ацитрустә шәырқәа

2018 шықәса иаҿырԥшны ацитрустә шәырқәа рекспорт абжаранӡа еиҵоуп

21
(ирҿыцуп 12:05 08.11.2019)
Аԥсны аҳәынҭқарратә ҳазалхратә еилакы иазыԥхьагәанаҭоит 2019 шықәса рзы амандаринақәа рекспорт 20 нызқь тонна рҟынӡа инаӡап ҳәа. Иахьазы бжьаратәла амандаринақәа рыхәԥса 22 - 25 мааҭ артәоит.

АҞӘА, абҵара 7 — Sputnik. Урыстәылаҟа Аԥснынтәи амандаринақәа ралагалара мҩаԥысуеит аушьҭырҭатә ҭыԥ "Адлер" аҟынтәи. Уажәы уи аиасра ииасыз ашықәс иаҿырԥшны ҩынтәны еиҵоуп.

Аҳазалхратә усбарҭа адыррақәа рыла ихацыркуп "амандаринатә сезон". Ацитрустә шәырқәа раԥхьатәи апартиақәа агәыларатә республикахь ииарго иалагеит жьҭаарамза алагамҭазы. Иахьазы ашәҟәы иҭагалоуп 150 тонна аалыҵ. Уахыки-ҽнаки рыла ашәҟәы иҭаргалоит 10 тоннак рҟынӡа ацитрустә шәыр.

"2018 шықәса иаҿырԥшны ацитрустә шәырқәа рекспорт абжаранӡа еиҵоуп. 2018 шықәса абри аамҭазы аҳәаа иахыргахьан 300 тонна ацитрусқәа. Уахыки-ҽнаки рылагьы ашәҟәы иҭаргалон 20 тонна амандарина", - аҳәоит адырраҭараҿы.

2018 шықәса "амандаринатә сезон" аихшьаалақәа инарықәыршәаны жьҭаара-жәабранмза ирылагӡаны аҳәаа иахыган 37 000 тонн ацитрус шәырқәа.

Иара убас шәаԥхьар ҟалоит:

21

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

18
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

18

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау