремонт азузарц.

Иара убас шәаԥхьар ҟалоит:

 

76

Аԥсны ААР раԥхьатәи ахада иҩны иақәкны ахысра иалахәыз рыԥшаара иашьҭоуп

2
(ирҿыцуп 11:47 03.06.2020)
Ахҭыс ахьыҟаз аҭыԥ аҟны иԥшаан агильзақәа. Заанаҵтәи аусҭҵаара мҩаԥнагоит Аҟәа араион аҩныҵҟатәи аусқәа рыҟәша.

АҞӘА, рашәара 3 - Sputnik. Аԥсны Аҩныҵҟатәи Аусқәа Рминистрра аусзуҩцәа раԥхьатәи ахада Владислав Арӡынба иҩны иақәкны ахысраан иалахәыз рыԥшаара иашьҭоуп ҳәа аанацҳауеит аусбарҭа апресс-маҵзура.

Аусҭҵаара адыррақәа рыла, лаҵара 29 асааҭ 20:00 рзы Алада Ешыра Папба имҩахь иааит идырым ахаҿқәа ргәыԥ. Урҭ руаӡәк раԥхьатәи ахада иҩны иақәкны ахысра далагеит.

Уаанӡа, Аԥсны ААР аминистр Дмитри Дбар аҳәамҭа ҟаиҵахьан раԥхьатәи ахада иҩны деихсит ҳәа агәҩара ззыҟоу дшаанкылоу азы.

Иара убас шәаԥхьар ҟалоит:

  • Аԥсны раԥхьатәи ахада Ешыра иҩны иақәкны ихысуаз ҳәа агәҩара ззыҟоу даанкылоуп

 

2
Флаги

Аԥсны аҿиаразы аинвестициатә программа 2020 шықәсазы еиҵахаӡом

1
(ирҿыцуп 11:33 03.06.2020)
Аԥсны ахада Аслан Бжьаниа иажәақәа рыла, Урыстәылатәи Афедерациа Аԥсны афинанстә цхыраара еиҵанатәуам ахатә биуџьет аркьаҿрақәа шаланагалазгьы.

АҞӘА, рашәара 3 - Sputnik. Аԥсны асоциал-економикатә ҿиаразы аинвестициатә программа 2020 шықәсазы еиҵахаӡом ҳәа аҳәамҭа ҟаиҵеит Аԥсны ахада Аслан Бжьаниа Апарламент адепутатцәа данырԥылоз.

"Аҵыхәтәантәи мызки бжаки рыҩныҵҟа сара ҩынтә Москваҟа сцеит. Актәи аныҟәара аԥыза-министри сареи еицымҩаԥаагеит, аҩбатәи аныҟәара иалахәын афинансқәеи аекономикеи рминистрцәа. Урыстәылатәи агани ҳареи ҳаилацәажәеит аинвестпрограмма ахышәа-ҵышәа ишагымхо азы. Уи анаҩсгьы зыргылара хыркәшам аобиектқәагьы рыргылара ари ашықәс ахь ииаганы ихыркәшахоит. Ԥарала ари 400 миллион мааҭ артәоит", - иҳәеит Бжьаниа.

Иара убасгьы иазгәеиҭеит аҵыхәтәантәи ашықәсқәа рзы Аԥсны зныкгьы инхарҭәааны Аинвестициатә программа шазынамыгӡаз. Уажәы уи анализ азыҟаҳҵоит иҳәеит иара. Иҟалоит сынтәагьы аобиективтә мзызқәа ирхырҟьаны иалмыршахар. Бжьаниа игәаанагарала, амзызқәа иреиуоуп апроектқәа рысмета ииашоу аекспертиза азура ахьыҟам. Уи Урыстәылоуп иахьыҟарҵо, аамҭеи аԥареи рацәаны иаҭахуп.

Абри инадҳәаланы Урыстәыла ахадара ақәшаҳаҭхеит аекспертиза атехникатә план ала иуадаҩу аобиектқәа мацара рзыҟаҵара.

2021 шықәса рынахыс абри аҩыза аусура Аԥсны имҩаԥгахалоит.

Бжьаниа иҳәеит ареспублика 2020 шықәсазтәи аобиектқәа реиқәыԥхьаӡа рашәара 30 рҟынӡа иазнархиар шакәу.

"Ҳара иҟаҳҵарц иаҳҭаху ҳәаны уи азы аԥара заҟа ҳҭаххо шьақәҳаргылароуп. Агха ҟалар ҳара ҳрепутациоуп аԥырхага зауа. Аекономикеи афинансқәеи рминистррақәа абри аус рнапы алакуп уажәазы. Сгәыӷуеит еилагара дук ҟаларым ҳәа", - иҳәеит ахада.

Урыстәыла Аԥсны ацхраара еиҵанамтәит, уи акәым Аинвестпрограммала иаарышьҭуа ацхыраара ацҵара азҵаара алацәажәарагьы ҟалоит ҳәа иҳәеит Бжьаниа. Асеиԥш азыҟазаашьа аҭакгьы иашаны иаҭахуп ҳәа ишьоит иара.

Бжьаниа иара убасгьы далацәажәеит Ԥсоу иаԥну аҳәаа аркра азҵаара. Акоронавирус иахҟьаз аԥкрақәа ареспублика ауааԥсыра ирнырит, аиҳаракгьы аҳәаанырцә ахәышәтәра зҭаху ауаа.

Аслан Бжьаниа иажәақәа рыла, иара Урыстәыла аԥыза-министр Михаил Мишустин ихьӡала аҳәаратә шәҟәы азирхиеит арҭ рҩызцәа атәылауаа ԥынгылада урыстәылатәи ахәышәтәырҭақәа рҿы ацхыраара роуларц.

Бжьаниа амчыбжь анҵәамҭаз Мишустин аҭел дизасраны дыҟоуп азҵаара аӡбшьазы.

Ахада иҳәеит Москваҟа Аиааира 75-шықәса ахыҵра амшныҳәа азгәаҭарахь дышнаԥхьоу. Убасҟантәи аныҟәарақәа рҳәаа иҭагӡаны ишышьақәыргылахо Аинвестициатә программа иадҳәалоу азҵаарақәа зегьы рыӡбра.

Иара убас шәаԥхьар ҟалоит:

1